१ थेसलोनिकी 1:9 - केवट नया कारार

⁹ कहिनेकी ऊ आदमीसब दोसर आदमीसिके कहैछै कि हमेसब तोरसिकेलगत आबैबेरियाँ तुहेंसब हमरासिके केरंके स्वागत कैल्हैं। आर जिन्दा आर सच्चा परमेश्वरके सेवा करैके लिए केरंके तुहेंसब मूर्तिसे दूर भ्याके परमेश्वरमे ऐल्हैं।

१ थेसलोनिकी 1:9 Iomraidhean Croise

मत्ती 16:16

सिमोन पत्रुस जबाब देल्कै, “तुहें परमेश्वरसे भेज्ल गेल ख्रीष्ट छह, जिन्दा परमेश्वरके बेटा।”

चुन्ल आर भेज्ल चेलासब 14:15

“तुहेंसब कथिले एरं करैछ? हम्हुँसब ते तोरेसिके जुगुर दुःखसुख भोगेवाला आदमी छियै, आर तोरासिके यी बेकारके चीजसे जिन्दा परमेश्वरमहर आब कहिके खुश-खबरी सुनाबैछियै, जे परमेश्वर आकाश, धर्ती, समुन्दर आर एकरामे भेल सभे चीज बनैल्कै।

रोमी 9:26

आर जे जगहमे परमेश्वर कहैल्कै, “तुहेंसब हमर प्रजा नैछैं” ओथै जिन्दा परमेश्वर ओकरासिके आपन सन्तान कहतै।

१ कोरन्थी 12:2

तुहेंसब जानैछैं कि तुहेंसब विश्वासी बनैसे पहेला केरंको जीवन जिते रहैं, तुहेंसब ऊ निर्जीव मूर्तिसिके आराधना करैके लिए बहुते बातसिके द्वारा प्रभावित भेल रहैं।

१ थेसलोनिकी 2:1

हे विश्वासी भ्या-बहिनसब, तोरसिकेलगत हमरसिके आना उपयोगी भेलै कहिके तोरासिके आपनहैं मालुम छौ।

१ थेसलोनिकी 2:13

सेल्याके हमेसब भी परमेश्वरके धन्यवाद निरन्तर करैछियै, कि जब तुहेंसब परमेश्वरके खुश-खबरीके सन्देश सुन्लहैं, जे हमेसब तोरासिके प्रचार कैलियौ ते, तुहेंसब ओकरा आदमीसिके नै, मगर परमेश्वरके वचन सम्झलहैं आर यी सन्देश परमेश्वरके तरफसे छै कहिके स्वीकार कैल्हैं। आर यी सन्देश जे परमेश्वरके तरफसे छै आब तोरासिमे काम करैछौ, जेसब ख्रीष्टमे विश्वास करैछैं।

१ तिमोथी 4:10

यी जीवन पाबैके लिए हमेसब संघर्ष आर कडा मेहनत करैछियै, कहिनेकी अपनासब जिन्दा परमेश्वरमे आशा राखैछियै, जे सभे आदमीसिके विशेष करिके ओकरामे विश्वास करेवाला आदमीसिके उद्धारकर्ता छै।

हिब्रू 12:22

मगर तुहेंसब यरूशलेम सहरके पहाडके लगत ऐल्हैं छे, जते स्वर्गीय यरूशलेम छै जे जिन्दा परमेश्वरके सहर छै। जते लाखो स्वर्गदूतसब भोजमे उत्सव मनाबैके लिए जमा भेलै छे।

१ यूहन्ना 5:21

तुहेंसब जे हमर बच्चासिके जुगुर छैं, तोरसिके हृदयमे परमेश्वरके जगह लिए सकेवाला कोनो भी बातसे दूर र।

प्रकाश 17:2

यी धर्तीके राजासब ओकरसंगे अनैतिक कामसब कैल्कै। यी एरं रहै जेरं कि ऊ ओकरासिके अंगुरके मद्द पियैके लिए देल्कै।”