१ पत्रुस 4:8 - केवट नया कारार

⁸ सभैसे बेसी महत्वपूर्ण बात यी छै कि एक दोसरके इमानदारीसे प्रेम कर। कहिनेकी यदि तुहेंसब आदमीसिके प्रेम कर्भैं ते, तुहेंसब सभे दिन ओकरसिके द्वारा कैल गेल कोनो भी गलत कामके माफी दियैके लिए तैय्यार रहभैं।

१ पत्रुस 4:8 Iomraidhean Croise

१ कोरन्थी 13:1

यदि हमे आदमीसिके आर स्वर्गदूतसिके भाषामे बोलैछियै, मगर हमे आदमीसिके प्रेम नैकैलियै ते, हमर भाषण बिना मतलबके बडका आवाज करेवाला घन्टा आर झन झन करेवाला झाल जेरं छै।

१ कोरन्थी 13:4

जे आदमीसब दोसर आदमीसिसे प्रेम करैछै, ऊसब धीरज आर दयाके साथ काम करैछै, ओकरासिके जर्नी नैहैछै, ऊसब आपन बडै नैकरैछै आर ओकरासिके घमण्ड नैहैछै।

कलस्सी 3:14

तोरासिके करे पडेवाला सबसे महत्वपूर्ण बात एक दोसरके प्रेम करना छौ। एरं कर्भैं ते तुहेंसब पूर्ण रुपसे एक हैभैं।

१ थेसलोनिकी 3:12

आर हमेसब प्रार्थना करैछियै कि जेरंके हमेसब तोरसिसे प्रेम करैछियौ, ओहिने करिके तोरसिके प्रेम एक दोसरके प्रति आर सभे आदमीसिके लिए बढते आर उमडते रहौ।

२ थेसलोनिकी 1:3

हे विश्वासी भ्या-बहिनसब, तोरसिके लिए सभे दिन हमरासिके परमेश्वरके धन्यवाद चढाना चाही, आर यी करना हमरसिके लिए उचित छै, कहिनेकी तुहेंसब निरन्तर येशू ख्रीष्टमे विश्वास करैछैं आर एक दोसरप्रतिके तोरसिके प्रेम भी बढते गेलौ छे।

१ तिमोथी 1:5

यी आदेश दियैके मकसद यी छै कि तुहेंसब एक दोसरके साफ मन, बढियाँ विवेक आर सच्चा विश्वाससे प्रेम करे सक्हैं।

हिब्रू 13:1

भ्या आर बहिनसिके रुपमे एक-दोसरसे प्रेम कर्ते र।

याकूब 5:12

हे विश्वासी भ्या-बहिनसब, सभैसे बडका बात यी छै कि, तुहेंसब कसम खैबे नैकर। स्वर्ग, धर्ती या कोनो चीजके नाम ल्याके कसम नैखो। तोरसिके बातचितमे तोर “हँ” के मतलब “हँ” आर “नै” के मतलब “नै” होना चाही। ताकी तुहेंसब परमेश्वरके द्वारा दोषी नैठहरहैं।

याकूब 5:20

ते तोरासिके यी मालुम होना चाही कि जे कोय परमेश्वरके सच्चा वचन पालन नैकरेवाला आदमीके पाप करैले छोडिके परमेश्वरके तरफ मन लगाबैके लिए सहायता करैछै, तुहेंसब एकटा जीवनके कहियो खतम नैहुएवाला मौतसे बचैभैं आर परमेश्वर ओकर बहुते पापसिके माफ कर्तै।

१ पत्रुस 1:22

कहिनेकी तुहेंसब सचके पालन करिके शुद्ध भेल छैं, आब तोरासिके आपन विश्वासी भ्या-बहिनसिके निष्कपट प्रेम करे पडैछै। तुहेंसब एक दोसरके पुरा हृदयसे बहुते गहरा प्रेम कर।

३ यूहन्ना 1:2

हे प्रिय दोस्त, हमर यी प्रार्थना छै कि तुहें परमेश्वरके संगे सम्बन्धमे बढैछैं ओहिने करिके सभे दिन तुहें जे भी करैछैं ओकरामे तोर भला हौ, आर तुहें आपन शरीरमे स्वस्थ रहे सक्हैं।