१ पत्रुस 5:12 - केवट नया कारार

¹² हमे यी छोटका चिट्ठी सिलासके सहायतासे लिख्लियै छे आर तोरासिके भेज्लियौ छे। हमे ओकरा ख्रीष्टमे एकटा विश्वासयोग्य भ्याके रुपमे मानैछियै। यी चिट्ठी लिखैके हमर मकसद तोरासिके उत्साहित करना आर निश्चित करना छै कि जे कुछु भी तुहेंसब अनुभव करैछैं उटा वास्तवमे तोरसिके प्रति परमेश्वरके अनुग्रहके हिस्सा छै। यीटा अनुग्रहमे स्थिर र।

१ पत्रुस 5:12 Iomraidhean Croise

यूहन्ना 21:21

ओकरा देखिके पत्रुस येशूके पुछल्कै, “प्रभु एकरसंगे कि हैतै?”

चुन्ल आर भेज्ल चेलासब 11:23

ऊ ओत्ते आबिके परमेश्वरके अनुग्रहके देखिके बहुते आनन्दित भेलै, आर ऊ सभैके तन मनसे प्रभुके बतैल रस्तामे चलैके लिए उपदेश देल्कै।

चुन्ल आर भेज्ल चेलासब 15:22

तब चुन्ल आर भेज्ल चेलासब, मण्डलीके अगुवासब आर यरूशलेम सहरके सारा मण्डली मिलिके आपन बीचसे कुछु विश्वासी भ्या-बहिनसिके चुनिके पावल आर बरनाबासके संगे एन्टीओखिया सहरके मण्डलीमे भेजैके लिए उचित सोचल्कै। ऊ चुन्ल आदमीसिमेसे बरनाबास कहलैल ज्यावाला यहूदा आर सिलास रहै। प्रभु येशूमे विश्वास करेवाला सभे आदमीसिमेसे यी दी आदमी अगुवा रहै।

चुन्ल आर भेज्ल चेलासब 20:24

मगर हमे आपन जीवनके कोनो मोलके आर आपन लिए प्रिय नैसोचैछियै। हमे खाली एतनें चाहैछियै, कि परमेश्वरके अनुग्रहके खुश-खबरीके गवाही दियैले हमर दौड आर प्रभु येशूसे हमरा मिल्ल हमर सेवकाई हमे पुरा करे सकियै।

रोमी 5:2

आपनसिके विश्वासके कारण, ख्रीष्ट अपनासिके यीटा अनुग्रहमे आनल्कै छे जते अपनासब एखन खडा छियै, आर अपनासब निश्चय आर आनन्दके साथ परमेश्वरके महिमामे सामिल हुऐके आशा करैछियै।

१ कोरन्थी 15:1

हे विश्वासी भ्या-बहिनसब, हमे तोरासिके उहे खुश-खबरी याद दिलाबैले चाहैछियौ, जे तुहेंसब पहेला सुनी लेल्हैं छे, जे सन्देशमे तुहेंसब विश्वास भी कैल्हैं रहे आर ओकरामे तुहेंसब आरहौ भी मजगुत भी भेले गेल्हैं।

२ कोरन्थी 1:19

कहिनेकी परमेश्वरके बेटा येशू ख्रीष्ट जकर हमरसिकेद्वारा यानिकी हमर आर सिलास, तिमोथीके द्वारा तोरसिके बीचमे प्रचार भेलौ, ओकरामे कखनिहौं “हौं” आर कखनिहौं “नै” वाला बात नैछै, मगर ओकरामे सभे दिनसे खाली “हँ” छै।

२ कोरन्थी 1:24

हमेसब तोरसिके विश्वासपर अधिकार जमाबैले नैचाहैछियै, बल्की तोरसिके आनन्दके लिए तोरसिके संगे-संगे मिलिके काम करेवाला छियै। कहिनेकी तुहेंसब ते आपन विश्वासमे स्थिर छैं।

एफिसी 3:3

जेरं कि हमे कुछु विवरण तोरासिके पहेला ही लिख्लियौ रहे, परमेश्वर खुद हमरा उटा नुकैल योजनाके प्रकट कैल्कै।

एफिसी 6:21

प्रभुके संगतिमे प्रिय विश्वासी भ्या आर विश्वासयोग्य सेवक तुखिकस तोरासिके यी सभे बात बतैतौ, ताकी तहुँसब भी जानी लहैं कि हमे केरंको अवस्थामे छियै आर कि करैछियै।

कलस्सी 1:7

इहे बातके शिक्षा तुहेंसब हमरसिके प्रिय विश्वासी भ्या इपाफ्राससे सिख्लहैं, जे हमरसिके संगे सेवा करैछै आर हमरसिके प्रतिनिधिके रुपमे ख्रीष्टके विश्वासयोग्य सेवक छै।

कलस्सी 4:7

हमरसिके प्रिय विश्वासी भ्या तुखिकस हमर सभे बात तोरासिके बतैतौ। ऊ एकटा विश्वासयोग्य सहकर्मी छै आर ऊ हमरसंगे प्रभुके सेवा करैछै।

कलस्सी 4:9

आर तुखिकससंगे ओनेसिमस भी आबैछै, जे तोरसिके सहरके छै आर हमरसिके विश्वासयोग्य आर प्रिय विश्वासी भ्या छै। ऊ तोरासिके एत्करो सभे हालखबर बतैतौ।

१ थेसलोनिकी 1:1

हमे, पावल यी चिट्ठी सिलास आर तिमोथीके संगे लिखैछियै। हमेसब यी चिट्ठी थेसलोनिके सहरके मण्डलीके लिखैछियै, जे परमेश्वर पिता आर प्रभु येशू ख्रीष्टसे सम्बन्धित छै। हमे प्रार्थना करैछियौ कि परमेश्वर तोरासिके अनुग्रह आर शान्ति दौ।

२ थेसलोनिकी 1:1

हमे, पावल यी चिट्ठी सिलास आर तिमोथीके संगे लिखैछियौ। हमेसब यी चिट्ठी थेसलोनिके सहरके मण्डलीके लिखैछियै, जे परमेश्वर पिता आर प्रभु येशू ख्रीष्टके छै।

हिब्रू 13:22

हे विश्वासी भ्या-बहिनसब, हमे तोरासिके बिन्ती करैछियौ कि, यी सन्देशके धीरजसे सुन जे हमे तोरासिके उत्साहित करैके लिए लिख्लियौ छे।

१ पत्रुस 1:13

सेल्याके सचेत र कि तुहेंसब कि करेवाला छैं आर होशियार र। उद्धार पाबैके आशा कर, जे अनुग्रहसे आबैछै, जे तोरासिके येशू ख्रीष्ट यी संसारमे फेर वापस आबैके दिनमे देल जैतौ।

१ पत्रुस 4:10

हरेक आदमीके परमेश्वरके तरफसे वरदान मिल्लै छे आर ओकरासिके उटा वरदानके प्रयोग दोसर आदमीसिके सहायता करैके लिए करना चाही। ओकरासिके उटा विभिन्न वरदानसिके प्रयोग बढियाँसे करना चाही जे परमेश्वर ओकरासिके अनुग्रह करिके देल्कै छै।

२ पत्रुस 1:12

हमे तोरासिके यी बातसिके विषयमे घुरी-घुरीके याद दिलाबे चाहैछियौ, जब कि तोरासिके पहलहैसे यी बातसिके विषयमे मालुम छौ आर तुहेंसब निश्चित छैं कि यी बातसब सच छै।

२ पत्रुस 2:15

ऊसब उटा काम करैले छोडी देल्कै छे, जे सही छै आर ऊसब ओहिने प्रकारके खराब काम करैले शुरु करिदेल्कै छे, जे कि बओरके बेटा बालाम बहुते समय पहेला कैल्कै रहे। ऊ गलत काम करिके पैसा कमाना पसन्द कैल्कै।

३ यूहन्ना 1:12

मण्डलीमे सभे झन कहैछै कि डेमेत्रियस एकटा बढियाँ आदमी छै कहिनेकी ऊ सच्चाईके मुताबिक जियैछै। हम्हुँसब कहैछियै कि ऊ एकटा बढियाँ आदमी छै, आर तुहें जानैछैं कि हमरसिके गवाही सच्चा छै।

यहूदा 1:3

हे प्रिय विश्वासी भ्या-बहिनसब, हमे तोरासिके ऊ उद्धारके विषयमे लिखैके लिए सकभर कोशिश कर्ते रहियै जे येशू ख्रीष्टके द्वारा परमेश्वरके तरफसे आबैछै आर जकरामे अपनासब सभेको सहभागी छियै। मगर आब हमे यी चिट्ठीके द्वारा तोरासिके उत्साहित करैके दबाब महसुस करैछियै ताकी तुहेंसब ख्रीष्टियन विश्वासके पक्डीके राखैके लिए आरहौ भी कडा प्रयास कर्भैं। परमेश्वर आपन आदमीसिके लिए यी विश्वास एक्केबेर सभे दिनके लिए द्या देल्कै छे, आर एकरा बदल्ल नै ज्या सकैछै।