१ पत्रुस 4:1 - केवट नया कारार

¹ सेल्याके ख्रीष्ट यी संसार रहैके समयमे दुःख भोगल्कै आर तुहेंसब भी ओकर जुगुर विचार राखिके दुःख भोगैले तैय्यार हुए पडैछै। कहिनेकी यदि तुहेंसब ख्रीष्टके लिए दुःख भोगैके लिए इच्छा करैछैं ते, तुहेंसब पाप करैले छोडैके फैसला कैल्हैं छे।

१ पत्रुस 4:1 Iomraidhean Croise

मर्कूस 3:3

तब उटा सुख्ल हात भेल आदमीके येशू कहैल्कै, “सभे आदमीसिके बीचमे खडा भ्याजो।”

रोमी 6:11

अहिने करिके तहुँसब भी अपने आपके पापके शक्तिके लिए मर्ल सोच, मगर येशू ख्रीष्टमे परमेश्वरके सेवा करैके लिए जिन्दा भेल सोच।

रोमी 6:2

हर्गिस नै! अपनासब पापके लिए मर्ल छियै, आर सेल्याके अपनासिके पापमय काम कर्ते नैरहना चाही।

रोमी 6:7

कहिनेकी यदि एकटा आदमी मरैछै ते ऊ पापके शक्तिसे मुक्त हैछै।

गलाती 2:20

एरं कहे सकैछियै कि जब ख्रीष्ट क्रूसपर मर्लै तब हमे भी ओकरसंगे मरि गेलियै। आब हमे जिन्दा नैछियै, मगर ख्रीष्ट हमरामे जियैछै। जेरंके आब हमे जियैछियै, हमे परमेश्वरके बेटापर भरोसा करिके जिन्दा छियै, जे हमरासे एतनें प्रेम करैछै कि ऊ हमर खातिर आपन जान द्या देल्कै।

गलाती 5:24

जब आदमीसब येशू ख्रीष्टसे सम्बन्ध राखैछै ते ऊसब आपन पापमय स्वभावके द्वारा नैचलैछै। ओकरसिके स्वभाव क्रूसमे चढैल जुगुर छै।

एफिसी 6:13

सेल्याके परमेश्वरके सभे हात-हतियार उठा, ताकी जब खराब दिनसब आबै ते जे कुछु सम्भव छै, ओकरा कैलके बाद तुहेंसब मजगुत भ्याके खडा हुए सक्हैं।

फिलिप्पी 2:5

जेरं ख्रीष्ट येशूके विचार रहै, ओहिने विचार तोरासिमे भी हुवौ;

हिब्रू 12:3

येशूके उदाहरणके विषयमे सोच। विचार कर कि येशू ऊ सभे पापी आदमीसिके लिए कतनें विरोध सहैल्कै जेसब ओकरासे बहुते नफरत कर्ते रहै ताकी तुहेंसब निराश भ्याके हिम्मत नै हार।

हिब्रू 4:10

परमेश्वर आपन काम खतम कैलके बाद विश्राम कैल्कै। आर यी ऊ सभैके लिए समान छै जेसब परमेश्वरके लगत विश्राम करैले जैछै। ऊसब आपन काम खतम कैलके बाद विश्राम कर्तै।

१ पत्रुस 2:21

परमेश्वर तोरासिके बोलाबैके एकटा कारण यी छै कि तुहेंसब ओकर खातिर दुःख सही लेभैं। ख्रीष्ट, जे तोरसिके खातिर कष्ट भोगल्कै, ऊ तोरसिके उदाहरण छौ। इहे ल्याके तोरासिके ओकर कैल कामसिके अनुकरण करना चाही।

१ पत्रुस 3:18

हमे यी कहैछियौ कहिनेकी ख्रीष्ट आपनसिके पापसिके कारण दुःख सहैल्कै आर मरि गेलै। ऊ खाली एकबेर मर्लै आर एकरा दोहराबैके जरुरत नैछै। ऊ एकटा धर्मी आदमी रहै जे पापी आदमीसिके लिए मरि गेलै ताकी परमेश्वरके संगे आपनसिके सम्बन्ध घनिष्ठ हुए सकै। ऊसब ओकर शरीरके मारि देल्कै मगर ओकरा पवित्र आत्माके सामर्थ्यसे फेरसे जिन्दा करि देल गेलै।