१ पत्रुस 3:5 - केवट नया कारार

⁵ बहुते समय पहेलाके जनानीसब जेसब परमेश्वरमे विश्वास कर्ते रहै आर ओकरामे आपन आशा राखल्कै रहे, ऊसब आपन पतिसिके आज्ञापालन करिके खुदके सुन्दर बनैते रहै।

१ पत्रुस 3:5 Iomraidhean Croise

लूका 2:37

आर आब ऊ चौरासी साल पुग्ल रहै। ऊ कहियो परमेश्वरके मन्दिर नै छोड्ते रहै आर उपास प्रार्थनाके साथ दिनरात आराधना कर्तै रहै।

चुन्ल आर भेज्ल चेलासब 1:14

ऊसब अक्सर जमा है आर एक मनके भ्याके प्रार्थना करै। ओत्ते ओकरसिके संगे येशूके सहायता करेवाला दोसर जनानीसब, येशूके मयाँ मरियम आर येशूके भ्यासब भी रहै।

चुन्ल आर भेज्ल चेलासब 9:36

योप्पा सहरमे तबीता नामके एकटा विश्वासी जनानी चेला रहै। यूनानी भाषामे ओकर नाम डोरकास छै, जकर मतलब छै “हरिण।” ऊ हरदम दोसराके भलाइ करै आर गरिब-गुरुवा आदमीसिके सहायता करै।

एफिसी 5:33

मगर यी तोरासिमे भी लागु हैछै कि हर एक आदमी आपन पतनीसे आपन जुगुर प्रेम करै, आर पतनी भी आपन पतिके आदर आर सम्मान दै।

१ तिमोथी 2:10

एकर बदलामे, ऊसब दोसर आदमीसिके लिए बढियाँ कामसब करे पडैछै, परमेश्वरके भक्ति करेवाला जनानीसिके लिए इहे उचित व्यवहार छै।

१ तिमोथी 2:15

मगर जबतक ऊसब ख्रीष्टमे विश्वास करिके रहैछै, दोसरसिके प्रेम करैछै आर शुद्ध आर उचित तरिकासे व्यवहार करैछै, परमेश्वर जनानीसिके बच्चाके जनमके द्वारा बचैतै।

१ तिमोथी 5:10

आर दोसर आदमीसिके यी बातके पुष्टि करना चाही कि ऊ सभे दिन बढियाँ काम कैल्कै छे, उदाहरणके लिए, आपन बालबच्चासिके बढियाँसे देखभाल कैल, यात्रा करेवाला आदमीसिके आपन घरमे स्वागत कैल, नम्र भ्याके नोकरके जुगुर विश्वासीसिके सेवा कैल, आर दुःखमे पडल आदमीसिके सहायता कैल होना चाही। ऊ अपने आपके सभे तरहके बढियाँ काम करैके लिए खुदके समर्पण कैल होना चाही।

१ तिमोथी 5:5

ओरंको मोसामातसब जकरसंगे ओकरसिके जरुरत पुरा करेवाला आर देखभाल करेवाला कोय भी नैछै, ऊसब परमेश्वरमे ही आशा राखैछै आर रात दिन बिन्ती आर प्रार्थनामे परमेश्वरके संगे सहायता माँग्ते रहैछै।

हिब्रू 11:11

विश्वासेद्वारा अब्राहमके पतनी सारा बुढ भेलपर भी गर्भधारण करैके शक्ति प्राप्त कैल्कै। कहिनेकी ओकरा निश्चय रहै कि परमेश्वर उहे कर्तै जकर ऊ प्रतिज्ञा कैल्कै रहे।

१ पत्रुस 1:3

आपनसिके प्रभु येशू ख्रीष्टके पिता आर परमेश्वरके धन्यवाद है। परमेश्वर आपनसिके प्रति आपन बडका दयासे अपनासिके एकटा नया जीवन देल्कै छे। कहिनेकी परमेश्वर येशू ख्रीष्टके मुर्दासे जिन्दा बनैल्कै, ऊ अपनासिके बहुते आत्मविश्वासके साथ जियैके योग्य बनैल्कै छे, यानिकी अपनासब उटा चीजसिके प्राप्त करैके पुरा आशा करे सकैछियै जे ऊ अपनासिके दियैके प्रतिज्ञा कैल्कै छे।