१ पत्रुस 3:4 - केवट नया कारार

⁴ तोरसिके हृदयमे भेल बात तोरासिके सुन्दर बनाबैछै। यी नम्र आर शान्त व्यवहार छै, जे कहियो बिल्याके नैजैछै, जे परमेश्वरके लिए बहुते मूल्यवान छै।

१ पत्रुस 3:4 Iomraidhean Croise

मत्ती 11:29

हमर चेला बन, आर हमरसंगे सिख। कहिनेकी हमे विनम्र आर कोमल हृदयके छियै, आर तुहेंसब आपन आत्मामे विश्राम पैभैं।

मत्ती 21:5

“यरूशलेम सहरके आदमीसिके कही दहैं, ‘देख, तोर महाराजा तोरसिकते आबैछौ, ऊ नम्र भ्याके गधाके बच्चामे सवार भ्याके आबैछौ। ओकर सवारी गधाके बच्चापर बैठिके हैछै।’ ”

मत्ती 23:26

अनराह फरिसी समूहके आदमीसब पहेला बाटीके आर थारीके भितरसे साफ कर आर ओकर बाहार भी साफ भ्याजैतौ।

मत्ती 5:5

धन्य छै नम्र आदमीसब! कहिनेकी परमेश्वर ओकरसिसे आपन वादा पुरा कर्तै।

लूका 11:40

अरे निर्बुद्धि आदमीसब कि तुहेंसब नैबुझैछैं? कि बाहारके रुप बनाबेवाला परमेश्वर भितरके मन भी नैबनैल्कै छे?

लूका 16:15

तब येशू ओकरासिके कहैल्कै, “तुहेंसब अपने आपके आदमीसिके समनामे सही देखाबैछैं, मगर परमेश्वर तोरसिके हृदय जानैछै। आदमीसिके द्वारा सम्मानजनक मान्ल कोय भी चीज परमेश्वरके समनामे खराब छै।

रोमी 1:23

ऊसब सभे दिन जिन्दा रहेवाला महिमित परमेश्वरके आराधना नैकरिके सभे दिन जिन्दा नैरहे सकेवाला आदमी, चिडिया मैना, चार टेंगा जानवर आर घिसरिके चलेवाला जीवसिके रुपमे बनैल मूर्तिसिके आराधना कैल्कै छे।

रोमी 2:29

सच्चा यहूदी आदमी ऊ छै जकर हृदय परमेश्वरके संगे सही छै। आर सच्चा खतना खाली मूसाके विधि-विधानके पालन करना नैछै, मगर यी हृदयके बदलाव छै, जे पवित्र आत्माके द्वारा उत्पन्न हैछै। एरंको आदमी दोसर आदमीसिसे नै मगर परमेश्वरसे प्रशंसा पाबैछै।

रोमी 6:6

हमेसब जानैछियै कि आपनसिके पुरना पापी स्वभाव येशू ख्रीष्टसंगे क्रूसमे टाँग्ल गेलै, ताकी आपनसिके शरीरके पापमय स्वभाव नाश हैतै, आर फेर अपनासिके पापके दास बने नैपडै।

रोमी 7:22

कहिनेकी हमे हमर पुरा हृदयसे परमेश्वरके विधि-विधानमे आनन्दित रहैछियै।

२ कोरन्थी 10:1

हमे पावल जे तोरसिके समनामे कायर छियै, मगर तोरसिसे दूर रहेला पर साहास देखाबैछियै, तोरासिके ख्रीष्टके नम्रता आर कोमलताके कारण आग्रह करैछियौ।

२ कोरन्थी 4:16

इहे ल्याके हमेसब साहास नैछोडैछियै। ओरं ते हमरसिके बाहरी शारीरिक बल कमजोर भेले जैछै तैय्योपर हमरसिके आत्मा दिन प्रतिदिन नया भेले जैछै।

गलाती 5:23

नम्रता आर संयम। एरंको किसिमके चरित्रपर रोक लगाबैके लिए कोनो नियम नैछै।

एफिसी 4:2

सभे दिन नम्र आर कोमल बन। एक दोसरके संगे धीरज राख, प्रेमके कारण एक दोसरके व्यवहारके सहन कर।

कलस्सी 3:12

सेल्याके परमेश्वर तोरासिके आपन आदमी हुऐके लिए चुन्लकौ छे आर तोरासिके प्रेम करैछौ, इहे ल्याके तुहेंसब करुणा, दया, दीनता, नम्रता आर धीरज धारण कर।

कलस्सी 3:3

कहिनेकी तुहेंसब आपन पापी स्वभावके लिए मर्ल छैं आर तुहेंसब परमेश्वरके उपस्थितिमे ख्रीष्टके संगे एक भेल छैं। आदमीसब तोरसिके यी नया जीवनके नैबुझैछै।

१ थेसलोनिकी 4:11

आर हमेसब जेरंको तोरासिके आज्ञा देलियौ छे ओहिने करिके शान्तिपूर्ण जीवन जी, आर दोसर आदमीके मामलामे दखल नैदहैं आर आपन-आपन परिवारके पालैके लिए काम कर।

२ थेसलोनिकी 3:12

एरंको आदमीसिके हमेसब हमरसिके प्रभु येशू ख्रीष्टसे मिल्ल अधिकारसे आज्ञा आर उपदेश दैछियै, कि ऊसब शान्तिपूर्वक आपन काम करिके जियैके लिए पैसा कमाबक।

१ तिमोथी 2:2

राजासब आर अधिकार भेल आदमी सभैके लिए प्रार्थना कर ताकी ऊसब अपनासिके शान्ति आर सुरक्षामे रहैके लिए सहायता करै आर अपनासब आजादीसे परमेश्वरके आराधना करे सकियै आर परमेश्वरके इच्छा मुताबिकके काम करे सकियै।

२ तिमोथी 2:25

आपन विरोधमे भेल आदमीसिके ऊ नम्रताके साथ सुधारना चाही, आर कि पता परमेश्वर ओकरासिके मन बदलैके लिए सहायता कर्तै, ताकी ऊसब भी ख्रीष्टके सच्चाईके चिन्हे सकै।

तीतस 3:2

ऊसब ककरो बारेमे खराब बात नैबोलै, झगडा नैकरै, मगर दोसर आदमीसिके दया देखाबै, आर आदमीसिके संगे बहुते नम्रताके साथ व्यवहार करै।

याकूब 1:21

सेल्याके सभे तरहके गन्दा आचरण आर दुष्ट व्यवहार बन्द करिके नम्रतासे परमेश्वरके वचनके स्वीकार कर जे तोरसिके हृदयमे रोप्ल छौ आर जे तोरसिके जीवनके कहियो खतम नैहुएवाला सजायसे बचाबे सकैछै।

१ पत्रुस 1:23

कहिनेकी तुहेंसब परमेश्वरसे नया जीवन पैल्हैं छे। तुहेंसब यी जीवन नाश हुएवाला चीजसे नैपैल्हैं छे मगर सभे दिन रहेवाला चीजसे पैल्हैं छे। अपनासब यी नया जीवन जिन्दा आर कहियो खतम नैहुएवाला परमेश्वरके वचनसे पैल्हैं छे।

१ पत्रुस 3:15

मगर तोरसिके हृदयमे ख्रीष्टके लिए श्रद्धा राख। आर ओकरा प्रभुके रुपमे आदर कर। आर सभे विश्वासीसब साझेदार हुएवाला आशाके बारेमे कोय भी पुछतौ ते जबाब दियैके लिए सभे दिन तैय्यार र।