१ पत्रुस 4:3 - केवट नया कारार

³ बित्ल समयमे तुहेंसब उटा सभे करैमे बहुते समय बर्बाद करि देल्हैं जकरा करिके अविश्वासी आदमीसब आनन्द लैछै। तोरसिके जीवन अनैतिकता आर वासना, ओकरसिके भोज आर पियक्कडपन आर मौज-मजासब आर ओकरसिके मूर्तिसिके पूजामे बितते रहौ जकरासे परमेश्वर घृणा करैछै।

१ पत्रुस 4:3 Iomraidhean Croise

मर्कूस 7:22

लोभ, दुष्टता, छल, लुचपनी, ईर्ष्या, ईश्वर निन्दा, घमण्ड, मूर्खपन निक्लैछै।

चुन्ल आर भेज्ल चेलासब 17:30

सेल्याके परमेश्वर आदमीसिके एरंको अज्ञानताके समयके ध्यान नैदेल्कै, मगर आब सभे जगहमे सभे आदमीसिके पाप करैले छोडिके परमेश्वरके तरफ मन लगाबैके आज्ञा दैछै।

रोमी 13:13

अपनासिके अनहारमे जियेवाला आदमीके जुगुर नै मगर उजेतमे जियेवाला आदमीके जुगुर सही तरिकासे जिना चाही। मौजमजा, पियक्कडपन, व्यबिचार, भ्रष्टाचार, झगडा आर डाहा नैकर।

१ कोरन्थी 12:2

तुहेंसब जानैछैं कि तुहेंसब विश्वासी बनैसे पहेला केरंको जीवन जिते रहैं, तुहेंसब ऊ निर्जीव मूर्तिसिके आराधना करैके लिए बहुते बातसिके द्वारा प्रभावित भेल रहैं।

१ कोरन्थी 6:11

पहेला तोरासिमेसे कुछु आदमीसब एरं व्यवहार कर्ते रहै, मगर परमेश्वर तोरसिके पापसिके धोय देल्कै छे आर तोरासिके पवित्र बनैल्कौ छे आर प्रभु येशू ख्रीष्टके नामके पुकारा करिके आर आपनसिके परमेश्वरके आत्माद्वारा तुहेंसब परमेश्वरके नजरमे धर्मी घोषित कैल गेल्हैं छे।

२ कोरन्थी 12:21

आर कहीं एरं नैहै कि जब हमे दोबारा तोरसिसे भेट करैले वापस ऐबौ, हमर परमेश्वर हमरा लज्जित बनाबै। आर हमरा बहुते झनके लिए फेर शोक करे पडै, जेसब पहेला पाप कैल्कै रहे, आर आपन कैल अशुद्ध व्यवहार, व्यबिचार, आर भोग-विलासके लिए पाप करैले छोडिके परमेश्वरके तरफ मन नैलगैल्कै छे।

गलाती 5:19

पापमय स्वभावके कामसब साफसे देखे सकैछियै, जे इहे छै: व्यबिचार, अनैतिक काम, खराब काम,

गलाती 5:21

डाहा, पियक्कडपन, मौजमजा आर ऊसब एरंको दोसर सभे खराब कामसब करैछै। यी सभैके विषयमे हमे तोरासिके चेतावनी दैछियौ आर पहेला भी देलियौ छे। जे एरंको कामसब करैछै, ऊसब परमेश्वरके राज्यके हकदार नैबन्तै।

एफिसी 5:18

अंगुरके मद्द पिबिके मतवाला नैबन, कहिनेकी यी आदमीसिके असभ्य आर अनियन्त्रित तरिकासे व्यवहार करैके कारण बनैछै। बरु, पवित्र आत्माके तोरा आपन शक्तिसे भरैले दहैं।

१ थेसलोनिकी 4:5

आर तोरासिके परमेश्वरके नैचिन्हेवाला अविश्वासीसिके जुगुर कामुकताके कुवासनावाला काम नैकरना चाही।

तीतस 3:3

कहिनेकी अपनासब भी विश्वासी हुऐसे पहेला मूर्ख रहियै, परमेश्वरके आज्ञापालन नैकर्ते रहियै आर आदमीसब अपनासिके धोखा देल्कै रहे। अपनासब दासके जुगुर रहियै जे सभे प्रकारके खराब कामसब करैके इच्छासे नियन्त्रित रहै जकरासे अपनासिके आनन्द मिल्ते रहै। अपनासब आपन समयके खराब तरिकासे व्यवहार करैमे आर दोसर आदमीसिसे ईर्ष्या करैमे बितैते रहियै। अपनासब घृणित आदमीसब रहियै; सभेको अपनासिके घृणा कैल्कै आर अपनासब भी ओकरासिके घृणा कैलियै।

१ पत्रुस 1:14

परमेश्वरके आज्ञापालन कर जेरंके बढियाँ बच्चा आपन बाबुके आज्ञापालन करैछै। आपन खराब इच्छासिके संतुष्ट बनाबैके लिए आपन जीवन जियैके पुरना तौर-तरिकाके महर वापस नैजो।

यहूदा 1:4

हमे तोरासिके लिखैछियौ कहिनेकी कुछु आदमीसब जे येशू ख्रीष्टमे विश्वास करैके दिखावा करैछै, ऊसब तोरसिके मण्डलीमे सामिल भ्या गेलौ छे। ऊसब परमेश्वरके सम्मान नैकरैछै आर ऊसब एरं कहिके गलत शिक्षा दैछै, कहिनेकी परमेश्वर आपन अनुग्रहसे आपनसिके पापसिके माफ करि दैछै, इहे ल्याके अपनासब अनैतिक जीवन जिये सकैछियै। ऊसब येशू ख्रीष्टके अस्वीकार करैछै, जे आपनसिके एक्केटा मालिक आर आपनसिके प्रभु छै। बहुते समय पहेला धरमशास्त्र कहैछै कि परमेश्वर एरं आदमीसिके सजाय देतै।