१ थेसलोनिकी 1:6 - केवट नया कारार

⁶ बहुते कष्ट भेलपर भी पवित्र आत्माके देल सन्देशके तुहेंसब आनन्दके साथ स्वागत कैल्हैं। तुहेंसब हमरसिके आर प्रभुके उदाहरणके अनुसरण कैल्हैं।

१ थेसलोनिकी 1:6 Iomraidhean Croise

मत्ती 16:24

तब येशू आपन चेलासिके कहैल्कै, “अगर कोय हमर चेला बनैले चाहैछैं ते तोरासिके आपन योजना आर हितके छोडे पड्तौ। ओकरा हमर लिए मरैके लिए भी तैय्यार रहे पड्तै। अन्तमे, ओकरा हमर चेलाके रुपमे हमर अनुसरण करे पड्तै।

यूहन्ना 8:12

जब येशू फेर आदमीसिसे बात कर्ते रहै, तब ऊ कहैल्कै, “हमे संसारके उजेत छियै। जे कोय हमर पाछु चल्तै, ऊ अनहारमे कहियो नैचल्तै, मगर उटा उजेतके पैतै जे कहियो खतम नैहुएवाला जीवन दैछै।”

चुन्ल आर भेज्ल चेलासब 13:52

चेलासब एन्टीओखिया सहरमे आनन्दसे आर पवित्र आत्मासे परिपूर्ण हैते रहलै।

चुन्ल आर भेज्ल चेलासब 5:41

तब येशूके खातिर अपमान सहैके योग्यके ठहर्लियै कहिके यी बातमे आनन्द मनैते ऊसब महासभाके उपस्थितिसे निक्लीके गेलै।

चुन्ल आर भेज्ल चेलासब 9:31

एरंके सारा यहूदिया प्रदेश, गालील जिला आर सामरिया प्रदेश भरके मण्डलीमे शान्ति भेलै आर मण्डलीके उन्नति भेले गेलै, आर ऊसब प्रभुके भय आर पवित्र आत्माके द्वारा सहायता प्राप्त कैल्कै आर बहुते आदमीसब प्रभु येशूपर विश्वास कैल्कै आर मण्डलीमे वृद्धी भेलै।

रोमी 15:13

हमे प्रार्थना करैछियै कि परमेश्वर जे आशाके दाता छै, ऊ तुहेंसब विश्वास करैके कारणसे तोरासिके पुरा तरिकासे खुशी आर शान्तिके आनन्द लियैके लिए सहायता करौ ताकी पवित्र आत्माके शक्तिसे तोरसिके आशा बढते जौ।

१ कोरन्थी 11:1

तुहेंसब हमर अनुसरण कर, जेरंके हमे ख्रीष्टके अनुसरण करैछियै।

१ कोरन्थी 11:2

हमे तोरसिके तारिफ करैछियौ। कहिनेकी तुहेंसब सभे समयमे हमरा याद कर्ते रहैछैं आर जे शिक्षासब हमे तोरासिके देलियौ छे, ओकर होशियारीसे पालन कर।

१ कोरन्थी 4:16

सेल्याके हमे तोरासिके बिन्ती करैछियौ कि हमर उदाहरणके अनुसरण कर।

२ कोरन्थी 6:10

हमरसिके लगत दुःखके समय रहै, मगर सभे दिन आनन्दित रहैछियै। हमेसब खुद ते कंगाल छियै, मगर बहुते आदमीसिके आत्मिक रुपसे मातबर बन्या दैछियै। हमरसिके लगत आपन कुछु नैहैते पर भी सभे कुछु छै।

२ कोरन्थी 8:5

हमेसब नैसोच्लियै रहे कि ऊसब एरंके दिए सकैछै। पहेला, ऊसब अपने आपके प्रभुके सेवाके लिए समर्पित करिदेल्कै। एकरबाद ऊसब परमेश्वरके इच्छासे हमरसिके अनुसरण करैके लिए अपने आपके समर्पित करिदेल्कै।

गलाती 5:22

पवित्र आत्माद्वारा उत्पन्न हुएवाला चरित्रसब यी छियै: प्रेम, आनन्द, शान्ति, धीरज, दया, भलाइ, विश्वस्तता,

एफिसी 5:1

तुहेंसब परमेश्वरके सन्तान छैं जकरासे ऊ प्रेम करैछै, सेल्याके ओकर जुगुर बनैके कोशिश कर।

फिलिप्पी 3:17

हे विश्वासी भ्या-बहिनसब, तुहेंसब हमर व्यवहारके अनुसरण कर। हमेसब तोरसिके संगे हुऐ बेरियाँ जे व्यवहार तुहेंसब हमरासिमे देख्लहैं ओरंको व्यवहार करेवाला आदमीसिके अनुसरण कर।

२ थेसलोनिकी 1:4

सेल्याके हमेसब परमेश्वरके मण्डलीके विश्वासीसिमे तोरसिके विषयमे गर्व करैछियै। तुहेंसब परीक्षा आर दुःख कष्टमे पडल पर भी आरहौ भी धीरजके साथ सहैछैं आर आरहौ भी येशू ख्रीष्टमे विश्वास करैछैं।

२ थेसलोनिकी 3:7

कहिनेकी तोरासिके आपनहैं मालुम छौ कि जेरंके हमेसब जियैछियै ओहिने करिके तोरासिके जिये पडैछै। कहिनेकी जब हमेसब तोरसिके बीचमे रहते रहियै, हमेसब अस्कतिहा नैरहियै मगर काम कर्ते रहियै।

२ थेसलोनिकी 3:9

हमेसब कडा मेहनत यी कारणसे नैकरैछियै कि तोरासिसे सहायता पाना हमरसिके अधिकार नैछै मगर सेल्याके कि हमेसब खुदके तोरसिके समनामे आदर्श स्वभाव प्रस्तुत करियै आर तुहें हमरसिके उदाहरणमे अनुसरण कर।

२ तिमोथी 4:2

कि परमेश्वरके वचनके प्रचार कर, परिस्थिती बढियाँ है या खराब है परमेश्वरके वचन प्रचार करैले तैय्यार र। तुहें आदमीसिके ओकरसिके कैल खराब कामके देखाबे पडैछै, आर ओकरसिके पापके खातिर ओकरासिके धोपे पडैछै। मगर ओकरासिके हौसला दहैं। धीरजके साथ यी सभे काम कर आर ध्यानसे सिखा।

हिब्रू 10:34

तुहेंसब जेलमे कैदमे भेल आदमीसिके संगे सहानुभूति देखैल्हैं, आर तुहेंसब आपन धन-दौलत लुट्ल गेल पर भी खुशीके साथ सहलहैं, कहिनेकी तुहेंसब जानैछैं कि तोरसिकेलगत आब भी ऊ सभे चीज छौ जकर प्रतिज्ञा परमेश्वर कैल्कै रहे, जे कि बेसी बढियाँ छै आर जे सभे दिन रहैछै।

१ पत्रुस 1:6

तुहेंसब यी सभे चीजसिके बारेमे खुशी हुए पडैछै, एखन कुछु समयके लिए तोरासिके विभिन्न किसिमके तकलीफ भोगे पडैछौ।

१ पत्रुस 1:8

तुहेंसब येशूके कहियो नैदेख्लहैं छे, तैय्योपर तुहेंसब ओकरासे प्रेम करैछैं। सेल्याके तुहेंसब आनन्द आर प्रशंसाके साथ बहुते खुश छैं जकरा शब्दमे बयान नैकैल ज्या सकैछै।

१ पत्रुस 3:13

यदि तुहें सभे दिन बढियाँ काम करैके कोशिश करैछैं ते, कोय भी वास्तवमे तोरासिके चोट नैपहुँचाबे सक्तौ।

३ यूहन्ना 1:11

हे प्रिय दोस्त, खराब काम करेवाला आदमीके देख-सिख्खा नैकर, मगर भलाइके काम करेवाला आदमीके अनुसरण कर। जे कोय बढियाँ काम करैछै, यी बात यी देखाबैछै कि ऊ परमेश्वरके बेटा-बेटी छै। जे कोय खराब काम करैछै, यी बात देखाबैछै कि ऊ परमेश्वरके नैचिन्हैछै।