१ पत्रुस 5:9 - केवट नया कारार

⁹ तोरासिके आपन मजगुत विश्वासके साथ ओकर विरोध करना चाही। याद कर कि तोरसिके विश्वासी भ्या-बहिनसब जेसब पुरे संसारमे रहैछै, अहिने किसिमके दुःखसब सहैछै जेरं दुःख तुहेंसब सहैछैं।

१ पत्रुस 5:9 Iomraidhean Croise

लूका 22:32

मगर सिमोन, तुहें हमरापर विश्वास करैले नैछोडहैं कहिके हमे तोर लिये प्रार्थना कैलियौ छे। फेर तुहें पाप करैले छोडिके परमेश्वरके तरफ मन लगैलके बाद आपन साथी विश्वासीसिके हमरापर विश्वास करैके लिए मजगुत बना।”

यूहन्ना 16:33

हमे यी सभे बात तोरासिके यी कारणसे कहैलियौ छे, कि हमरामे तोरासिके शान्ति हौ कहिनेकी तुहें हमरसंगे रहैछैं। संसारमे तोरासिके संकट हैतौ, मगर हिम्मत कर, हमे यी संसारके शासक यानी शैतानके पराजित करि देलियै छे।”

चुन्ल आर भेज्ल चेलासब 14:22

ऊसब सभे सहरमे चेलासिके मनके मजगुत बनैते रहलै आर यी उपदेश दै कि आपन विश्वासमे स्थिर र, आर यी कहै, “अपनासिके बहुते कष्ट सहिके परमेश्वरके राज्यमे प्रवेश करे पड्तै।”

१ कोरन्थी 10:13

पाप करैके इच्छासब अपनासब सभैके लगत जरुर ही आबैछै। मगर परमेश्वर विश्वासयोग्य छै। कहिनेकी ऊ अपनासिके आपनसिके क्षमतासे बेसी परीक्षामे पडैले नैदेतौ। जब अपनासब उटा परीक्षामे पड्बै ते ऊ अपनासिके सभे दिन परीक्षासे भागैके रस्ता देतै, ताकी अपनासब उटा परीक्षाके सहैके लिए मजगुत हैबै।

एफिसी 4:27

आर शैतानके तोरासिके धोखा दियैके मौका नैदहैं।

एफिसी 6:16

जेरंके एकटा सिपाही ढाल ल्याके आपन उप्परमे आबेवाला दुश्मनके कोनो हतियारसे खुदके बचाबैछै, ओहिने करिके ख्रीष्टमे विश्वास राख कि ख्रीष्ट तोरासिके शैतानके द्वारा हानी हुऐसे बच्याके राखौ।

कलस्सी 2:5

कहिनेकी हमे तोरसिसे दूर भेलपर भी तोरसिके बारेमे सोच्ते रहैछियौ आर तोरसिके ख्रीष्टमे विश्वास, एकता आर जेरंके जिना चाही ओरंके जिल देखिके हमे खुश छियै।

१ थेसलोनिकी 3:3

आर कोय भी यी कष्टसिके कारणसे नैडगमगाबै। कहिनेकी तोरासिके मालुम छौ कि आपनसिके लिए इहे परमेश्वरके इच्छा रहै।

१ तिमोथी 6:12

जेरंके एकटा बढियाँ सिपाही युद्धमे लडाई करैके समयमे कहियो हार नैमानैछै, तुहेंसब भी परमेश्वरमे भरोसा राखैले आर ओकर आज्ञापालन करैले कहियो भी नैछोडना चाही। कहियो खतम नैहुएवाला जीवनके पक्डीके राख्, जकर खातिर तोरा बुलाहट भेल रहौ, आर बहुते आदमीसिके समनामे तुहें ख्रीष्टमे भरोसा राखैछैं कहिके साफ कहलहैं रहे।

२ तिमोथी 3:12

परमेश्वरके खुश बनाबैले चाहेवाला आर येशू ख्रीष्टमे विश्वास करेवाला सभे आदमीके अविश्वासी आदमीसब सतैतै।

२ तिमोथी 4:7

जेरंके एकटा बढियाँ सिपाही युद्धमे लडाई करैके समयमे कहियो हार नैमानैछै, हमे भी ख्रीष्टके लिए कडा मेहनत करैले कहियो भी नैछोडलियै छे। हमे येशू ख्रीष्टके द्वारा हमरा देल काम पुरा कैलियै छे। हमे अन्ततक ख्रीष्टके प्रति विश्वासयोग्य भेल छियै।

हिब्रू 11:33

यीसब विश्वासेद्वारा राज्यसब जितल्कै, धार्मिकताके काम कैल्कै, प्रतिज्ञा कैल चीजसब प्राप्त कैल्कै, शेरसब ओकरासिके नैखैल्कै,

हिब्रू 12:8

मगर यदि सभेकोय पैल उटा अनुशासन तुहेंसब नैपैल्हैं छे ते, तुहेंसब आपन बाबुके खास बेटा-बेटीसब नैछैं आर तुहेंसब वास्तवमे परमेश्वरके बेटा-बेटीसब नैछैं।

याकूब 4:7

सेल्याके परमेश्वरके अधिनमे र, मगर शैतान जे तोरासिके कराबैले चाहैछौ ऊ करैले इन्कार कर आर ऊ तोरसिके लगतसे भाग्तौ।

१ पत्रुस 1:6

तुहेंसब यी सभे चीजसिके बारेमे खुशी हुए पडैछै, एखन कुछु समयके लिए तोरासिके विभिन्न किसिमके तकलीफ भोगे पडैछौ।

१ पत्रुस 2:21

परमेश्वर तोरासिके बोलाबैके एकटा कारण यी छै कि तुहेंसब ओकर खातिर दुःख सही लेभैं। ख्रीष्ट, जे तोरसिके खातिर कष्ट भोगल्कै, ऊ तोरसिके उदाहरण छौ। इहे ल्याके तोरासिके ओकर कैल कामसिके अनुकरण करना चाही।

१ पत्रुस 3:14

मगर यदि जे सही छै उटा करैके कारणसे तुहेंसब दुःख सहबो करैछैं ते परमेश्वर तोरासिके आशिष देतौ। ओहिने कर जेरं यशैया परमेश्वरके वक्ता लिखल्कै रहे, “तोरासिके धम्की दिएवाला आदमीसिसे नैडर, आर आदमीसब कुछु कर्तै कहिके चिन्ता नैकर।”

१ पत्रुस 4:13

खाली एकर विषयमे खुश र, कहिनेकी तोरासिके उटा दुःखसिमे एकटा हिस्सा मिल्लौ छे जे ख्रीष्टके मिल्लै रहे। इहे कारणसे, जब ख्रीष्ट सभे आदमीसिके आपन महिमा प्रकट करैके लिए फेर वापस ऐतै ते तोरसिके आनन्द सचमे बडका हैतौ।

प्रकाश 1:9

हमे, यूहन्ना, जे ख्रीष्टमे तोर साथी छियौ, तोरेसिके जुगुर सतैल जैछियै। हमे परमेश्वरके राज्यके एकटा नागरिक छियै जेरं कि तुहेंसब छैं आर हमरा भी आपन तकलीफके ओहिने ही धीरजके साथ सहन करना चाही जेरं तुहेंसब करैछैं। हमे परमेश्वरके वचन प्रचार करैके आर येशूके विषयमे बताबैके कारण पत्मोसके टापुमे निर्वासित करि देल गेलियै रहे।

प्रकाश 6:11

ओकरासिमेसे हरेकके एकटा उजरा कपडा देल गेलै आर परमेश्वर ओकरासिके कहैल्कै, “एखनके लिए आराम कर, कहिनेकी एखन भी तोरसिके सहकर्मी आर तोरसिके साथी विश्वासीसब छै जकरासिके तोरेसिके जुगुर जान मार्ल जैतै। जब जान मार्ल ज्यावालासिके संख्या पुरा भ्याजैतै, तभे हमे बदला लेबै।”

प्रकाश 7:14

तब हमे ओकरा कहैलियै, “हे हौ सरकार, हमे नैजानैछियै मगर तुहें जानैछ।” ऊ हमरा कहैल्कै, “यीसब ऊ आदमीसब छै जेसब महाकष्टके अनुभव कैल्कै छे। यीसब आपन कपडाके बलि-भेंडाके खूनसे धोय लेल्कै छे आर आब ऊसब उजरा भ्यागेलै छे, एकर मतलब यी छै कि ओकरसिके पापसिके मेट्या देल गेलै छे।