१ पत्रुस 5:3 - केवट नया कारार

³ तोरसिके जिम्मामे देल आदमीसिपर शासकके जुगुर हुकुम नैचला, मगर ओकरसिके लिए बढियाँ उदाहरण बन।

१ पत्रुस 5:3 Iomraidhean Croise

यूहन्ना 13:15

कहिनेकी हमे तोरासिके एकटा नमुना देखैलियौ छे, ताकी तहुँसब ओहिने करहैं जेरं हमे तोरसिके संगे कैलियौ छे।

चुन्ल आर भेज्ल चेलासब 20:28

आब तुहेंसब आपनहैं आपन देखभाल कर आर पवित्र आत्मा तोरासिके जिम्मा लगैल परमेश्वरके मण्डलीके देख-रेख कर, जकरा ऊ आपन बेटाके खूनसे मोल लेल्कै छे।

१ कोरन्थी 11:11

तैय्योपर भी विश्वासीसिके बीचमेसे जनानी पुरुषसे अलग भ्याके कुछु नैछै आर पुरुष जनानीसे अलग भ्याके कुछु नैछै।

१ कोरन्थी 3:5

पावल के छै? अपोल्लोस के छै? हमेसब खाली सेवकसब छियै, जकरद्वारा तुहेंसब ख्रीष्टमे विश्वास कैल्हैं। हमरसिमेसे सभेको उहे काम कैलियै जे काम परमेश्वर हमरासिके करैके लिए देल्कै।

१ कोरन्थी 3:9

कहिनेकी हमेसब परमेश्वरके सहकर्मी छियै, आर तुहेंसब, कोरन्थी सहरके विश्वासीसब परमेश्वरके खेतसब छैं। संगहै संग, हमे तोरासिके उटा भवनसंगे तुलना करैछियै जकरा परमेश्वर निर्माण करि रहलै छे।

२ कोरन्थी 1:24

हमेसब तोरसिके विश्वासपर अधिकार जमाबैले नैचाहैछियै, बल्की तोरसिके आनन्दके लिए तोरसिके संगे-संगे मिलिके काम करेवाला छियै। कहिनेकी तुहेंसब ते आपन विश्वासमे स्थिर छैं।

२ कोरन्थी 4:5

कहिनेकी हमेसब आपन नै बल्की येशू ख्रीष्ट प्रभु छै कहिके प्रचार करैछियै। हमेसब येशूके सेवामे तोरसिके सेवक छियै।

फिलिप्पी 3:17

हे विश्वासी भ्या-बहिनसब, तुहेंसब हमर व्यवहारके अनुसरण कर। हमेसब तोरसिके संगे हुऐ बेरियाँ जे व्यवहार तुहेंसब हमरासिमे देख्लहैं ओरंको व्यवहार करेवाला आदमीसिके अनुसरण कर।

फिलिप्पी 4:9

हमर बोली आर काम दोनोसे तुहेंसब जे बात सिख्लहैं आर पैल्हैं उटा आपन व्यवहारमे देखा। तब शान्ति दिएवाला परमेश्वर तोरसिके साथमे रहतौ।

१ थेसलोनिकी 1:7

एत्तेतक कि माकेडोनिया प्रदेश आर अखैया प्रदेशमे सभे विश्वासीके बीचमे तुहेंसब नमुना बन्लहैं।

२ थेसलोनिकी 3:9

हमेसब कडा मेहनत यी कारणसे नैकरैछियै कि तोरासिसे सहायता पाना हमरसिके अधिकार नैछै मगर सेल्याके कि हमेसब खुदके तोरसिके समनामे आदर्श स्वभाव प्रस्तुत करियै आर तुहें हमरसिके उदाहरणमे अनुसरण कर।

१ तिमोथी 4:12

एरंको व्यवहार कर कि कोय भी तोरासिके अनादर नैकरौ कहिनेकी तुहेंसब जवान छैं, मगर तोरसिके बोल्ल वचनद्वारा, तोरसिके व्यवहारद्वारा, दोसर आदमीसिके प्रति प्रेमद्वारा, ख्रीष्टमे तोरसिके भरोसाद्वारा आर तोरसिके पापरहित जीवनद्वारा विश्वासीसिके लिए तोरासिके एकटा उदाहरण बने पड्तौ।

तीतस 2:7

सभे बातमे तोरा उदाहरणके रुपमे बढियाँ काम करना चाही, जकरा दोसर आदमीसब सभे दिन पालन करे सकै। जब तुहें विश्वासीसिके परमेश्वरके बारेमे सिखाबैछैं, तुहें बढियाँ विचारसे आर आदरयोग्य तरिकासे सिखाबे पडैछै।

१ पत्रुस 2:9

मगर तुहेंसब ओरं नैछैं, कहिनेकी तुहेंसब परमेश्वरके चुन्ल आदमीसब छैं, तुहेंसब परमेश्वरके पुजारीसब छैं, जे राजा छै। तुहेंसब परमेश्वरके सेवा करैले समर्पित भेल आदमीसब आर परमेश्वरके निजी प्रजा छैं। ऊ तोरासिके अनहारसे आपन अदभुद उजेतमे आन्लकौ छे, ताकी तुहेंसब परमेश्वरके आश्चर्यपूर्ण कामसिके घोषणा करे सक्हैं।