१ पत्रुस 4:4 - केवट नया कारार

⁴ इहे कारणसे तोरसिके पुरना दोस्तसब आश्चर्यचकित भ्याजैछै, जब तुहेंसब ओकरसिके संगे उटा खराब चीजसिमे सामिल नैहैछैं जे ऊसब करैछै। इहे ल्याके ऊसब तोरसिके बदनामी करैछौ।

१ पत्रुस 4:4 Iomraidhean Croise

मत्ती 23:25

हे यहूदी धरमशास्त्रके पण्डितसब आर फरिसी समूहके आदमीसब, तोरसिके लिए यी बहुते भयानक हैतौ! तुहेंसब ढोंगी छैं! तुहेंसब बर्तनके जुगुर छैं जे बाहारसे साफ हैछै मगर भितरसे गन्दे हैछै। अहिने करिके तुहेंसब दोसर आदमीके समनामे अपने आपके बढियाँ आदमीके रुपमे देखाबैछैं। मगर तोरसिके मनमे लोभ आर स्वार्थीपन भर्ल हैछौ।

लूका 15:13

कुछु दिनके बाद, सभे धन-दौलत समेटीके छोट बेटा परदेश गेलै, आर ऊ ओत्ते भोग-विलासमे आपन सभेटा धन-दौलत उडैल्कै।

चुन्ल आर भेज्ल चेलासब 13:45

मगर यहूदी आदमीसिके अगुवासब भीडके देखिके जर्नीसे भरि गेलै, आर निन्दा कर्ते पावलके कहेल बातके विरोधमे बोले लाग्लै।

चुन्ल आर भेज्ल चेलासब 18:6

मगर जब यहूदी आदमीसब पावलके विरोध आर अपमान करे लाग्लै, तब यी देखाबैके लिए कि परमेश्वर ओकरासिसे बेखुशी छै, ऊ आपन कपडाके धुर झाडीके ओकरासिके कहैल्कै, “तुहेंसब आपन लिए आपनहैं परमेश्वरके सन्देशके इन्कार करैके कारण आपन उप्परमे सजायके जिम्मेदार हैभैं। ऐजके बाद हमे गैर-यहूदी आदमीसिके लगत जैबै आर परमेश्वरके सन्देश प्रचार कर्बै।”

रोमी 13:13

अपनासिके अनहारमे जियेवाला आदमीके जुगुर नै मगर उजेतमे जियेवाला आदमीके जुगुर सही तरिकासे जिना चाही। मौजमजा, पियक्कडपन, व्यबिचार, भ्रष्टाचार, झगडा आर डाहा नैकर।

एफिसी 5:18

अंगुरके मद्द पिबिके मतवाला नैबन, कहिनेकी यी आदमीसिके असभ्य आर अनियन्त्रित तरिकासे व्यवहार करैके कारण बनैछै। बरु, पवित्र आत्माके तोरा आपन शक्तिसे भरैले दहैं।

१ पत्रुस 2:12

कतनें बेर एरं आदमीसब हैछै जेसब प्रभुके नैजानैछै आर ऊसब तोरासिपर यी कहिके गलत आरोप लगाबे सकैछौ कि तोरसिके काम खराब छौ। इहे ल्याके तोरासिके आपन व्यवहारके विषयमे होशियार रहना चाही, ताकी ऊसब तोरसिके बढियाँ व्यवहार देखे सकौ। अन्तमे ऊसब स्वीकार कर्तै कि तोरसिके व्यवहार बढियाँ छै आर जे दिन परमेश्वर संसारके न्याय करैके लिए फेर यी संसारमे वापस ऐतै उटा दिन ऊसब परमेश्वरके महिमा कर्तै।

१ पत्रुस 3:16

मगर यी विनम्र आर आदरपूर्ण तरिकासे कर। सभे दिन जे बढियाँ छै उहे कर। तब यदि आदमीसब तोरसिके विरुद्धमे खराब बात बोलैछै ते ऊसब लाजमे पड्तै जब ऊसब तोरसिके ख्रीष्ट संगके सम्बन्धके कारण तोरसिके बढियाँ व्यवहार देखैछै।

२ पत्रुस 2:12

मगर यी शिक्षकसब बेअकल जानवरसिके जुगुर काम करैछै जेसब ओरं करैछै जेरं ओकरसिके शरीर चाहैछै आर जेसब इहे ल्याके जनम हैछै ताकी आदमीसब ओकरासिके फस्याके मारे सकै। कहिनेकी ऊसब यी जानवरसिके जुगुर छै, यी शिक्षकसब उटा चीजसिके अपमान करैछै, जकर विषयमे ऊसब वास्तवमे कुछु भी नैजानैछै। परमेश्वर ओकरासिके ओहिने करिके नाश करि देतै जेरंके आदमीसब जानवरसिके मारैछै।

२ पत्रुस 2:22

ओकरसिके संगे जे हैछै ऊ देखाबैछै कि यी कहावत सच छै: ऊसब कुत्तासिके जुगुर छै जे आपन उल्टी चाटैके लिए वापस घुमिके आबैछै आर ऊसब सुग्गरसिके जुगुर छै जकरा धोयल जैछै आर फेरसे कादमे लोटैछै।

यहूदा 1:10

मगर यी आदमीसब ऊ बातसिके विरुद्ध अपमानजनक तरिकासे बोलैछै, जकरा ऊसब नैबुझैछै। आर जे बातसब ऊसब बुझैछै आर उटा कामसब स्वभाविक तरिकासे बौक जानवरसिके जुगुर करैछै ते, यीसब उटा पापमय कामसिके करैके द्वारा खुदके नाश करैछै।