१ पत्रुस 5:2 - केवट नया कारार

² जेरंके चरवाहासब आपन भेंडासिके रखवाली करैछै, ओहिने करिके तोरासिके हरेकके रखवाली करना चाही जकरा परमेश्वर तोरसिके देखरेखमे राखल्कौ छे। एकरा स्वेच्छासे कर, कहिनेकी परमेश्वर इहे चाहैछै कि तुहें एरं कर। एरं खाली इहे ल्याके नैकर कहिनेकी तोरासिके एरं करैके लिए मजबूर कैल गेलौ छे। यी काम इहे ल्याके नैकर कहिनेकी तुहेंसब धन कमाबैके लिए चाहैछैं मगर परमेश्वर आर आदमीसिके सेवा करैके इच्छाके साथ कर।

१ पत्रुस 5:2 Iomraidhean Croise

लूका 12:32

येशू फेर कहैल्कै, “तुहें भेंडाके एकटा छोटका झुण्डके जुगुर छैं, सेल्याके कोय भी बातके विषयमे नैडर! कहिनेकी तोरसिके परमेश्वर पिता खुशी-खुशी आपन राज्य तोरासिके दियैके लिए फैसला करि लेल्कौ छे।

चुन्ल आर भेज्ल चेलासब 20:29

हमे जानैछियै कि हमर गेलके बाद झुट्ठा शिक्षकसब तोरसिके बीचमे ऐतौ आर विश्वासीसिके बडका हानी कर्तौ। ऊसब डरलग्गा खटिहा जुगुर हैतौ जे भेंडाके जान मार्तौ।

चुन्ल आर भेज्ल चेलासब 21:13

मगर पावल जबाब देल्कै, “तुहेंसब एरंके कानीके कथिले हमर मन दुःखी बनाबैछैं? हमे ते प्रभु येशूके कारण यरूशलेम सहरमे खाली बान्हल जैके लिए ही नै, मगर मरैके लिए भी तैय्यार छियै।”

रोमी 1:15

सेल्याके हमे तोरासिके भी, जेसब रोम सहरमे रहैछैं, खुश-खबरी सुनाबैके लिए बहुते उत्सुक छियै।

१ कोरन्थी 9:7

एकटा सेनाके कहियो भी आपन खर्चा खुद नैदिये पडैछै। एकटा आदमी जे अंगुरके बगान लगाबैछै ऊ आदमी बगानके कुछु फल खैके आशा करैछै। आर एकटा चरवाहा आपन भेंडासिके दूध पियैके आशा करैछै।

१ तिमोथी 3:3

ऊसब बेसी नशा करेवाला आदमी आर मार-पीट करेवाला आदमी नै होना चाही। ऊसब दयालु, धीरजी आर शान्त आदमी होना चाही, आर ऊसब वाद-विवाद नैकरेवाला, आर पैसाके लालच नैकरेवाला आदमी होना चाही।

१ तिमोथी 3:8

अहिने करिके, मण्डलीके सेवकसब आदर पाबैके योग्यके होना चाही। ऊसब इमानदार होना चाही, आर बेसी नशा करेवाला नै होना चाही। ऊसब दोसर आदमीसिके धोखा द्याके रुपिया-पैसा कमाबेवाला नै होना चाही।

तीतस 1:11

एरंको आदमीसिके सिखाबैले अनुमति नैदहैं, कहिनेकी ऊसब झुट्ठा शिक्षा सिख्याके पुरा परिवारके विश्वासके बर्बाद करैछै। ऊसब एरंको झुट्ठा शिक्षा पैसा कमाबैके लिए सिखाबैछै।

तीतस 1:7

कहिनेकी मण्डलीके देख-रेख करेवाला आदमी परमेश्वरके काम करे पडैके कारणसे दोषरहित होना चाही। ऊ आपन चहेल बात पुरा हुऐके चाहना करेवाला या तुरन्ते रिसाबेवाला या मतवाला या झग्डौहा या धन-दौलतके लिए ठगेवाला नै होना चाही।

तीतस 2:14

उहे येशू ख्रीष्ट अपनासिके सभे पापसे छुटकारा दिलाबैके लिए आर नैतिक रुपसे शुद्ध बनाबैके लिए खुदके बलिदान कैल्कै ताकी अपनासब ओकर आपन विशेष आदमीसब बने सकियै जेसब बढियाँ काम करैके बडका इच्छा राखैछै।

तीतस 3:1

विश्वासीसिके याद दिला कि ऊसब शासकसिके आर अधिकारीसिके आदर करै, आर ओकरसिके आज्ञाकारी बनै, आर दोसर आदमीसिके लिए बढियाँ काम करै।

फिलेमोन 1:14

मगर तुहें राजी नैहुऐतक हमे ओकरा राखैले नैचाहैछियै। तुहें यी काम मजबूर भ्याके नैकर मगर स्वेच्छासे कर, सेल्याके हमे चाहैछियै कि तुहें ओकरा राख।

हिब्रू 12:15

होशियार र, कि कोनो भी आदमी परमेश्वरके अनुग्रह पाबैसे बन्चित नैहै। ध्यान दहैं कि अविश्वासके कोनो तित्त जड तोरसिके बीचमे नैटुसाबौ कहिनेकी जब भी यी टुसाबैछै ते बहुते आदमीसब एकर जहरसे भ्रष्ट भ्याजैछै।

२ पत्रुस 2:3

यीसब लोभी हैतै आर ऊसब बन्ल बनैल कहानीसब सुन्याके तोरासिके धोखा देतौ ताकी तोरासिसे पैसा कमाबे सकै। परमेश्वर बहुते समय पहेला ही फैसला करि लेल्कै रहे कि ऊ ओकरासिके सजाय देतै आर ऊ एरं करैके लिए तैय्यार छै। परमेश्वर जरुर ओकरासिके नाश करि देतै।