१ पत्रुस 3:7 - केवट नया कारार

⁷ ओहिने करिके हे पतिसब आपन पतनीसिके संगे मिलिके र, आर ओकरसिके सहायता करैके विषयमे विचार कर। तोरासिके याद राखना चाही कि ऊसब तोरसिसे कमजोर छै, सेल्याके तोरासिके ओकरसिके आदर करना चाही। कहिनेकी तुहेंसब दोनो झन परमेश्वरद्वारा अनुग्रहके साथ देल वरदानमे बराबर हकदार छैं, जे कहियो खतम नैहुएवाला जीवन छै। एरं कर ताकी जब तुहेंसब परमेश्वरसे प्रार्थना करैछैं ते ऊ तोर प्रार्थना सुनौ।

१ पत्रुस 3:7 Iomraidhean Croise

मत्ती 18:19

फेर हमे तोरासिके कहैछियौ, यी धर्तीमे तुहेंसब दी झन कोनो बातमे सहमत भ्याके कुछु माँग्भैं ते, उटा चीज स्वर्गमे रहेवाला तोरसिके परमेश्वर पिता तोरा देतौ।

१ कोरन्थी 7:3

एकटा आदमीके पति हुऐके कर्तव्य पुरा करना चाही आर एकटा जनानीके पतनी हुऐके कर्तव्य पुरा करना चाही आर दोनोके एक दोसरके जरुरतके पुरा करना चाही।

एफिसी 3:6

आर रहस्य यी छै कि येशू ख्रीष्टके संगे आपनसिके सम्बन्धके कारण खुश-खबरीके द्वारा यहूदी आदमीसिके जुगुर गैर-यहूदी आदमीसब भी उहे आशिषसिके पैतै, आर ऊसब एक्केटा शरीरके अंगसब छै आर परमेश्वरके कैल प्रतिज्ञासिमे भागीदार छै।

एफिसी 4:30

आर परमेश्वरके पवित्र आत्माके आपन जीवन जियैके तरिकासे दुखित नैबना। परमेश्वर तोरासिके पवित्र आत्मा एकटा चिन्हके रुपमे देल्कौ, यी देखाबैके लिए कि तुहें परमेश्वरके छैं। आर एक दिन ऊ तोरासिके पुरा तरहसे उद्धार देतौ।

एफिसी 5:33

मगर यी तोरासिमे भी लागु हैछै कि हर एक आदमी आपन पतनीसे आपन जुगुर प्रेम करै, आर पतनी भी आपन पतिके आदर आर सम्मान दै।

एफिसी 6:18

सभे समय आर सभे किसिमसे अपनासिके ओहिने करिके प्रार्थना करना चाही जेरं पवित्र आत्मा अपनासिके अगुवाई करैछै। सचेत भ्याके सभे विश्वासीसिके लिए सभे जगहमे निरन्तर प्रार्थना कर्ते र।

कलस्सी 3:19

हे पतिसब, आपन-आपन पतनीसे प्रेम कर आर ओकरसिसे नम्र व्यवहार कर।

१ थेसलोनिकी 4:4

आर तुहेंसब हरेक आपन शरीरके पवित्रता आर आदरके साथ नियन्त्रण करैले सिख।

तीतस 3:7

परमेश्वर एरंको इहे ल्याके कैल्कै ताकी आपन अनुग्रहसे ऊ अपनासिके आपन नजरमे धर्मी घोषित करे सकै, आर अपनासब ओकर बेटा-बेटीसब बने सकियै आर इहे ल्याके विश्वासके साथ अपनासब ओकरसंगे कहियो खतम नैहुएवाला जीवन पाबैके आशा राखे सकियै।

हिब्रू 1:14

तब, स्वर्गदूतसब कोन काम करैछै? स्वर्गदूतसब परमेश्वरके सेवा करेवालासब छै, परमेश्वर ओकरासिके ऊ आदमीसिके देखभाल करैके लिए भेजैछै जेसब उद्धार पाबेवाला छै।

१ पत्रुस 3:1

हे पतनीसब, तुहेंसब आपन पतिके अधिनमे र, ताकी यदि ओकरासिमेसे कोय भी परमेश्वरके वचनमे विश्वास करैसे इन्कार करैछै ते, तोरसिके व्यवहारसे ओकरासिके बिना कुछु कहले ही ओकरासिके विश्वास करैमे सहायता कर्तै, जब ऊसब तोरसिके शुद्ध आर ईश्वरीय व्यवहारके देख्तै ते ऊसब ख्रीष्टमे विश्वास कर्तै।