१ थेसलोनिकी 1:8 - केवट नया कारार

⁸ कहिनेकी तोरसिकेद्वारा परमेश्वरके वचन खाली माकेडोनिया प्रदेश आर अखैया प्रदेशमे प्रचार कैल नैगेलै, मगर हमेसब जते जैछियै परमेश्वरमे तोरसिके विश्वासके बारेमे हमरासिके बताबेवाला आदमीसिसे भेट भेलै। सेल्याके हमरासिके तोरसिके बारेमे दोसर आदमीसिके बताना जरुरी नैछै।

१ थेसलोनिकी 1:8 Iomraidhean Croise

चुन्ल आर भेज्ल चेलासब 18:12

जब गलियोन अखैया प्रदेशके शासक रहै, तब यहूदी आदमीसब एकमत भ्याके पावलके विरोध कैल्कै आर ओकरा अदालतके समनामे आनिके कहे लाग्लै,

रोमी 1:8

सभैसे पहेला, हमे हमर परमेश्वरके येशू ख्रीष्टके द्वारा तोरसिके सभैके लिए धन्यवाद चढाबैछियै, कहिनेकी येशू ख्रीष्टमे भेल तोरसिके विश्वासके बारेमे बहुते जगहमे आदमीसब चर्चा करैछै।

रोमी 15:26

कहिनेकी जे यरूशलेम सहरमे विश्वासीसब छै आर जेसब गरिब छै, ओकरसिके लिए माकेडोनिया प्रदेश आर अखैया प्रदेशके मण्डलीके आदमीसब स्वेच्छासे कुछु दान दियैके फैसला कैल्कै।

रोमी 16:19

सभेको जानैछै कि तुहेंसब कतनें बढियाँसे प्रभुके आज्ञा मानैछैं। सेल्याके तोरसिके विषयमे हमे आनन्द मनाबैछियै। मगर हमे यी चाहैछियै कि तुहेंसब कि बढियाँ छै यी जानैमे बुद्धिमान मगर खराब करैमे निर्दोष र।

१ कोरन्थी 14:36

परमेश्वरके वचन तोरासिसे पैदा नैभेलौ रहे। तुहेंसब ऊ नैछैं जकर लिए परमेश्वरके वचन ऐलै रहे।

२ कोरन्थी 2:14

परमेश्वरके धन्यवाद है, ख्रीष्टके संगे आपनसिके एकताके कारण ऊ सभे दिन ओकरसंगे आपनसिके अगुवाई करैछै आर अपनासिके जित दिलाबैछै। एकर मतलब यी छै कि अपनासब जते भी जैछियै, ओत्ते खुश-खबरीके घोषणा करैछियै ताकी सभे आदमीसब सुनै आर परमेश्वरके जाने सकै।

२ कोरन्थी 3:4

हमेसब एरं इहे ल्याके कहैछियै कहिनेकी हमरासिके ख्रीष्टके द्वारा परमेश्वरमे आश्वासन छै।

कलस्सी 3:16

ख्रीष्टके वचनके बारेमे हरदम विचार कर, ताकी ऊ तोरसिके काम आर सोचमे नियन्त्रण करौ। पुरा बुद्धिमानीसे एक दोसरके सिखा आर चेतावनी दहैं आर आपन-आपन मनमे धन्यवादके साथ परमेश्वरके लिए भजन, स्तुति आर आत्मिक गीत गा।

२ थेसलोनिकी 1:4

सेल्याके हमेसब परमेश्वरके मण्डलीके विश्वासीसिमे तोरसिके विषयमे गर्व करैछियै। तुहेंसब परीक्षा आर दुःख कष्टमे पडल पर भी आरहौ भी धीरजके साथ सहैछैं आर आरहौ भी येशू ख्रीष्टमे विश्वास करैछैं।

२ थेसलोनिकी 3:1

अन्तमे, हे विश्वासी भ्या-बहिनसब, हमरसिके लिए प्रार्थना कर कि हमेसब प्रभु येशू ख्रीष्टके विषयमे खुश-खबरी सभे जगहमे जल्दीसे फैलाबैले सकियै आर आदमीसब तोरसिके आदर कैल जुगुर आदर करे सकै।

१ तिमोथी 2:8

हमे चाहैछियै कि जब भी तुहेंसब परमेश्वरके आराधना करैके लिए जमा हैछैं, ऊ पुरुषसब जे पवित्र जीवन जियैछै परमेश्वरके आपन समर्पित हातके उप्पर उठ्याके प्रार्थना करै आर बिना गोस्सा आर बिना वाद-विवादके साथ प्रार्थना करै।

२ तिमोथी 2:9

हमे खुश-खबरीके प्रचार करैके कारणसे एकटा अपराधीके जुगुर जेलमे दुःख भोगैछियै। मगर कोनो भी चीज आदमीसिके परमेश्वरके खुश-खबरी फैलाबैसे रोके नैसकैछै।

३ यूहन्ना 1:12

मण्डलीमे सभे झन कहैछै कि डेमेत्रियस एकटा बढियाँ आदमी छै कहिनेकी ऊ सच्चाईके मुताबिक जियैछै। हम्हुँसब कहैछियै कि ऊ एकटा बढियाँ आदमी छै, आर तुहें जानैछैं कि हमरसिके गवाही सच्चा छै।

प्रकाश 14:6

तब हमे एकटा दोसर स्वर्गदूतके उप्पर आकाशमे उड्ते देख्लियै। ऊ स्वर्गदूतके संगे उटा खुश-खबरी रहै जे कहियो नैबदलैछै, ऊ यी संसारमे रहेवाला जात-जातके आदमीसब, हरेक कुलसब, हरेक किसिमके भाषासिमे एकरा सुनैल्कै।

प्रकाश 22:17

परमेश्वरके आत्मा आर कनियाँ उत्तर देल्कै यानिकी ऊ आदमीसब जे येशूसे सम्बन्धित छै ऊसब कहैल्कै, “आब।” जे भी यी शब्दके सुनैछै ओकरा भी यी कहना चाही, “आब।” जे कोय भी प्यास्ल छै, ऊ एत्ते आबक। उटा पानीके पी जे जीवन दैछै, जे कि ऊ सभैके फोकटमे देल जैछै जे एकरा पियैले चाहैछै।