१ पत्रुस 3:9 - केवट नया कारार

⁹ खराबीके बदला खराबी नैकरेवाला आर अपमानके बदला अपमान नैकरेवाला, बरु ओकर बदलामे आशीर्वाद दिएवाला हु, कहिनेकी दोसर आदमीसिके आशीर्वाद दियैके लिए परमेश्वर तोरासिके बोलैल्कौ छे। यदि तुहेंसब एरं कर्भैं ते, परमेश्वर तोरासिके भी आशिष देतौ।

१ पत्रुस 3:9 Iomraidhean Croise

मत्ती 19:29

जे भी आदमी आपन घरके त्याग करिदेल्कै या भ्या-बहिनके या मयाँ-बाबुके या बेटाबेटीके या जगह जमिनके त्यागल्कै छे, जे चीज ऊ त्यागल्कै छे उटा सभे चीज वापस पैतै, आर कहियो खतम नैहुएवाला जीवन पैतै।

मत्ती 25:34

तब हमे, राजा आपन दहिना बगलवाला आदमीसिके कहबै, ‘हमर पितासे आशीर्वाद पैल आदमीसब! या! संसारके सृष्टिसे तोरसिके लिए तैय्यार कैल राज्यके भागीदार बन।

मत्ती 5:39

मगर हमे तोरासिके कहैछियौ, दुष्ट आदमीसिके सामना ही नैकर ओकरसे बदला नैलिहैं। यदि कोय तोर दहिना गालमे थप्पड मारैछौ ते ओकरा तुहें बायाँ गालमे भी मारैले दहैं।

मत्ती 5:44

मगर हमे तोरासिके कहैछियौ, आपन दुश्मनसे प्रेम कर, आर तोरा सताबेवालासिके लिए प्रार्थना कर।

मर्कूस 10:17

जहिने ही येशू आर ओकर चेलासब रस्तामे जैते रहै, तब एकटा आदमी दौडिके आबिके ओकर आगुमे आदरसे घुटुवा पारिके ओकरा पुछल्कै, “हे बढियाँ गुरु, हमे कोन काम करियै कि परमेश्वर हमरा कहियो खतम नैहुएवाला जीवन दै?”

लूका 10:25

एक दिन जब येशू आदमीसिके शिक्षा देते रहै, एकटा यहूदी धरमशास्त्रके पण्डित येशूके फसाबैके युक्ति कर्ते पुछल्कै, “हे गुरु, हमे कोन काम करियै कि परमेश्वर हमरा कहियो खतम नैहुएवाला जीवन दै?”

लूका 18:18

कोय एकटा यहूदी शासक येशूके एरं कहिके पुछल्कै, “हे बढियाँ गुरु, हमे कोन काम करियै कि परमेश्वर हमरा कहियो खतम नैहुएवाला जीवन दै?”

रोमी 12:14

तोरासिके सताबेवाला आदमीके आशीर्वाद दहैं, ओकरा सराप नैदहैं।

रोमी 12:17

कक्रहौ खराबके बदला खराब नैकर। सभैके नजरमे जे बढियाँ आर सही छै उहे करैके कोशिश कर।

रोमी 8:28

हमेसब जानैछियै कि परमेश्वरके प्रेम करेवाला आदमीसब आर परमेश्वरसे चुन्ल आदमीसिके लिए परमेश्वर ओकरसिके लिए आपन मकसदके मुताबिक सभे चीजमे भलाइये करैछै।

रोमी 8:30

फेर जकरा ऊ पहलहैसे आपन बेटा येशूके स्वरुपमे हुऐके लिए निर्णय कैल्कै, ओकरासिके ऊ बोलैल्कै छे, आर जकरा ऊ बोलैल्कै छे, ओकरासिके ऊ धर्मी घोषित भी कैल्कै छे, आर जकरा ऊ धर्मी घोषित कैल्कै छे, ऊ ओकरसिके संगे आपन महिमा बाँटल्कै छे।

गलाती 3:14

ख्रीष्ट यी इहे कारणसे कैल्कै ताकी गैर-यहूदी आदमीसब उहे आशीर्वाद पैतै जे येशू ख्रीष्टद्वारा परमेश्वर अब्राहमके दियैके लिए प्रतिज्ञा कैल्कै रहे, आर येशू ख्रीष्टमे विश्वास करैके कारणसे ऊ अपनासिके प्रतिज्ञा कैल पवित्र आत्मा अपनासब पाबे सकियै।

एफिसी 4:32

जेरंके परमेश्वर ख्रीष्टमे तोरासिके माफ कैल्कौ, ओहिने करिके एक दोसराके माफ करिके तुहेंसब एक दोसरपर दयालु आर कोमल मनके बन।

१ थेसलोनिकी 5:15

यी ध्यान राख कि कोय भी खराबीके बदला खराबी नैकरक, मगर सभे दिन दोसर विश्वासी आर दोसर आदमीसिके दयालु व्यवहार करैके कोशिश कर।

हिब्रू 12:17

तोरासिके मालुमे छौ, कि पाछु जब ऊ आपन बाबुके आशिष चहते रहै ओकरा यी नैदेल गेलै। आर लोर बहयाके ऊ आशीर्वाद चहते रहै मगर जे कुछु ऊ पहेला करि चुकल्कै रहे ओकरा बदलैके लिए ऊ कुछु भी नैकरे सकल्कै।

हिब्रू 6:14

परमेश्वर कहैल्कै, “हमे जरुर तोरा आशीर्वाद देबौ आर तोर वंशके बहुते वृद्धी करैबौ।”

१ पत्रुस 5:10

परमेश्वर जे पूर्ण रुपसे अनुग्रहकारी छै, आपनसिके ख्रीष्टके संगे भेल सम्बन्ध हुऐके कारण आपन अनन्त महिमामे अपनासिके साझेदार हुऐके लिए बोलैल्कै छे। तुहेंसब कुछु समयके लिए कष्ट भोग्लके बाद परमेश्वर तोरासिके बढियाँ बनैतौ ताकी तोरासिमे कोनो दोष नैरहौ आर येशू तोरसिके हृदयके मजगुत बनैतौ आर ओकरापर तोरसिके भरोसाके वास्तवमे स्थिर बन्या देतौ।