१ पत्रुस 3:21 - केवट नया कारार

²¹ पहेलाके समयमे ओकरसिके बचैल जाना आब आपनसिके बचैल जानाके एकटा उदाहरण छै जब अपनासब बप्तिस्मा लैछियै। ऊ पानी जकरामे अपनासब बप्तिस्मा लैछियै, ऊ आपनसिके शरीरसे मैल नैहटाबैछै, मगर यी एकटा चिन्ह छै कि अपनासब परमेश्वरसे माफी माँग्लियै छे, ताकी आगु चलिके आपनसिके मन परेशान नैरहै। अपनासिके माफी कैल ज्या सकैछै कहिनेकी येशू ख्रीष्ट मौतके बाद फेरसे मुर्दासे जिन्दा भेलै छे,

१ पत्रुस 3:21 Iomraidhean Croise

मत्ती 28:19

सेल्याके तुहेंसब जो, आर जात-जातके आदमीसिके हमर चेला बना। ओकरासिके एकटा चिन्हके रुपमे बप्तिस्मा दहैं कि ऊसब परमेश्वर आर हमे, परमेश्वरके बेटा आर पवित्र आत्माके अनुसरण करैछै।

मर्कूस 16:16

हमरामे विश्वास करेवाला आर बप्तिस्मा लिएवाला उद्धार पैतै, मगर हमरामे विश्वास नैकरेवाला दोषी ठहर्तै।

यूहन्ना 13:9

तब सिमोन पत्रुस ओकरा कहैल्कै, “हे प्रभु! तब खाली हमर पैर नै, मगर हमर हात आर माथ भी धोय द्या।”

चुन्ल आर भेज्ल चेलासब 16:33

आर रातीहैं ऊ ओकरासिके लज्याके ओकरसिके घा धोय देल्कै। तब ऊ आर ओकर सभे घराना तुरन्ते बप्तिस्मा लेल्कै।

चुन्ल आर भेज्ल चेलासब 2:38

पत्रुस ओकरासिके कहैल्कै, “पाप करैले छोड आर परमेश्वरके तरफ मन लगा, आर तोरसिके पापसिके माफीके लिए येशू ख्रीष्टके नाममे तुहेंसब बप्तिस्मा ल्या आर तुहेंसब पवित्र आत्माके वरदान पैभ।

चुन्ल आर भेज्ल चेलासब 22:16

ते आब कहिने इन्तजार करैछ? उठ आर बप्तिस्मा ल्या आर येशूके नामके पुकारा करिके आपन पापके माफी पाब।’

चुन्ल आर भेज्ल चेलासब 8:36

रस्तामे जैते-जैते ऊसब रस्ताके बगलमे एकटा पोखर देखल्कै तब ऊ नपुंसक कहैल्कै, “देख एत्ते पानी छै, आब हमरा बप्तिस्मा लियैमे कोन बाधा छै?”

चुन्ल आर भेज्ल चेलासब 8:37

फिलिप कहैल्कै, “यदि तुहें आपन पुरा मनसे विश्वास करैछ कि ख्रीष्ट येशू ही परमेश्वरके बेटा छै ते तुहें बप्तिस्मा लियैले सकैछ।” ऊ जबाब देल्कै, “येशू ख्रीष्ट ही परमेश्वरके बेटा छै कहिके हमे विश्वास करैछियै।”

रोमी 5:14

तैय्योपर भी आदमके समयसे विधि-विधान लिखेवाला मूसाके समयतक सभे आदमीसब पाप कैल्कै आर ऊसब मर्लै, ऊ आदमीसब भी जेसब आदमके जुगुर अनाज्ञाकारिताके पाप नैकैल्कै रहे। जेरंके ख्रीष्टके जीवन आर मौत सभे आदमीसिके लिए नतिजा आनल्कै, ओहिने करिके आदमके जीवन भी सभे आदमीसिके लिए नतिजा आनल्कै।

१ कोरन्थी 12:13

कहिनेकी अपनासब सभेको यहूदी आदमीसब छियै आर जेसब गैर-यहूदी आदमीसब छियै, जे दास छियै आर जे दास नैछियै अपनासब एक्केटा पवित्र आत्माके द्वारा एक्केटा शरीर हुऐके लिए बप्तिस्मा पैलियै छे आर अपनासब सभेको उहे पवित्र आत्मा पैलियै छे, जेरंके अपनासब एक्केटा कटौरीमेसे पियैछियै।

१ कोरन्थी 4:6

हे विश्वासी भ्या-बहिनसब, हमे जे बात कहैछियौ उटा बात बुझाबैके लिए अपोल्लोस आर खुदके उदाहरणके रुपमे प्रयोग कैलियै। तुहेंसब हमरसिसे धरमशास्त्रमे लिख्ल बातसे बाहार नैजाना चाही कहिके सिखना चाही। तब तुहेंसब घमण्डी भ्याके हमरासिके एक दोसरके विरुद्धमे नैराख्भैं।

२ कोरन्थी 1:12

हमेसब गर्व करैछियै कि हमरसिके विवेक साफ छै। संसारमे आर खास करिके तोरसिके संगे हमरसिके सम्बन्धमे हमेसब परमेश्वरसे ऐल पवित्रता आर सच्चाईमे चल्लियै छे, यी आदमीके बुद्धिसे नै मगर परमेश्वरके अनुग्रहसे छै।

२ कोरन्थी 7:1

कहिनेकी हे प्रियसब, परमेश्वर अपनासिके आपन बेटा-बेटीसिके जुगुर स्वीकार करैके लिए एरं प्रतिज्ञा कैल्कै छे, इहे ल्याके अपनासब उटा सभे खराब काम बन्द कर जे तोरसिके शरीर आर आत्माके अशुद्ध बनाबैछै। परमेश्वरके भय मान आर आदर कर। या अपनासब पुरा तरहसे पवित्र हुऐके लिए काम करैछियै।

एफिसी 5:26

सेल्याके मण्डली पवित्र बनैल गेलै। ख्रीष्ट मण्डलीके पवित्र बनाबैके लिए आपन वचनद्वारा आर पानीसे धोयके शुद्ध बनैल्कै।

कलस्सी 2:12

जब तुहेंसब बप्तिस्मा लेल्हैं, तुहेंसब ख्रीष्टके जुगुर गाड्ल गेल्हैं, आर ख्रीष्टके जुगुर मुर्दासे जिन्दा करैल गेल्हैं। यी इहे ल्याके भेलै कि तुहेंसब यी बातमे विश्वास कैल्हैं कि परमेश्वर, आपन शक्तिद्वारा, ख्रीष्टके मुर्दासे जिन्दा बनैल्कै।

१ तिमोथी 1:5

यी आदेश दियैके मकसद यी छै कि तुहेंसब एक दोसरके साफ मन, बढियाँ विवेक आर सच्चा विश्वाससे प्रेम करे सक्हैं।

१ तिमोथी 6:12

जेरंके एकटा बढियाँ सिपाही युद्धमे लडाई करैके समयमे कहियो हार नैमानैछै, तुहेंसब भी परमेश्वरमे भरोसा राखैले आर ओकर आज्ञापालन करैले कहियो भी नैछोडना चाही। कहियो खतम नैहुएवाला जीवनके पक्डीके राख्, जकर खातिर तोरा बुलाहट भेल रहौ, आर बहुते आदमीसिके समनामे तुहें ख्रीष्टमे भरोसा राखैछैं कहिके साफ कहलहैं रहे।

हिब्रू 10:22

आपनसिके हृदयके ऊ आपन खूनसे पवित्र बनैल्कै ताकी अपनासब जाने सकियै कि आब अपनासिमे कोनो गल्ती नैछै। आपनसिके शरीरके ऊ पानीसे लुहैल्कै, यी चिन्हके रुपमे कि ऊ अपनासिके शुद्ध करिदेल्कै छे। सेल्याके, हे विश्वासी भ्या-बहिनसब, अपनासब आपनसिके पुरा मन आर एरंको विश्वासके साथ परमेश्वरके नज्दिक चल जे आब हिलेवाला नैछै।

हिब्रू 11:19

अब्राहम विचार कैल्कै कि यदि इसहाक मरि भी जैतै ते परमेश्वर ओकरा फेर जिन्दा बनाबैमे सक्षम छै। आर यी मतलबमे अब्राहम सचमे आपन बेटाके मुर्दासे जिन्दा वापस पैल्कै।

हिब्रू 13:18

हमरसिके लिए भी प्रार्थना कर्ते र। हमेसब निश्चित रुपसे जानैछियै कि हमरसिके विवेक स्वच्छ छै, आर हमेसब जे भी काम करैछियै उटा सभे चीजमे परमेश्वरके सम्मान करैले चाहैछियै।

हिब्रू 9:14

मगर ख्रीष्ट पापरहित रहै, आर ऊ अपने आपके परमेश्वरके लिए एकटा कहियो खतम नैहुएवाला आर आत्मिक बलिदानके रुपमे दान चढ्या देल्कै। इहे कारणसे ओकर खून बहुते बेसी शक्तिशाली छै आर आपनसिके विवेकके शुद्ध बनाबैछै। आब अपनासब जिन्दा परमेश्वरके सेवा करे सकैछियै आर ऊ चीजसिके नैकरैछियै जे मौतके तरफ ल्याजैछै।

हिब्रू 9:24

धर्तीमे भेल महापवित्र-स्थान स्वर्गमे भेल वास्तविक महा-पवित्र स्थानके खाली एकटा छाया छै। ख्रीष्ट आदमीसिके द्वारा बनैल गेल परमेश्वरके पालमे नैगेलै। मगर आब आपनसिके तरफसे, स्वर्ग गेलके बाद ऊ परमेश्वरके समनामे खडा भेलै।

१ पत्रुस 1:3

आपनसिके प्रभु येशू ख्रीष्टके पिता आर परमेश्वरके धन्यवाद है। परमेश्वर आपनसिके प्रति आपन बडका दयासे अपनासिके एकटा नया जीवन देल्कै छे। कहिनेकी परमेश्वर येशू ख्रीष्टके मुर्दासे जिन्दा बनैल्कै, ऊ अपनासिके बहुते आत्मविश्वासके साथ जियैके योग्य बनैल्कै छे, यानिकी अपनासब उटा चीजसिके प्राप्त करैके पुरा आशा करे सकैछियै जे ऊ अपनासिके दियैके प्रतिज्ञा कैल्कै छे।

१ पत्रुस 3:16

मगर यी विनम्र आर आदरपूर्ण तरिकासे कर। सभे दिन जे बढियाँ छै उहे कर। तब यदि आदमीसब तोरसिके विरुद्धमे खराब बात बोलैछै ते ऊसब लाजमे पड्तै जब ऊसब तोरसिके ख्रीष्ट संगके सम्बन्धके कारण तोरसिके बढियाँ व्यवहार देखैछै।