१ थेसलोनिकी 3:11 - केवट नया कारार

¹¹ हमेसब प्रार्थना करैछियै कि आपनसिके परमेश्वर पिता आर आपनसिके प्रभु येशू ख्रीष्ट तोरसिके भेट करैके लिए हमरसिके रस्ता खोली दै।

१ थेसलोनिकी 3:11 Iomraidhean Croise

मत्ती 6:14

अगर तुहेंसब तोरसिके विरुद्धमे पाप करेवाला आदमीसिके माफ कर्भैं ते तोरसिके स्वर्गमे भेल परमेश्वर पिता भी तोरसिके पाप माफ कर्तौ।

मत्ती 6:18

आर तोरसिके उपास आदमीसब नै, मगर गुप्तमे कि कैल छे से देखेवाला तोरसिके परमेश्वर पिता, जे उटा गुप्त जगहमे भी छै, देखौ, आर गुप्तमे देखेवाला तोरसिके परमेश्वर पिता तोरासिके इनाम देतौ।”

मत्ती 6:26

आकाशके चिडियासिके देख। ऊसब बिहन भी नैबुनैछै, अनाज भी नैकाटैछै आर कोठीमे जमा भी नैकरैछै। तैय्योपर स्वर्गमे रहेवाला तोरसिके परमेश्वर पिता ओकरासिके खियाबैछै। आर निश्चित रुपसे तुहेंसब चिडियासिसे बेसी किमती छैं।

मत्ती 6:32

कहिनेकी परमेश्वरके नैचिन्हेवाला गैर-यहूदी आदमीसब यी सभे चीजके चिन्ता-फिकिर करैछै। आर स्वर्गमे रहेवाला परमेश्वर पिता तोर्हौसिके भी यी सभे चीजके जरुरत छै कहिके जानैछै। सेल्याके, चिन्ता-फिकिर नैकर।

मत्ती 6:4

तोरसिके दान गुप्तमे दहैं आर गुप्तमे दियैके बखत देखेवाला तोरसिके परमेश्वर पिता तोरासिके इनाम देतौ।”

मत्ती 6:6

मगर जब तुहेंसब प्रार्थना करैछैं, आपन भितरके कोठामे ढुक आर केबाड बन्द करिके गुप्तमे रहेवाला तोरसिके परमेश्वर पितासे, जे उटा गुप्त जगहमे भी छै, प्रार्थना कर, आर गुप्तमे हुएवाला तोरसिके परमेश्वर पिता तोरासिके इनाम देतौ।

मर्कूस 1:3

“ओकर आवाज सुनसान जगहमे जोर जोरसे हल्ला करिके आदमीसिके एरं कहते रहै, ‘प्रभुके रस्ता तैय्यार कर ओकर रस्ता ठीक कर, जे रस्ता द्याके ऊ ऐतै।’ ”

लूका 12:30

कहिनेकी परमेश्वरके नैचिन्हेवाला आदमीसब यी सभे चीजके चिन्ता-फिकिर करैछै। तोरासिके भी यी सभे चीजके जरुरत छै कहिके परमेश्वर पिता जानैछै।

लूका 12:32

येशू फेर कहैल्कै, “तुहें भेंडाके एकटा छोटका झुण्डके जुगुर छैं, सेल्याके कोय भी बातके विषयमे नैडर! कहिनेकी तोरसिके परमेश्वर पिता खुशी-खुशी आपन राज्य तोरासिके दियैके लिए फैसला करि लेल्कौ छे।

यूहन्ना 20:17

येशू ओकरा कहैल्कै, “हमर चरणके पक्डीके हमरा नैरोक, कहिनेकी हमे एखनतक पिताके लगत नै गेलियै छे। मगर हमर भ्या-बहिनसिके लगत जैके कहिदहैं, ‘हमर पिता आर तोरसिके पिता, हमर परमेश्वर आर तोरसिके परमेश्वरके लगत हमे जैछियै।’ ”

रोमी 1:3

यी खुश-खबरी परमेश्वरके बेटाके विषयमे छै, आपनसिके प्रभु ख्रीष्ट। ऊ आदमी बनिके दाऊद राजाके वंशमे जनम लेल्कै।

२ कोरन्थी 6:18

हमे तोरसिके पिता हैबौ आर तुहेंसब हमर बेटा-बेटीसब हैभैं, यी सर्वशक्तिमान प्रभुके वचन छै।”

गलाती 1:4

आपनसिके परमेश्वर आर पिताके इच्छाके मुताबिक येशू ख्रीष्ट अपने आपके आपनसिके पापसिके कारण बलिदान करिदेल्कै ताकी अपनासब यी वर्तमान संसारके आदमीसिके खराब प्रभावसे बचिके रहियै।

कलस्सी 1:2

ख्रीष्टमे भेल कलस्से सहरके परमेश्वरके आदमीसब आर विश्वासयोग्य भ्या-बहिनसब, हमे प्रार्थना करैछियौ कि आपनसिके परमेश्वर पिता तोरासिके अनुग्रह आर शान्ति दौ।

१ थेसलोनिकी 3:13

हमेसब प्रार्थना करैछियै कि आपनसिके प्रभु येशू तोरसिके मनके एरंके स्थिर कराबौ, कि जब ऊ आपन पवित्र आदमीसिके संगे फेर वापस ऐतौ ते, तुहेंसब आपनसिके परमेश्वर पिताके समनामे निर्दोष आर पवित्र ठहरहैं।

१ थेसलोनिकी 4:16

कहिनेकी प्रभु येशू आपनहैं स्वर्गसे निच्चा ऐतै, उटा समयमे प्रभु येशू बडका आवाजसे आदेश देतै, प्रधान स्वर्गदूत बडका आवाजसे बोल्तै आर परमेश्वरके धुतहुक फुक्ल जैतै, आर ख्रीष्टमे मर्ल विश्वासीसब पहेला जिन्दा हैतै।

१ थेसलोनिकी 5:23

शान्ति दिएवाला परमेश्वर आपनहैं पुरा रुपसे तोरासिके पवित्र बनाबौ आर तोरसिके सारा आत्मा, प्राण आर शरीर आपनसिके प्रभु येशू ख्रीष्टके फेर वापस आबैके दिनतक निर्दोष रहौ।

२ थेसलोनिकी 2:16

हमेसब आपन प्रभु येशू ख्रीष्ट आर परमेश्वर पितासंगे प्रार्थना करैछियै जे अपनासिके प्रेम कैल्कै आर जे आपन अनुग्रहसे अपनासिके कहियो खतम नैहुएवाला उत्साह आर दृढ आशा देल्कै।

२ थेसलोनिकी 3:16

हमे प्रार्थना करैछियै कि प्रभु जे शान्तिके स्रोत छै, ऊ सभे बातमे तोरासिके शान्ति दौ। हमे प्रार्थना करैछियै कि प्रभु सभे दिन तोरसिके संगे रहौ।

२ थेसलोनिकी 3:5

हमेसब प्रार्थना करैछियै कि प्रभु येशू ख्रीष्ट तोरासिके यी बुझैके योग्य बनाबौ कि परमेश्वर आपन आदमीसिके कतनें प्रेम करैछै आर जब आदमीसब ओकरा सतैल्कै रहे जेरंके ऊ खुद धीरज धारण कैल्कै ओहिने करिके तुहेंसब भी धीरज धारण कर।

१ यूहन्ना 3:1

विचार ते कर कि परमेश्वर पिता अपनासिके केरंको प्रेम कैल्कै छे कि अपनासब परमेश्वरके बेटा-बेटी कहलैल जैयै, आर सच्चे अपनासब ओकर बेटा-बेटी छियै भी। मगर यी संसारके आदमीसब अपनासब परमेश्वरके बेटा-बेटीसब छियै कहिके नैचिन्हैछै कहिनेकी ऊसब परमेश्वर पिताके ही नैचिन्हैछै।

प्रकाश 21:3

फेर हमे एकटा आवाज सुन्लियै जे परमेश्वरके सिंहासनसे जोरसे बोल्लै, “देख, परमेश्वरके निवास आब आदमीसिके बीचमे छै, परमेश्वर ओकरसिके संगे रहतै। ऊसब परमेश्वरके आदमीसब हैतै। ऊ खुद ओकरासिके आपन आदमीसिके रुपमे स्वीकार कर्तै आर ऊ ओकरसिके संगे रहतै आर ऊसब भी ओकरा आपन परमेश्वरके रुपमे स्वीकार कर्तै।