१ थेसलोनिकी 1:3 - केवट नया कारार

³ आर जब हमेसब आपनसिके परमेश्वर पितासे प्रार्थना करैछियै, विश्वासके खातिर तोरसिके कैल कामसब, विश्वासीसिके प्रेम देखाबैके लिए कैल तोरसिके कडा मेहनत आर प्रभु येशू ख्रीष्टके दोसर आगमनके आशामे तोरसिके भोग्ल सतावटके हमेसब निरन्तर याद करैछियौ।

१ थेसलोनिकी 1:3 Iomraidhean Croise

यूहन्ना 14:15

यदि तुहेंसब हमरा प्रेम करैछैं ते हमर आज्ञाके पालन कर्भैं।

यूहन्ना 15:10

अगर हमर आज्ञासिके पालन कर्भैं ते तुहेंसब हमर प्रेममे रहभैं, जेरंके हमे आपन पिताके आज्ञासब पालन कैलियै छे आर ओकर प्रेममे रहैछियै।

चुन्ल आर भेज्ल चेलासब 10:31

आर कहैल्कै, ‘हे कर्नेलियस, तोर प्रार्थनासब आर तोरद्वारा गरिबसिके लिए कैल दयाके कामसब परमेश्वरके समनामे पुग्ल छौ। ऊ यी सभे बातके याद राखल्कौ छे।

चुन्ल आर भेज्ल चेलासब 3:19

सेल्याके पाप करैले छोड आर परमेश्वरके तरफ मन लगाब आर परमेश्वरके लगत लौटिके आब, ताकी तोरसिके पापसब माफ भ्याजहौं। तब तुहेंसब परमेश्वरके तरफसे आत्मिक सामर्थ्य पैभ।

रोमी 12:12

आपनसिके संगे भेल आशामे आनन्दित र। संकटमे धीरज धारण कर, प्रार्थनामे सभे दिन लाग्ल र।

रोमी 15:13

हमे प्रार्थना करैछियै कि परमेश्वर जे आशाके दाता छै, ऊ तुहेंसब विश्वास करैके कारणसे तोरासिके पुरा तरिकासे खुशी आर शान्तिके आनन्द लियैके लिए सहायता करौ ताकी पवित्र आत्माके शक्तिसे तोरसिके आशा बढते जौ।

रोमी 15:4

जतनें बात बहुते पहेलासे ही धरमशास्त्रमे लिख्ल छै, उटा आपनसिके शिक्षाके लिए लिख्ल गेलै कि अपनासब धीरज आर धरमशास्त्रसे मिलेवाला उत्साह पाबे सकियै ताकी अपनासब आशा राखे सकियै कि परमेश्वर जे प्रतिज्ञा कैल्कै रहे, उटा पुरा कर्तै।

रोमी 16:26

मगर आब यी परमेश्वरके वक्तासिके लिख्ल बातसिके द्वारा प्रकट भेलै छे आर आब कहियो खतम नैहुएवाला परमेश्वरके आज्ञाके मुताबिक सभे जात-जातके आदमीसिके मालुम भेलै छे, ताकी सभे जात-जातके आदमीसब विश्वास करिके परमेश्वरके आज्ञापालन करे सकै।

रोमी 16:6

विश्वासी बहिन मरियमके, जे तोरसिके बिच्चेमे बहुते मेहनत कैल्कै, ओकरा नमस्कार कही दहैं।

रोमी 2:7

धीरजके साथ बढियाँ काम करिके महिमा, इज्जत आर अमरता खोजेवाला आदमीके परमेश्वर कहियो खतम नैहुएवाला जीवन देतै।

१ कोरन्थी 13:13

सेल्याके, आब अपनासिके यी तीन प्रकारके कामसिके करना चाही: परमेश्वरपर विश्वास करना, परमेश्वरके प्रतिज्ञामे आशा राखना आर दोसर आदमीसिसे प्रेम करना। मगर यी तीनटामे से एकटा छै जे वास्तवमे सबसे बडका छै: दोसर आदमीसिसे प्रेम करना।

१ कोरन्थी 15:58

सेल्याके हे हमर प्यारा भ्या-बहिनसब, आपन विश्वासमे मजगुत र आर गलत शिक्षासिके द्वारा नैभटक, प्रभुके लिए जे काम तुहेंसब करैछैं ओकरामे विजय हासिल कर, कहिनेकी प्रभुके लिए तुहेंसब जे कुछु भी कर्भैं, ओकर फल तोरा जरुर मिल्तौ।

२ कोरन्थी 2:17

हमेसब ऊ आदमीसिके जुगुर नैछियै, जे पैसा कमाबैके लिए परमेश्वरके वचनके प्रचार करैछै। मगर ख्रीष्टमे, हमेसब परमेश्वरके समनामे इमानदार आदमीसब आर ख्रीष्टके सेवकके रुपमे बोलैछियै।

गलाती 1:4

आपनसिके परमेश्वर आर पिताके इच्छाके मुताबिक येशू ख्रीष्ट अपने आपके आपनसिके पापसिके कारण बलिदान करिदेल्कै ताकी अपनासब यी वर्तमान संसारके आदमीसिके खराब प्रभावसे बचिके रहियै।

गलाती 5:13

हे विश्वासी भ्या-बहिनसब, तुहेंसब परमेश्वरके द्वारा आजाद हुऐके लिए चुन्ल गेल्हैं रहे आर सेल्याके आब तोरासिके मूसाके विधि-विधानके पालन करैके जरुरत नैछौ। मगर यी आजादीके आपन पापमय स्वभावसिके पुरा करैके बहाना नैबना। बरु, एक दोसरसे प्रेम कर आर एक दोसरके सेवा कर।

गलाती 5:6

कहिनेकी यदि अपनासब ख्रीष्ट येशूके संगे एक छियै ते आपनसिके खतना भेल छै या नैभेल छै यी बात महत्वपूर्ण नैछै। मगर महत्वपूर्ण बात यी छै कि अपनासब ख्रीष्टके आपन उद्धारकर्ताके रुपमे विश्वास करैछियै, आर परमेश्वर आर दोसर आदमीसिके प्रति प्रेम राखैछियै।

गलाती 6:9

अपनासब भलाइ करैके काममे निराश नैहु, कहिनेकी यदि अपनासब कहियो निराश नैहैबै ते परमेश्वरके आपन समयमे अपनासब इनाम पैबै।

१ थेसलोनिकी 3:6

मगर एखन तिमोथी तोरसिके लगतसे हमरसिके लगत आबिके तोरसिके विश्वास आर प्रेमके सन्देश हमरासिके सुनैल्कै। तुहेंसब हमरसिसे मिलैके बहुते इच्छा करिके सभे दिन प्रेमसे हमरासिके याद करैछैं कहिके खबर देल्कै। हम्हुँसब तोरसिके भेट करैले ओतनहैं इच्छा करैछियौ।

२ थेसलोनिकी 1:11

सेल्याके हमेसब तोरसिके सभैके लिए लगातार प्रार्थना भी करैछियै कि हमरसिके परमेश्वर तोरासिके उटा काम करैके लिए काबिल बनैतौ जे कामके लिए ऊ तोरासिके बोलैल्कौ छे। आर ऊ आपन शक्तिसे तोरसिके सभे बढियाँ मकसदसिके पुरा करौ आर सभे उटा कामके ऊ सफल बनाबौ जे तोरसिके विश्वासके फल छै।

२ थेसलोनिकी 1:3

हे विश्वासी भ्या-बहिनसब, तोरसिके लिए सभे दिन हमरासिके परमेश्वरके धन्यवाद चढाना चाही, आर यी करना हमरसिके लिए उचित छै, कहिनेकी तुहेंसब निरन्तर येशू ख्रीष्टमे विश्वास करैछैं आर एक दोसरप्रतिके तोरसिके प्रेम भी बढते गेलौ छे।

१ तिमोथी 1:14

आपनसिके प्रभु हमरा ओकर अपार अनुग्रह निरन्तर देखैल्कै। ऊ हमरा विश्वास करैके क्षमता आर दोसर आदमीसिके प्रति प्रेम देल्कै कहिनेकी हमे येशू ख्रीष्टसंगे एकतामे रहियै।

१ तिमोथी 2:3

सभे आदमीसिके लिए एरंके प्रार्थना करना सही छै आर आपनसिके उद्धारकर्ता परमेश्वर यी बातके स्वीकार करैछै।

हिब्रू 10:36

तोरासिके विश्वासके साथ धीरजसे निरन्तर इन्तजार करना चाही। तब तुहेंसब परमेश्वरके इच्छाके पुरा कर्भैं आर तोरासिके उटा सभे चीज प्राप्त हैतौ जकर प्रतिज्ञा परमेश्वर कैल्कै छे।

हिब्रू 11:17

विश्वासेद्वारा अब्राहम इसहाकके एकटा बलिदानके रुपमे परमेश्वरके चढ्या देल्कै जब कि परमेश्वर ओकर जचना लेते रहै। परमेश्वर अब्राहमसे कहैल्कै रहे, “इसहाक ऊ बेटा छौ जकरद्वारा तोर वंशके नाम रहतौ।” अब्राहमके परमेश्वरके तरफसे यी प्रतिज्ञा मिल्लै रहे, तैय्योपर भी ऊ आपन एकलौता बेटाके बलिदान चढाबैके लिए तैय्यार रहै, जे परमेश्वरके प्रतिज्ञाके पुरा करे सक्ते रहै।

हिब्रू 4:11

सेल्याके अपनासब उटा विश्रामके जगहमे प्रवेश करैके लिए कडा मेहनत कर। कोनो भी आदमीके ऊ आदमीसिके उदाहरणके नकल नैकरना चाही जेसब परमेश्वरके आज्ञा मानैसे इन्कार करिदेल्कै। तब अपनासब उटा विश्रामके जगहमे प्रवेश कर्बै।

हिब्रू 6:15

आर अब्राहम बहुते समयतक धीरज राख्लके बाद प्रतिज्ञाके फल प्राप्त कैल्कै।

१ पत्रुस 3:4

तोरसिके हृदयमे भेल बात तोरासिके सुन्दर बनाबैछै। यी नम्र आर शान्त व्यवहार छै, जे कहियो बिल्याके नैजैछै, जे परमेश्वरके लिए बहुते मूल्यवान छै।

१ यूहन्ना 3:18

तुहेंसब जे हमर प्यारा बच्चासिके जुगुर छैं, अपनासिके दोसर आदमीसिके हमेसब तोरासिके प्रेम करैछियौ कहिके खाली कहना नैचाही मगर जरुरत पडल समयमे ओकरसिके सहायता करना चाही।

१ यूहन्ना 3:21

हे प्रिय दोस्तसब, यदि आपनसिके मन अपनासिके दोष नैदेल्कै ते परमेश्वरके समनामे अपनासब साहासके साथ प्रार्थना करैके लिए आबे सकैछियै।

१ यूहन्ना 3:3

हरेक आदमी जे यी आशा करैछै कि ऊ ख्रीष्टके जुगुर हैतै, ऊसब खुदके हरेक पापसे दूर राखे पडैछै।

१ यूहन्ना 5:3

परमेश्वरके प्रेम करैके मतलब ओकर आज्ञापालन करना छै आर ओकर आज्ञापालन करना कठिन नैछै।

प्रकाश 2:19

हमे जानैछियै कि तुहें पुरा मेहनतसे हमर काम करैछैं, तुहें एक दोसरसे प्रेम करैछैं आर हमरापर मजगुतीसे विश्वास करैछैं। हमे जानैछियै कि तुहें केरंके एक दोसरके सहायता कैल्हैं छे आर तोर सहैके क्षमता भी जानैछियौ। हमे जानैछियै तुहें आब यी बढियाँ काम उटा समयसे बेसी करैछैं जब तुहें हमरापर पहेला बेर विश्वास कैल्हैं रहे।

प्रकाश 3:10

तुहें हमर सन्देशके पालन कैल्हैं ताकी जब तुहें दुःख उठाभैं ते ओकरा धीरजके साथ सहे सक्हैं। इहे कारण, हमे तोरा बडका परीक्षाके समयमे तोर रक्षा कर्बौ। परीक्षाके यी समय संसारके सभे आदमीसिपर ऐतै।