१ थेसलोनिकी 2:12 - केवट नया कारार

¹² तुहेंसब परमेश्वरके खुश करेवाला जीवन जी, जे तोरासिके आपन राज्य आर महानतामे बोलाबैछौ।

१ थेसलोनिकी 2:12 Iomraidhean Croise

रोमी 8:28

हमेसब जानैछियै कि परमेश्वरके प्रेम करेवाला आदमीसब आर परमेश्वरसे चुन्ल आदमीसिके लिए परमेश्वर ओकरसिके लिए आपन मकसदके मुताबिक सभे चीजमे भलाइये करैछै।

रोमी 8:30

फेर जकरा ऊ पहलहैसे आपन बेटा येशूके स्वरुपमे हुऐके लिए निर्णय कैल्कै, ओकरासिके ऊ बोलैल्कै छे, आर जकरा ऊ बोलैल्कै छे, ओकरासिके ऊ धर्मी घोषित भी कैल्कै छे, आर जकरा ऊ धर्मी घोषित कैल्कै छे, ऊ ओकरसिके संगे आपन महिमा बाँटल्कै छे।

१ कोरन्थी 1:9

परमेश्वर यी काम कर्तौ कहिनेकी परमेश्वर जे बोलैछै उटा बात करैमे ऊ विश्वासयोग्य छै आर ऊ तोरासिके आपन बेटा, आपनसिके प्रभु येशू ख्रीष्टके संगे सम्बन्धमे बोलैल्कौ छे।

२ कोरन्थी 4:6

इहे ल्याके कि परमेश्वर कहैल्कै, “अनहारमेसे उजेत चम्कै” आर परमेश्वर उजेतके जुगुर हमरसिके मनमे समझ देल्कै, ताकी हमेसब परमेश्वरके महिमाके देखे सकियै जे येशू ख्रीष्टमे प्रकट हैछै।

गलाती 5:16

मगर हमे तोरासिके कहैछियौ, पवित्र आत्माके तोरसिके जीवनके अगुवाई करैले दहैं। तब तुहेंसब आपन पापमय स्वभावसिके पालन नैकर्भैं।

एफिसी 4:1

सेल्याके, हमे जे प्रभु येशूके सेवा करैके कारणसे कैदी छियै, तोरासिके बिन्ती करैछियौ कि उटा बोलावटके संगे जकरासे परमेश्वर तोरासिके आपन सन्तान हुऐके लिए बोलैल्कौ छे, ओकर मुताबिक जीवन जी।

एफिसी 5:2

ख्रीष्टके उदाहरणके अनुसरण कर्ते हुए, दोसर आदमीसिके प्रति प्रेमसे भर्ल जीवन जी, ख्रीष्ट तोरासे प्रेम कैल्कौ आर तोरसिके पापसिके उठाबैके लिए खुदके बलिदान करिदेल्कै। आर परमेश्वर यी बातसे खुश रहै, कहिनेकी उटा बलिदान ओकर लिए गमकौव्वा धुपके जुगुर रहै।

एफिसी 5:8

तुहेंसब अनहारमे रहेवाला आदमीसिके जुगुर रहैं, मगर आब तुहेंसब उजेतमे रहेवाला आदमीसब छैं कहिनेकी तुहेंसब प्रभुसे सम्बन्धित छैं। सेल्याके उजेतमे रहेवाला आदमीसिके जुगुर काम कर।

फिलिप्पी 1:27

मगर जे भी हुए, तुहेंसब एकटा बातके ध्यान राख कि तोरसिके जीवनके आचरण-व्यवहार ख्रीष्टके खुश-खबरीके योग्य होना चाही। अहिने करिके चाहे हमे आबिके तोरसिके भेट करियौ या दूर रहिके हमे तोरसिके बारेमे सुनियौ, मगर हमरा इहे बात पता चलै कि तुहेंसब एक आत्मामे स्थिर छैं आर एक मनके भ्याके एक साथ मिलिके उटा विश्वासके लिए संघर्ष करैछैं, जे कि खुश-खबरीपर आधारित छै।

कलस्सी 1:10

हमेसब यी भी प्रार्थना करैछियै कि तुहेंसब एरंके व्यवहार करे सक्हैं जेरंके प्रभुके आदमीसिके व्यवहार करे पडैछै आर तुहेंसब प्रभुके सभे बातमे खुश बनैभैं आर तुहेंसब निरन्तर सभे किसिमके उपयोगी कामसब कर्भैं। आर परमेश्वरके चिन्हैमे तुहेंसब बढ्ते जैभैं।

कलस्सी 2:6

सेल्याके जेरंके येशू ख्रीष्टके प्रभु कहिके तुहेंसब विश्वास कैल्हैं, ओहिने करिके ओकरामे एक भ्याके जिल आदमीके जुगुर जीवन बिता।

१ थेसलोनिकी 4:1

अन्तमे हे विश्वासी भ्या-बहिनसब, हमेसब तोरासिके प्रभु येशूके नाममे आग्रह करैछियौ कि जेरंके हमेसब तोरासिके सिखैलियौ छे, परमेश्वरके खुश करेवाला जीवन जी। तुहेंसब पहलहैसे एरंके जीवन जियैछैं, आर हमेसब तोरासिके एरंके जियैके लिए आरहौ बेसी उत्साह दैछियौ।

१ थेसलोनिकी 4:12

ताकी अविश्वासी आदमीसब तोरसिके सभे दिनके जीवनमे केरंको व्यवहार करैछैं से देखिके तोरासिके आदर कर्तौ आर तोरासिके जरुरत पडल चीजके लिए ककरोपर भी भर नैपडे पड्तौ।

१ थेसलोनिकी 5:24

तोरासिके बोलाबेवाला विश्वासयोग्य छौ। ऊ तोरासिके पवित्र हुऐके लिए बोलाबैके कारणसे तोरासिके पवित्र हुऐले सक्षम बनैतौ।

२ थेसलोनिकी 1:10

यी तब हैतै जब प्रभु येशू ओकर आदमीसिसे प्रशंसा पाबैके लिए फेर वापस ऐतै, आर ओकरापर विश्वास करेवाला आदमीसब ओकरा आदर देतै आर उटा दिन ओकर प्रशंसा करेवाला आदमीसिमेसे तहुँसब भी हैभैं, कहिनेकी हमेसब ओकर विषयमे जे तोरासिके कहैलियौ ऊ बातमे तुहेंसब विश्वास कैल्हैं।

२ तिमोथी 1:9

ऊ अपनासिके बचैल्कै आर अपनासिके एकटा पवित्र जीवन जियैके लिए बोलैल्कै छे, आर अपनासब बढियाँ काम करैके कारणसे ऊ अपनासिके नैचुनल्कै छे, मगर ओकर आपन योजना आर अनुग्रहके आधारमे छै। यी संसारके सृष्टि हुऐसे पहेला ही परमेश्वर येशू ख्रीष्टके आपनसिके लिए मरैके लिए भेजिके आपन अनुग्रह अपनासिपर देखाबैके योजना बन्या लेल्कै रहे।

१ पत्रुस 2:9

मगर तुहेंसब ओरं नैछैं, कहिनेकी तुहेंसब परमेश्वरके चुन्ल आदमीसब छैं, तुहेंसब परमेश्वरके पुजारीसब छैं, जे राजा छै। तुहेंसब परमेश्वरके सेवा करैले समर्पित भेल आदमीसब आर परमेश्वरके निजी प्रजा छैं। ऊ तोरासिके अनहारसे आपन अदभुद उजेतमे आन्लकौ छे, ताकी तुहेंसब परमेश्वरके आश्चर्यपूर्ण कामसिके घोषणा करे सक्हैं।

१ पत्रुस 3:9

खराबीके बदला खराबी नैकरेवाला आर अपमानके बदला अपमान नैकरेवाला, बरु ओकर बदलामे आशीर्वाद दिएवाला हु, कहिनेकी दोसर आदमीसिके आशीर्वाद दियैके लिए परमेश्वर तोरासिके बोलैल्कौ छे। यदि तुहेंसब एरं कर्भैं ते, परमेश्वर तोरासिके भी आशिष देतौ।

१ पत्रुस 5:10

परमेश्वर जे पूर्ण रुपसे अनुग्रहकारी छै, आपनसिके ख्रीष्टके संगे भेल सम्बन्ध हुऐके कारण आपन अनन्त महिमामे अपनासिके साझेदार हुऐके लिए बोलैल्कै छे। तुहेंसब कुछु समयके लिए कष्ट भोग्लके बाद परमेश्वर तोरासिके बढियाँ बनैतौ ताकी तोरासिमे कोनो दोष नैरहौ आर येशू तोरसिके हृदयके मजगुत बनैतौ आर ओकरापर तोरसिके भरोसाके वास्तवमे स्थिर बन्या देतौ।

२ पत्रुस 1:3

परमेश्वर आपन शक्तिके द्वारा अपनासिके उटा सभे कुछु देल्कै छे, जे अपनासिके एकटा ईश्वरीय जीवन जियैके लिए चाही। यी सम्भव छै कहिनेकी अपनासब परमेश्वरके चिन्हैछियै आर ऊ उहे छै जे अपनासिके आपन महिमा आर नैतिक भलाइके द्वारा आपन आदमी हुऐके लिए बोलैल्कै छे।

१ यूहन्ना 2:6

यदि कोनो आदमी दावा करैछै कि हमे येशूमे एक भेल छियै, ते ऊ आदमीके, येशू जेरंको जीवन जिलै ओहिने जीवन जिना चाही।

३ यूहन्ना 1:6

तोर सहायता कैल कुछु आदमीसब एत्करो मण्डलीके विश्वासीसिके केरंके तुहें आपन संगी विश्वासीसिके प्रेम करैछैं कहिके कहैल्कै छे। आब हमे तोरा कहैछियौ कि ऊसब जब दोसर जगह जैके लिए यात्रा करैछै तब तोरा यी आदमीसिके जरुरत पडल चीज द्याके निरन्तर सहायता करना चाही, कहिनेकी यी परमेश्वरके खुशी बनाबेवाला बात छै।