१ पत्रुस 4:2 - केवट नया कारार

² नतिजा स्वरुप, ऊ आदमी यी धर्तीपर आपन पुरा जीवन आपन पापमय मानवीय इच्छासब पुरा कर्ते नैजितै, मगर ऊ परमेश्वरके चहेल काम कर्तै।

१ पत्रुस 4:2 Iomraidhean Croise

मत्ती 12:50

कहिनेकी जे स्वर्गमे भेल हमर परमेश्वर पिताके इच्छा मुताबिक चलैछै, उहे हमर छोटका भ्यासब आर हमर बहिन आर हमर मयाँ छै।”

मत्ती 20:4

आर ऊ ओकरासिके कहैल्कै, ‘तहुँसब अंगुरके बगानमे जो, आर जे उचित हैतौ हमे तोरासिके देबौ तब ऊसब भी काम करैले गेलै।’

मत्ती 21:31

आब बता यी दीटा बेटामेसे के बाबुके आज्ञापालन कैल्कै?” तब ऊसब जबाब देल्कै, “बडका बेटा बाबुके आज्ञापालन कैल्कै।” येशू ओकरासिके कहैल्कै, “हमे तोरासिके सच कहैछियौ, कर उठाबेवालासब आर वेश्यासब तोरासिसे पहेला परमेश्वरके राज्यमे प्रवेश कर्तै।

मत्ती 7:21

हमरा ‘प्रभु-प्रभु’ कहेवाला सभेको परमेश्वरके राज्यमे प्रवेश नैकर्तै। स्वर्गमे हुएवाला हमर पिताके इच्छा पालन करेवाला आदमी खाली परमेश्वरके राज्यमे प्रवेश कर्तै।

मर्कूस 3:35

“कहिनेकी जे परमेश्वरके इच्छा मुताबिक चलैछै, उहे हमर छोटका भ्या आर हमर बहिन आर हमर मयाँ छै।”

मर्कूस 7:21

कहिनेकी ह्रदय सभे किसिमके खराबीके जड छै यानिकी खराब विचार, व्यबिचार, चोरी, हत्या, परस्त्रीगमन

यूहन्ना 1:13

ऊसब मयाँ-बाबुसे नैजन्मलै छे, आदमीके इच्छासे या कोनो एकटा आदमीके सन्तान पाबैके इच्छासे नै मगर परमेश्वरसे जनमल हैछै।

यूहन्ना 7:17

परमेश्वरके इच्छा मुताबिक काम करेवाला आदमीसब यी जानी लेतै कि हमर शिक्षा परमेश्वरके तरफसे आबैछै या हमर आपने अधिकारसे आबैछै।

रोमी 12:2

यी संसारके तौर तरिकामे नैचल, मगर तोरसिके मन पुरा रुपसे परिवर्तन हौ, जकरासे तुहें परमेश्वरके बढियाँ, ग्रहणयोग्य आर सिद्ध इच्छाके पता लगाबे सक्हैं।

रोमी 14:7

कहिनेकी अपनासब सभेको प्रभुके छियै। सेल्याके, आपनसिके जीवनमे आर आपनसिके मौतमे, अपनासिके खुदके खुश नैकरिके परमेश्वरके खुश करना चाही।

रोमी 6:11

अहिने करिके तहुँसब भी अपने आपके पापके शक्तिके लिए मर्ल सोच, मगर येशू ख्रीष्टमे परमेश्वरके सेवा करैके लिए जिन्दा भेल सोच।

रोमी 6:2

हर्गिस नै! अपनासब पापके लिए मर्ल छियै, आर सेल्याके अपनासिके पापमय काम कर्ते नैरहना चाही।

रोमी 7:4

एरंके हे हमर विश्वासी भ्या-बहिनसब, जब तुहेंसब ख्रीष्टके संगे मरि गेल्हैं ते, तुहें विधि-विधानके अधिकारके लिए भी मरि गेल्हैं। आब तुहेंसब ख्रीष्टके छैं जे मुर्दासे जिन्दा भेलै ताकी तुहें परमेश्वरके लिए फलदायी जीवन जिये सक्हैं।

२ कोरन्थी 5:15

आर ख्रीष्ट यी खातिर सभैके लिए मर्लै, ताकी जेसब जिन्दा छै, ऊसब आब खाली खुदके खुश करैके लिए नैजियै, मगर ओकर लिए जियै। ख्रीष्ट ओकरसिके खातिर मर्लै आर परमेश्वर ओकरा फेर जिन्दा बनैल्कै।

एफिसी 2:3

अपनासब सभेको भी ओकरेसिके जुगुर पापी स्वभावके इच्छाके मुताबिक व्यवहार कर्ते रहियै। आपनसिके खराब इच्छासब आर विचारसब जे भी अपनासिसे करवाबैले चहते रहै, अपनासब ओकरे अनुसरण कर्ते रहियै। दोसर आदमीसिके जुगुर अपनासब भी स्वभाविक रुपसे खराब रहियै आर परमेश्वरके सजायके अधिनमे रहियै।

एफिसी 4:17

सेल्याके प्रभु हमरा देल अधिकारके साथ हमे तोरासिके यी बताबैछियौ कि जेरं अविश्वासी आदमीसब ओकरसिके बेकारके विचारके साथ आपन रीतिमे चलैछै, आब तुहेंसब फेर एरं जीवन नैजिते र।

एफिसी 5:17

सेल्याके निर्बुद्धि नैहु, मगर यी सम्झैके कोशिश करिके बुद्धिमान बन कि प्रभु तोरासिसे कि करवाबैले चाहैछै।

एफिसी 6:6

यी कामसब खाली मालिकके देखाबैके लिए या ओकरासिके खाली खुश बनाबैके मकसदसे नै मगर ख्रीष्टके सेवकसिके जुगुर काम कर, जेसब आपन पुरा मनसे उहे करैछै जे परमेश्वर चाहैछै कि ऊसब करै।

कलस्सी 1:9

सेल्याके जे दिनसे हमेसब यी बात सुन्लियै छे, हमेसब सभे दिन तोरसिके लिए प्रार्थना करैछियै। हमेसब प्रार्थना करैछियै कि तुहेंसब सच्चेके जाने सक्हैं कि परमेश्वर तोरासिके कि करैले कहैछौ। उटा यी छै कि तुहेंसब बहुते बुद्धिमान हैभैं आर तुहेंसब आत्मिक बातसब बढियाँसे बुझ्भैं।

कलस्सी 3:3

कहिनेकी तुहेंसब आपन पापी स्वभावके लिए मर्ल छैं आर तुहेंसब परमेश्वरके उपस्थितिमे ख्रीष्टके संगे एक भेल छैं। आदमीसब तोरसिके यी नया जीवनके नैबुझैछै।

कलस्सी 4:12

इपाफ्रास जे तोरसिके सहरसे छै, आर ख्रीष्ट येशूके दास छै, तोरासिके नमस्कार भेजल्कौ छे। आर ऊ सभे दिन तोरसिके लिए लगनशील भ्याके यी प्रार्थना करैछौ कि तुहेंसब परमेश्वरके सभे इच्छामे पूर्ण रुपसे आज्ञाकारी हुऐके कारणसे विश्वस्त हुए सक्हैं।

१ थेसलोनिकी 5:18

सभे परिस्थितिमे धन्यवाद दहैं, कहिनेकी येशू ख्रीष्टमे तोरसिके लिए परमेश्वरके इच्छा इहे छै।

याकूब 1:18

परमेश्वर आपने इच्छासे सच्चाईके वचनके द्वारा अपनासिके नया जीवन दियैके निर्णय कैल्कै छे, ताकी जेरंके फसलके पहेला अनाज सभैसे महत्वपूर्ण अंश हैछै ओहिने करिके अपनासब भी ओकर बनैल सभे चीजके महत्वपूर्ण भाग हुए सकियै।

१ पत्रुस 1:14

परमेश्वरके आज्ञापालन कर जेरंके बढियाँ बच्चा आपन बाबुके आज्ञापालन करैछै। आपन खराब इच्छासिके संतुष्ट बनाबैके लिए आपन जीवन जियैके पुरना तौर-तरिकाके महर वापस नैजो।

१ पत्रुस 2:1

सेल्याके, हरेक प्रकारके खराब व्यवहार करैसे इन्कार कर। दोसर आदमीसिके धोखा नैदहैं, छल-कपटी नैबन। दोसर आदमीसिसे जर्नी नैकर। ककरो बदनामी नैकर।

१ यूहन्ना 2:17

संसार आर एकरामे भेल सभे चीजसब खतम भ्याके जैछै, मगर परमेश्वरके चहेल काम करेवाला आदमी सभे दिनके लिए जियैछै।