१ थेसलोनिकी 1:5 - केवट नया कारार5 कहिनेकी येशू ख्रीष्टके बारेमे हमरसिके खुश-खबरी तोरसिकेलगत खाली बोलीमे नैऐलौ, मगर पवित्र आत्माके शक्तिमे आर ऊ सच छै कहिके पुरा निश्चयताके साथ ऐलौ छे। तुहेंसब जानैछैं कि तोरसिके कल्याणके लिए तोरसिके बीचमे रहै बेरियाँ हमरसिके चालचलन केरं रहै। Faic an caibideil |
१ थेसलोनिकी 1:5
60 Iomraidhean Croise
जेरंके एकटा आदमी जमिनमे बिहन बुनैछै, ओहिने करिके हमे तोरासिके परमेश्वरके सन्देश सुनाबेवाला पहेला आदमी रहियौ। तकरबाद, जेरंके दोसर आदमी बढेवाला गाछमे पानी पटाबैछै, ओहिने करिके अपोल्लोस तोरासिके विश्वासमे मजगुत बनाबैके लिए सहायता कैल्कौ। मगर जेरंके परमेश्वर गाछके बढाबैछै, ओहिने करिके परमेश्वर तोरासिके नया जीवन देल्कौ आर तोरासिके आत्मिक रुपमे बढाबैछौ।
परमेश्वर हमरा ओत्ते जैके लिए कहैके कारणसे हमे ओत्ते गेलियै। जब हमे ओत्ते रहियै ते हमे अगुवासिसे व्यक्तिगत रुपसे भेट कैलियै आर ओकरासिके उटा खुश-खबरीके विषयमे बतैलियै जे हमे गैर-यहूदी आदमीसिके बीचमे प्रचार कर्ते रहियै। ताकी एरं नैहै कि पहेला जे हमे कैलियै रहे आर जे हमे एखन आरहौ कर्बै, ओकर कोनो नतिजा नैमिल्तै।
सेल्याके हमेसब भी परमेश्वरके धन्यवाद निरन्तर करैछियै, कि जब तुहेंसब परमेश्वरके खुश-खबरीके सन्देश सुन्लहैं, जे हमेसब तोरासिके प्रचार कैलियौ ते, तुहेंसब ओकरा आदमीसिके नै, मगर परमेश्वरके वचन सम्झलहैं आर यी सन्देश परमेश्वरके तरफसे छै कहिके स्वीकार कैल्हैं। आर यी सन्देश जे परमेश्वरके तरफसे छै आब तोरासिमे काम करैछौ, जेसब ख्रीष्टमे विश्वास करैछैं।
आपनसिके हृदयके ऊ आपन खूनसे पवित्र बनैल्कै ताकी अपनासब जाने सकियै कि आब अपनासिमे कोनो गल्ती नैछै। आपनसिके शरीरके ऊ पानीसे लुहैल्कै, यी चिन्हके रुपमे कि ऊ अपनासिके शुद्ध करिदेल्कै छे। सेल्याके, हे विश्वासी भ्या-बहिनसब, अपनासब आपनसिके पुरा मन आर एरंको विश्वासके साथ परमेश्वरके नज्दिक चल जे आब हिलेवाला नैछै।
हमरसिके बडका इच्छा छै कि जबतक तुहेंसब जिन्दा रहभैं, तबतक तुहेंसब प्रेमपूर्ण सेवाके काम कर्ते रहभैं, यी सुनिश्चित करैके लिए कि जे तुहेंसब आशा करैछैं उटा सच भ्याजैतै। तब तुहेंसब लापरवाह नै बन्भैं। बरु तुहेंसब ऊ आदमीसिके उदाहरणके अनुसरण कर्भैं जेसब आपन विश्वास आर धीरजके कारण परमेश्वरके प्रतिज्ञाके प्राप्त करेवाला छै।
मगर परमेश्वर यी आपन वक्तासिके बतैल्कै कि ओकरसिके सन्देश ओकरसिके लिए नै मगर तोरसिके लिए रहै। उटा सन्देश येशू ख्रीष्टके विषयमे खुश-खबरी छै जे एखन तुहेंसब सुन्लहैं छे। परमेश्वर स्वर्गसे आपन पवित्र आत्मा भेजल्कै ताकी तोरासिके खुश-खबरी प्रचार करैमे आदमीसिके सहायता करै। यी सभे बात एतनें अदभुद छै कि एत्तेतक कि स्वर्गदूतसब भी उत्सुकतासे यी चीजसिके हैते हुए देखैछै।
आपनसिके प्रभु येशू ख्रीष्टके पिता आर परमेश्वरके धन्यवाद है। परमेश्वर आपनसिके प्रति आपन बडका दयासे अपनासिके एकटा नया जीवन देल्कै छे। कहिनेकी परमेश्वर येशू ख्रीष्टके मुर्दासे जिन्दा बनैल्कै, ऊ अपनासिके बहुते आत्मविश्वासके साथ जियैके योग्य बनैल्कै छे, यानिकी अपनासब उटा चीजसिके प्राप्त करैके पुरा आशा करे सकैछियै जे ऊ अपनासिके दियैके प्रतिज्ञा कैल्कै छे।
हमेसब भी जानैछियै कि ख्रीष्टके विषयमे परमेश्वरके वक्तासब जे वचन लिखल्कै रहे, ऊ सभे सच्चा छै आर जे हमेसब तोरासिके ऊ फेर वापस आबैके विषयमे सिखैलियौ रहे ऊसब ओकर पुष्टि करैछै। तोरासिके उटा वचनसिके बढियाँसे सुनना चाही, कहिनेकी जेरंके अनहारमे चमक्ल चिराग आदमीसिके सही रस्ता देखैमे सहायता करैछै, ओहिने करिके यी वचन तोरासिके यी जानैमे सहायता कर्तौ कि सच कि छै। आपनसिके प्रभु ख्रीष्ट फेर वापस आबैतक तोरासिके उटा वचनसिके बढियाँसे सुनना चाही। ओकर आना नया दिनके भरौवाके जुगुर उजेत आन्तै आर ऊ भरौवाके ताराके जुगुर हैतै। उटा समयमे ओकर उजेत तोरसिके हृदयसिमे चमक्तौ आर तोरसिके समनामे परमेश्वरके साफसे प्रकट कर्तौ।
Sanasan