१ पत्रुस 4:10 - केवट नया कारार

¹⁰ हरेक आदमीके परमेश्वरके तरफसे वरदान मिल्लै छे आर ओकरासिके उटा वरदानके प्रयोग दोसर आदमीसिके सहायता करैके लिए करना चाही। ओकरासिके उटा विभिन्न वरदानसिके प्रयोग बढियाँसे करना चाही जे परमेश्वर ओकरासिके अनुग्रह करिके देल्कै छै।

१ पत्रुस 4:10 Iomraidhean Croise

मत्ती 20:28

जेरंके हमे, आदमीके बेटा खुद एकटा महान शासकके जुगुर आपन सेवा करवाबैके लिए नै ऐलियै छे, एकर बदलामे हमे दोसरसिके सेवा करैके लिए आर दोसरसिके बचाबैके लिए आपन जान दियैले ऐलियै छे।”

मत्ती 24:14

आर परमेश्वरके राज्यके बारेमे खुश-खबरी सारा संसारमे प्रचार कैल जैतै, ताकी जात-जातके आदमीसिके यी स्वीकार करैके अवसर मिलै। तकरबाद संसारके अन्त हैतै।”

मत्ती 24:21

उटा समयमे आदमीसब बहुते गम्भीर रुपसे पीडित हैतै। आदमीसब कहियो ओरंको पिडाके सामना नैकैल्कै छे जबसे पहेला बेर परमेश्वर संसार बनैल्कै रहे; आर आदमीसब फेर ओरंके कहियो पीडित नैहैतै।

मत्ती 24:45

“एकटा विश्वासयोग्य आर बुद्धिमान नोकर ऊ हैछै, जकरा ओकर मालिक आपन घरके नोकरसिके सम्हारैले आर ओकरासिके खियाबैके जिम्मेदारी दिये सकैछै।

मत्ती 25:17

ओहिने करिके दीटा सोनाके सिक्काके झोला पाबेवाला नोकर भी आरहौ दीटा सोनाके सिक्काके झोला कमैल्कै।

मत्ती 25:44

उहोसब एरं कहिके जबाब देतै, ‘प्रभु, कहिया हमेसब तोरा, भुख्ल, प्यास्ल देख्लिहौं, परदेशी या नंगा या बेमारी या जेलमे देख्लिहौं, आर तोर सेवा नैकैलिहौं?’

मर्कूस 10:45

हमे, आदमीके बेटा खुद एकटा महान शासकके जुगुर आपन सेवा करवाबैके लिए नै ऐलियै छे, एकर बदलामे हमे दोसरसिके सेवा करैके लिए आर दोसरसिके बचाबैके लिए आपन जान दियैले ऐलियै छे।”

लूका 12:42

प्रभु येशू कहैल्कै, “एकटा विश्वासयोग्य आर बुद्धिमान नोकर ऊ हैछै, जकरा ओकर मालिक आपन परिवारके नोकरसिके सम्हारैले आर ओकरासिके खियाबैके जिम्मेदारी दिये सकैछै।

लूका 19:13

ऊ आपन दशटा नोकरसिके बोल्याके ओकरासिके दशटा सोनाके सिक्का द्याके कहैल्कै, जबतक हमे घुमिके वापस नैऐबौ एकरासे व्यापार करिके नफा कमा।

लूका 8:3

आर बाँकी जनानीसिमेसे एकटाके नाम योअन्ना रहै, जे हेरोद राजाके मुन्सी खुजासके पतनी रहै। सुसन्ना नामके जनानी भी आरहौ बहुते जनानीसिके साथमे रहै। ऊ जनानीसब आपन धन-दौलतसे येशू आर ओकर चेलासिके सेवा कर्ते रहै।

रोमी 15:25

मगर आब हमे विश्वासीसिके दान दियैके लिए यरूशलेम सहरमहर जैछियै।

रोमी 15:27

यी दान ऊसब खुशीसे जमा कैल्कै रहे, आर सच्चे यीसब यरूशलेम सहरके आदमीसिके कर्जदार छै। कहिनेकी गैर-यहूदी आदमीसब यरूशलेम सहरके विश्वासीसिसे खुश-खबरीके आत्मिक आशिष पैल्कै, सेल्याके ओकरासिके लागैछै कि एकर बदलामे ऊसब कमसे कम ओकरासिके आर्थिक सहायता करे सकैछै।

१ कोरन्थी 15:10

मगर परमेश्वरके अनुग्रहसे हमे चुन्ल आर भेज्ल चेला छियै। हमरापर ओकर अनुग्रहके परिणाम महान भेलै। मगर यदि हमे दोसर चुन्ल आर भेज्ल चेलासिसे बेसी भी मेहनत कैलियै ते, यी भी हमर तरफसे नैभेलै मगर परमेश्वरके अनुग्रह हमरा ओकर काम करैके लिए योग्य बनैल्कै छे।

१ कोरन्थी 3:10

परमेश्वर हमरा जे काम करैके लिए देल्कै उटा काम हमे बुद्धिमानीके साथ कैलियै। हमे तोरसिके सहरमे खुश-खबरीके प्रचार कैलियौ आर तोरसिमेसे शुरुके आदमीसिके येशू ख्रीष्टमे विश्वास करैले सहायता कैलियौ। तकरबाद, दोसर ख्रीष्टियन सेवकसब हमर शुरु कैल कामके आगु बढैल्कै। मगर हमरसिमेसे हरेक सेवकसब परमेश्वरके काम केरंके करे पडैछै कहिके ध्यानसे विचार करे पडैछै।

१ कोरन्थी 4:7

कोय भी तोरासिके दोसर आदमीसिसे बेसी महत्वपूर्ण नैबनैल्कौ छे। तोरसिके संगे जे छौ उटा सभे चीज परमेश्वर तोरासिके दियैके कारणसे तोरसिके संगे घमण्ड करैके कोनो अधिकार नैछौ।

२ कोरन्थी 6:1

परमेश्वरके सहकर्मी हुऐके कारणसे हमे तोरासिके बिन्ती करैछियौ, कि ओकर अनुग्रहके बेकार हुऐले नैदहैं।

२ कोरन्थी 9:1

आब यरूशलेम सहरमे सन्तसिके पैसा दियैके सेवकाईके विषयमे हमरा तोरासिके लिखना जरुरी नैछै।

एफिसी 3:8

हमे परमेश्वरके सभे आदमीसिमेसे सभैसे कम महत्वपूर्ण छियै। मगर परमेश्वर हमरापर अनुग्रहकारी रहै कि हमे गैर-यहूदी आदमीसिके खुश-खबरी सुनाबे सक्लियै कि ख्रीष्ट अपार आशिषके मूल छै, जे समझसे बाहार छै।

एफिसी 4:11

यी दान ख्रीष्ट ही मण्डलीके देल्कै: ऊ कुछु आदमीसिके चुन्ल आर भेज्ल चेला बनैके लिए, कुछु आदमीसिके परमेश्वरके वक्ता बनैके लिए, कुछु आदमीसिके खुश-खबरी सुनाबेवाला बनैके लिए, कुछु आदमीसिके मण्डलीके रेख-देख करेवाला बनैके लिए आर कुछु आदमीसिके शिक्षक बनैके लिए चुनल्कै।

२ तिमोथी 1:18

न्यायके दिनमे प्रभु ओनिसिफरसके ओकर महान दया देखाबै। तोरा आपनहौं भी बढियाँसे मालुम छौ कि ऊ एफिसस सहरमे हमर बहुते सहायता कैल्कै रहे।

तीतस 1:7

कहिनेकी मण्डलीके देख-रेख करेवाला आदमी परमेश्वरके काम करे पडैके कारणसे दोषरहित होना चाही। ऊ आपन चहेल बात पुरा हुऐके चाहना करेवाला या तुरन्ते रिसाबेवाला या मतवाला या झग्डौहा या धन-दौलतके लिए ठगेवाला नै होना चाही।

हिब्रू 6:10

जेरं तुहेंसब बढियाँ काम कैल्हैं छे आर एखन भी तुहें परमेश्वरके नाममे परमेश्वरके आदमीसिके लिए प्रेमके साथ सेवाके काम करैछैं, सेल्याके परमेश्वर तोरासिके नै भुल्तौ। कहिनेकी ऊ धर्मी छै।

१ पत्रुस 5:10

परमेश्वर जे पूर्ण रुपसे अनुग्रहकारी छै, आपनसिके ख्रीष्टके संगे भेल सम्बन्ध हुऐके कारण आपन अनन्त महिमामे अपनासिके साझेदार हुऐके लिए बोलैल्कै छे। तुहेंसब कुछु समयके लिए कष्ट भोग्लके बाद परमेश्वर तोरासिके बढियाँ बनैतौ ताकी तोरासिमे कोनो दोष नैरहौ आर येशू तोरसिके हृदयके मजगुत बनैतौ आर ओकरापर तोरसिके भरोसाके वास्तवमे स्थिर बन्या देतौ।

१ पत्रुस 5:12

हमे यी छोटका चिट्ठी सिलासके सहायतासे लिख्लियै छे आर तोरासिके भेज्लियौ छे। हमे ओकरा ख्रीष्टमे एकटा विश्वासयोग्य भ्याके रुपमे मानैछियै। यी चिट्ठी लिखैके हमर मकसद तोरासिके उत्साहित करना आर निश्चित करना छै कि जे कुछु भी तुहेंसब अनुभव करैछैं उटा वास्तवमे तोरसिके प्रति परमेश्वरके अनुग्रहके हिस्सा छै। यीटा अनुग्रहमे स्थिर र।