१ थेसलोनिकी 3:12 - केवट नया कारार

¹² आर हमेसब प्रार्थना करैछियै कि जेरंके हमेसब तोरसिसे प्रेम करैछियौ, ओहिने करिके तोरसिके प्रेम एक दोसरके प्रति आर सभे आदमीसिके लिए बढते आर उमडते रहौ।

१ थेसलोनिकी 3:12 Iomraidhean Croise

मत्ती 22:39

दोसर आज्ञा भी पहेलाके आज्ञा जुगुर ही छै, तुहें आपन पडोसीके आपने जुगुर प्रेम करिहैं।

मत्ती 7:12

आदमीसब तोरसिसे जेरं व्यवहार करौ कहिके तुहेंसब चाहैछैं, तहुँसब ओकरसिके संगे ओहिने व्यवहार कर। कहिनेकी इहे मूसाके विधि-विधान आर परमेश्वरके वक्तासिके लिख्ल बातके मतलब छै।”

लूका 17:5

चुन्ल आर भेज्ल चेलासब प्रभु येशूके कहैल्कै, “हमरसिके विश्वासके आरहौ मजगुत बनाब।”

रोमी 13:8

तोरासिके खाली एकटा बातके कर्जदार होना चाही आर ऊ यी छै कि तुहेंसब एक दोसरासे प्रेम कर। कहिनेकी जे आदमी दोसरसे प्रेम करैछै, ऊ आदमी परमेश्वरके विधि-विधानके पुरा करैछै।

२ कोरन्थी 9:10

परमेश्वर सभे दिन किसानसिके बुनैके लिए बिहन दैछै, आर ओकरासिके खैके लिए भोजन भी दैछै। सेल्याके अहिने करिके परमेश्वर यी सम्भव कर्तै कि तोरसिकेलगत सभे दिन बहुते धन हौ, ताकी तुहेंसब आरहौ बेसी उदारतासे जरुरत पडल आदमीसिके सहायता करे सक्हैं।

गलाती 5:22

पवित्र आत्माद्वारा उत्पन्न हुएवाला चरित्रसब यी छियै: प्रेम, आनन्द, शान्ति, धीरज, दया, भलाइ, विश्वस्तता,

गलाती 5:6

कहिनेकी यदि अपनासब ख्रीष्ट येशूके संगे एक छियै ते आपनसिके खतना भेल छै या नैभेल छै यी बात महत्वपूर्ण नैछै। मगर महत्वपूर्ण बात यी छै कि अपनासब ख्रीष्टके आपन उद्धारकर्ताके रुपमे विश्वास करैछियै, आर परमेश्वर आर दोसर आदमीसिके प्रति प्रेम राखैछियै।

फिलिप्पी 1:9

हमर प्रार्थना इहे छै कि सचके ज्ञान आर बुद्धि-विवेकके साथ एक दोसरके लिए तोरसिके प्रेम लगातार बढ्ते रहौ।

१ थेसलोनिकी 2:8

हमेसब तोरासिके बहुते प्रेम कैलियौ। हमेसब तोरासिके एतनें प्रेम कैलियौ कि हमेसब खाली परमेश्वरके खुश-खबरी नै, मगर आपन-आपन जान भी तोरासिके दियैके लिए तैय्यार रहियै।

१ थेसलोनिकी 4:1

अन्तमे हे विश्वासी भ्या-बहिनसब, हमेसब तोरासिके प्रभु येशूके नाममे आग्रह करैछियौ कि जेरंके हमेसब तोरासिके सिखैलियौ छे, परमेश्वरके खुश करेवाला जीवन जी। तुहेंसब पहलहैसे एरंके जीवन जियैछैं, आर हमेसब तोरासिके एरंके जियैके लिए आरहौ बेसी उत्साह दैछियौ।

१ थेसलोनिकी 5:15

यी ध्यान राख कि कोय भी खराबीके बदला खराबी नैकरक, मगर सभे दिन दोसर विश्वासी आर दोसर आदमीसिके दयालु व्यवहार करैके कोशिश कर।

२ थेसलोनिकी 1:3

हे विश्वासी भ्या-बहिनसब, तोरसिके लिए सभे दिन हमरासिके परमेश्वरके धन्यवाद चढाना चाही, आर यी करना हमरसिके लिए उचित छै, कहिनेकी तुहेंसब निरन्तर येशू ख्रीष्टमे विश्वास करैछैं आर एक दोसरप्रतिके तोरसिके प्रेम भी बढते गेलौ छे।

याकूब 1:17

कहिनेकी हरेक बढियाँ आर हरेक उत्तम वरदान पिता परमेश्वरसे आबैछै, जे आकाशमे भेल सभे उजेतके सृष्टि कैल्कै छे। परमेश्वर सभे दिन एक समान छै आर ऊ छायाके जुगुर नैबदलैछै।

२ पत्रुस 1:7

तोरासिके नैते खाली एरं तरिकासे जिना चाही जे परमेश्वरके खुश करैछै, बल्की तोरासिके एक दोसरके आपन खुदके परिवारके सदस्यसिके जुगुर प्रेम करना चाही। तोरासिके खाली एक दोसरके ही आपन परिवारके सदस्यसिके जुगुर प्रेम नैकरना चाही मगर तोरासिके सभे आदमीसिके प्रेम करना चाही।

२ पत्रुस 3:18

मगर तोरासिके आपनसिके प्रभु आर उद्धारकर्ता येशू ख्रीष्टके अनुग्रहके आरहौ बेसीसे बेसी अनुभव करना चाही आर ओकर प्रति आपन समझमे बढना चाही। ओकर महिमा एखन आर सभे दिनके लिए हैते रहै। आमेन।