१ थेसलोनिकी 2:16 - केवट नया कारार

¹⁶ आर ऊसब गैर-यहूदी आदमीसिसे ओकरसिके उद्धारके लिए बात करैसे हमरासिके रोकैछै। जबतक अन्तमे परमेश्वर ओकरासिके सजाय नैदेतै, ऊसब पापपर पाप करैछै। आर एखन अन्तमे परमेश्वर ओकरासिपर गोसैल छै आर ओकरासिके जल्दी ही सजाय दिएवाला छै।

१ थेसलोनिकी 2:16 Iomraidhean Croise

मत्ती 12:45

तब ऊ भूत जैछै आर आपनसे बेसी दुष्ट आरहौ सातटा भूत आपन संगमे आनैछै आर ऊ आदमीके भितर ढुकिके ऊ भूतसब ओत्ते बास करैछै, आर ऊ आदमीके दशा पहिलासे आरहौ खराब हैछै। यी दुष्ट पिढीके आदमीसिके भी अहिने हैतै।”

मत्ती 23:32

हमरा पता छै कि तुहेंसब उटा खराब कामके पुरा करेवाला छैं जकरा तोरसिके बाप-पुर्खासब शुरु कैल्कै रहे।

मत्ती 24:14

आर परमेश्वरके राज्यके बारेमे खुश-खबरी सारा संसारमे प्रचार कैल जैतै, ताकी जात-जातके आदमीसिके यी स्वीकार करैके अवसर मिलै। तकरबाद संसारके अन्त हैतै।”

मत्ती 24:6

जब तुहेंसब लडाई आर लडाईके हल्लासब सुन्भैं, तब नैडर। एरं घटनासब होना जरुरी छै। मगर एकरा दुनियाँके अन्त नैसमझिहैं।

मत्ती 3:12

ओकर फटकेवाला सुप्पा ओकर हातमे छै, आर ऊ आपन खम्हारके अनाजके पुरे साफ कर्तै आर गहुम बखारीमे जमा कर्तै, मगर भुस्साके ऊ कहियो नैमिझाबेवाला आगिनमे जरैतै।”

मर्कूस 16:16

हमरामे विश्वास करेवाला आर बप्तिस्मा लिएवाला उद्धार पैतै, मगर हमरामे विश्वास नैकरेवाला दोषी ठहर्तै।

चुन्ल आर भेज्ल चेलासब 13:45

मगर यहूदी आदमीसिके अगुवासब भीडके देखिके जर्नीसे भरि गेलै, आर निन्दा कर्ते पावलके कहेल बातके विरोधमे बोले लाग्लै।

चुन्ल आर भेज्ल चेलासब 13:50

मगर यहूदी आदमीसिके अगुवासब परमेश्वरके भक्ति करेवाला आर कुलीन जनानीसिके आर सहरके प्रमुख आदमीसिके भडकैल्कै, आर पावल आर बरनाबासके विरुद्ध उपद्रव कर्याके ओकरासिके आपन सिमानासे बाहार निकाली देल्कै।

चुन्ल आर भेज्ल चेलासब 14:19

मगर कतनें यहूदी आदमीसब पिसिदिया प्रदेशके एन्टीओखिया सहर आर आइकोनियन सहरसे ओत्ते ऐलै आर भीडके आदमीसिके आपन पक्षमे करिके पावलके पत्थल बर्सैल्कै आर ऊ मरे पाबै कहिके सहरसे बाहार घिसियाके ल्यागेलै।

चुन्ल आर भेज्ल चेलासब 14:2

मगर विश्वास नैकरेवाला यहूदी आदमीसब गैर-यहूदी आदमीसिके मन विश्वासी भ्यासिके विरोधमे बहकाबे लाग्लै। आर ओकरसिके मनमे विश्वासी भ्यासिके प्रति दुश्मनी पैदा करिदेल्कै।

चुन्ल आर भेज्ल चेलासब 14:5

गैर-यहूदी आदमीसब आर यहूदी आदमीसब दोनो ओकरसिके शासकसिके संगे मिलिके पावल आर बरनाबासके सताबैले आर पत्थल फेकिके जान मारैके योजना बनैल्कै।

चुन्ल आर भेज्ल चेलासब 17:13

मगर जब पावलके द्वारा परमेश्वरके वचन बेरिया सहरमे प्रचार हैछै कहिके थेसलोनिके सहरके यहूदी आदमीसिके मालुम भेलै ते, ऊसब ओत्ते भी आबिके हुल्लड मचाबे लाग्लै आर आदमीसिके भडकाबे लाग्लै।

चुन्ल आर भेज्ल चेलासब 19:9

मगर जब कुछु आदमीसब कठोर भ्याके विश्वास करैले इन्कार कैल्कै, आर आदमीसिके समनामे प्रभुके पथके बारेमे खराब बात बोले लाग्लै ते, पावल ओकरासिके छोडिके चेलासिके अलग क्या लेल्कै, आर चेलासिके आपन संगमे लज्याके टुरानसके पाठशालामे शिक्षा दिए लाग्लै।

चुन्ल आर भेज्ल चेलासब 21:21

आर ऊ यहूदी विश्वासीसब तोर विषयमे अफवाहा बात सुनल्कै छे, कि तुहें गैर-यहूदी आदमीसिके बीचमे रहेवाला यहूदी आदमीसिके मूसाके विधि-विधान छोडी दहैं कहिके सिखाबैछ, आर कहैछ कि नैते आपन बच्चासिके खतना करा आर नैते यहूदी आदमीसिके रिती-रिवाज पर चल।

चुन्ल आर भेज्ल चेलासब 23:12

भरौवा उजेत भेलके बाद कुछु यहूदी आदमीसब जमा भ्याके पावलके हत्या नैकरैतक कुछु नैखैके आर कुछु नैपियैके कबुला कैल्कै।

चुन्ल आर भेज्ल चेलासब 24:9

दोसर यहूदी आदमीसब भी यी सभे बात ठीके छै कहिके समर्थन कैल्कै।

चुन्ल आर भेज्ल चेलासब 25:2

प्रमुख पुजारीसब आर यहूदी आदमीसिके अगुवासब फेस्तससे भेट कैल्कै आर पावलके विरोधमे आरोप लगैल्कै।

चुन्ल आर भेज्ल चेलासब 25:7

जब ऊ ऐलै, तब जे यहूदी आदमीसिके अगुवासब यरूशलेम सहरसे ऐलै रहे, ऊसब अगल-बगल खडा भ्याके पावलपर बहुते बातके गम्भीर आरोप लगैल्कै, जकर ऊसब सबूत दिए नैसकल्कै।

चुन्ल आर भेज्ल चेलासब 4:12

येशूके सिवाय कोनो दोसरके द्वारा उद्धार नैछै, कहिनेकी हमरासिके उद्धार पाबैले आकाशके निच्चा आदमीके बीचमे आर कोनो नाम नैदेल छै।”

चुन्ल आर भेज्ल चेलासब 9:23

जब शाउलके दमसकस सहरमे रहेल बहुते समय बिती गेलै ते, यहूदी आदमीसब मिलिके शाउलके जान मारैके लिए षड्यन्त्र रचल्कै।

१ कोरन्थी 10:33

हमर देख-सिख्खा कर। हमे जे भी करैछियै, दोसर आदमीसिके खुश बनाबैके कोशिशमे करैछियै कहिनेकी हमे आपन भलाइ नैसोचैछियै मगर दोसर आदमीसिके भलाइके बारेमे सोचैछियै ताकी ऊसब आपन पापके सजायसे बचे सकै।

गलाती 5:11

मगर हे विश्वासी भ्या-बहिनसब, हमे प्रचार करैछियै कि खतना महत्वपूर्ण नैछै, आर इहे कारणसे हमरा यहूदी आदमीसिके द्वारा निरन्तर सतैल जैछै। यदि हमे ख्रीष्टके मौतके विषयमे प्रचार नैकरिके खतनाके विरुद्धमे प्रचार कर्तियै ते यहूदी आदमीसिके लिए कोनो अपमान नैहैतियै।

एफिसी 3:13

सेल्याके हमे तोरासिसे बिन्ती करैछियौ, कि तोरसिके लिए हमे भोगी रहल कष्टमे तुहेंसब निराश नैहु। कहिनेकी यी सभे तोरेसिके फैदाके लिए छौ।

एफिसी 3:8

हमे परमेश्वरके सभे आदमीसिमेसे सभैसे कम महत्वपूर्ण छियै। मगर परमेश्वर हमरापर अनुग्रहकारी रहै कि हमे गैर-यहूदी आदमीसिके खुश-खबरी सुनाबे सक्लियै कि ख्रीष्ट अपार आशिषके मूल छै, जे समझसे बाहार छै।

१ थेसलोनिकी 1:10

आर ऊसब तुहेंसब केरंके स्वर्गसे परमेश्वरके बेटा फेरसे वापस आबैके रस्ता देखैछैं कहिके कहैछै, यानिकी येशू, जकरा परमेश्वर मुर्दासे फेर जिन्दा बनैल्कै। उहे ही अपनासिके आबेवाला परमेश्वरके क्रोधसे बचाबैछै।

२ थेसलोनिकी 2:10

ऊ आदमीसब जे निश्चित रुपसे परमेश्वरद्वारा नाश हुऐके लिए तोक्ल छै। ओकरासिके हरेक किसिमके दुष्ट कामसिके द्वारा धोखा देतै, कहिनेकी ऊसब ओकरासिके बचाबेवाला सचके विश्वास करैले अस्वीकार करैछै।

१ तिमोथी 2:4

सभे आदमी सचके ज्ञानमे आबिके उद्धार पाबै कहिके परमेश्वर इच्छा करैछै।

हिब्रू 6:8

दोसर आदमीसब उटा जमिनके जुगुर छै जे काँट-कुश उब्जाबैछै आर यी बेकार छै। यी परमेश्वरके द्वारा श्रापित हुऐके खतरामे छै आर यी आगिनसे नाश भ्याजैतै।

प्रकाश 22:11

जे कोय भी खराब आर घिनलग्गा काम करैछै ओकरासिके आपन खराब आर घिनलग्गा कामसिके कर्ते रहे दहैं। अहिने करिके जे कोय भी बढियाँ आर पवित्र काम करैछै ओकरासिके आपन बढियाँ आर पवित्र कामसिके कर्ते रहे दहैं।”