१ थेसलोनिकी 2:10 - केवट नया कारार

¹⁰ तुहेंसब खुद ही गवाह छैं आर परमेश्वर भी गवाह छै कि हमेसब परमेश्वरके पसन्द हुएवाला जीवन जिलियै, हमेसब परमेश्वरके समनामे सही रहियै आर कोय भी हमरसिके विरुद्धमे कोनो दोष नैपैल्कै।

१ थेसलोनिकी 2:10 Iomraidhean Croise

लूका 23:41

आपनसिके सजाय ते उचित छै, कहिनेकी अपनासब आपन कामसिके उचित फल भोगैछियै, मगर यी आदमी ते कोनो अनुचित काम नैकैल्कै छे।”

चुन्ल आर भेज्ल चेलासब 20:18

जब ऊसब ओकरसिके लगत ऐलै ते, ऊ ओकरासिके कहैल्कै, “एशिया प्रदेशमे पैर राख्ल पहेला दिनसे एखनतक हमे सभे समय तोरसिके बीचमे केरंके बितैलियै से तुहेंसब जानैछ।

चुन्ल आर भेज्ल चेलासब 20:26

सेल्याके ऐज हमे तोरासिके गवाही दैछिहौं यदि तोरसिमेसे कोय भी प्रभु येशूके विश्वास नैकरिके मर्भ ते एकर जिम्मेदार हमे नैछियै।

चुन्ल आर भेज्ल चेलासब 24:16

इहे कारण हमे हमेशा आपन जीवन ऊ तरहसे बिताबैके कोशिश करैछियै, जकरासे हमे परमेश्वर आर आदमीसिके नजरीमे निर्दोष रहियै।

२ कोरन्थी 1:12

हमेसब गर्व करैछियै कि हमरसिके विवेक साफ छै। संसारमे आर खास करिके तोरसिके संगे हमरसिके सम्बन्धमे हमेसब परमेश्वरसे ऐल पवित्रता आर सच्चाईमे चल्लियै छे, यी आदमीके बुद्धिसे नै मगर परमेश्वरके अनुग्रहसे छै।

२ कोरन्थी 11:11

हमे तोरसिके धन कहिने नै लेलियौ? कि हमे एरं इहे ल्याके कैलियै कहिनेकी हमे तोरसिसे प्रेम नैकरैछियौ? परमेश्वर जानैछै कि हमे तोरासिके प्रेम करैछियौ।

२ कोरन्थी 11:31

परमेश्वर, आपनसिके प्रभु येशूके पिता जे सभे दिन धन्यके छै, ऊ जानैछै कि हमे झुठ नैबोलैछियै।

२ कोरन्थी 4:2

हमेसब शर्मनाक आर गुप्त कामसिके छोडी देलियै छे। नैते हमरसिके स्वभावमे छल-कपट छै आर नैते परमेश्वरके वचनमे हेर-फेर करैछियै। मगर हमेसब परमेश्वरके समनामे खाली सच सिखाबैछियै। सभेकोय गवाही दिए सकैछै कि यी बात सच छै।

२ कोरन्थी 5:11

सेल्याके हमेसब प्रभुके डर मानिके सचमे विश्वास करैके लिए आदमीसिके आग्रह करैछियै। आर परमेश्वर हमरासिके बढियाँसे जानैछै आर हमर आशा यी छै कि तोरसिके विवेक भी हमरासिके बढियाँसे जानैछौ।

२ कोरन्थी 7:2

आपन पुरा दिलसे हमरासिके प्रेम कर। हमेसब ककरो संगे अन्याय नैकैलियै छे, हमेसब कक्रहौ नै बिगाडलियै छे, हमेसब कोनो आदमीसे फैदा नैउठैलियै छे।

१ थेसलोनिकी 1:5

कहिनेकी येशू ख्रीष्टके बारेमे हमरसिके खुश-खबरी तोरसिकेलगत खाली बोलीमे नैऐलौ, मगर पवित्र आत्माके शक्तिमे आर ऊ सच छै कहिके पुरा निश्चयताके साथ ऐलौ छे। तुहेंसब जानैछैं कि तोरसिके कल्याणके लिए तोरसिके बीचमे रहै बेरियाँ हमरसिके चालचलन केरं रहै।

१ थेसलोनिकी 2:5

तुहेंसब जानैछैं कि हमेसब कहियो चापलूसीके बात नैकैलियै। हमेसब लालची हुऐके कारणसे यी बात नैकैलियै छे आर हमरसिके लालच तोरसिसे आर कक्रहौसे नुकाबैके कोशिश भी नैकैलियै छे। परमेश्वर ही यी बातके गवाही दैछै कि हमेसब ओरंको नैरहियै।

२ थेसलोनिकी 3:7

कहिनेकी तोरासिके आपनहैं मालुम छौ कि जेरंके हमेसब जियैछियै ओहिने करिके तोरासिके जिये पडैछै। कहिनेकी जब हमेसब तोरसिके बीचमे रहते रहियै, हमेसब अस्कतिहा नैरहियै मगर काम कर्ते रहियै।

१ तिमोथी 4:12

एरंको व्यवहार कर कि कोय भी तोरासिके अनादर नैकरौ कहिनेकी तुहेंसब जवान छैं, मगर तोरसिके बोल्ल वचनद्वारा, तोरसिके व्यवहारद्वारा, दोसर आदमीसिके प्रति प्रेमद्वारा, ख्रीष्टमे तोरसिके भरोसाद्वारा आर तोरसिके पापरहित जीवनद्वारा विश्वासीसिके लिए तोरासिके एकटा उदाहरण बने पड्तौ।

२ तिमोथी 3:10

मगर तिमोथी, तोरा बढियाँसे मालुम छौ कि हमे कि सिखाबैछियै आर केरंके जियैछियै, हमर जीवनके मकसद कि छै आर हमे कि विश्वास करैछियै। तोरा मालुम छौ कि हमे धीरज धारण करैछियै आर सभे प्रकारके आदमीसिके प्रेम करैछियै, हमे कठिनाईसब सहलियै छे।

१ पत्रुस 5:3

तोरसिके जिम्मामे देल आदमीसिपर शासकके जुगुर हुकुम नैचला, मगर ओकरसिके लिए बढियाँ उदाहरण बन।