१ पत्रुस 4:6 - केवट नया कारार

⁶ सेल्याके मर्ल आदमीसब भी ख्रीष्टके विषयमे खुश-खबरी सुनल्कै। ओकरसिके शरीर दोसर आदमीसिके जुगुर मरे पड्लै मगर आब ऊसब सभे दिन परमेश्वरसंगे आत्मामे जिन्दा छै।

१ पत्रुस 4:6 Iomraidhean Croise

मत्ती 24:9

उटा समयमे तोरसिके विरोध करेवाला आदमीसब तोरासिके गिरफ्तार करिके सजाय दियैले ल्याजैतौ आर तोरसिके जान मार्तौ। हमर चेला हुऐके कारणसे जात-जातके आदमीसब तोरासिके घृणा कर्तौ।

रोमी 8:2

कहिनेकी पवित्र आत्मा जे येशू ख्रीष्टके तरफसे आबैछै, ऊ तोरा जीवन देतौ आर तोरा पाप आर मौतसे छुटकारा देतौ।

गलाती 2:19

हमे जानैछियै कि मूसाके विधि-विधान पालन करैके द्वारा हमरा धर्मी घोषित नैकैल ज्या सकैछै। सेल्याके हमे एरं मानैछियै कि हमे विधि-विधानके विषयमे ख्रीष्टके संगे क्रूसमे मरि गेलियै छे ताकी हमे परमेश्वरके लिए जिन्दा रहे सकियै।

गलाती 5:25

अपनासिके आपन नया जीवन पवित्र आत्माके तरफसे मिलैछै आर सेल्याके अपनासिके पवित्र आत्माके अगुवाईमे चलना चाही।

१ पत्रुस 1:12

मगर परमेश्वर यी आपन वक्तासिके बतैल्कै कि ओकरसिके सन्देश ओकरसिके लिए नै मगर तोरसिके लिए रहै। उटा सन्देश येशू ख्रीष्टके विषयमे खुश-खबरी छै जे एखन तुहेंसब सुन्लहैं छे। परमेश्वर स्वर्गसे आपन पवित्र आत्मा भेजल्कै ताकी तोरासिके खुश-खबरी प्रचार करैमे आदमीसिके सहायता करै। यी सभे बात एतनें अदभुद छै कि एत्तेतक कि स्वर्गदूतसब भी उत्सुकतासे यी चीजसिके हैते हुए देखैछै।

१ पत्रुस 3:18

हमे यी कहैछियौ कहिनेकी ख्रीष्ट आपनसिके पापसिके कारण दुःख सहैल्कै आर मरि गेलै। ऊ खाली एकबेर मर्लै आर एकरा दोहराबैके जरुरत नैछै। ऊ एकटा धर्मी आदमी रहै जे पापी आदमीसिके लिए मरि गेलै ताकी परमेश्वरके संगे आपनसिके सम्बन्ध घनिष्ठ हुए सकै। ऊसब ओकर शरीरके मारि देल्कै मगर ओकरा पवित्र आत्माके सामर्थ्यसे फेरसे जिन्दा करि देल गेलै।

१ पत्रुस 3:19

तब ओकर आत्मा जैके ऊ आत्मासिके खुश-खबरी प्रचार कैल्कै, जेसब उटा जगहमे परमेश्वरके द्वारा कैद कैल गेलै छे, जते मर्ल आदमीसिके आत्मा छै।

प्रकाश 14:18

तखनिहैं आरहौ एकटा स्वर्गदूत जे कि छठमा स्वर्गदूत छै जे धुप वेदीपर आगिनसे धुप जराबैके जिम्मेदारी पुरा करैछै, ऊ ओत्तेसे बाहार निकल्लै। ऊ जोरसे उटा स्वर्गदूतके जकर हातमे धराहा कचिया छै ओकरा कहैल्कै, “धर्तीपर अंगुरसिके गुच्छा पाकी गेलै छे। ओकरासिके आपन धराहा कचियासे कटनी करि ले।”