१ पत्रुस 3:13 - केवट नया कारार

¹³ यदि तुहें सभे दिन बढियाँ काम करैके कोशिश करैछैं ते, कोय भी वास्तवमे तोरासिके चोट नैपहुँचाबे सक्तौ।

१ पत्रुस 3:13 Iomraidhean Croise

रोमी 13:3

कहिनेकी यदि कोय बढियाँ काम करैछै ते, ओकरा शासकसिसे डरैके जरुरत नैछै। मगर यदि ऊसब खराब काम करैछै ते, ओकरासिके डरैके जरुरत छै। सेल्याके यदि तुहेंसब शासकसिसे नैडराबैले चाहैछैं ते, जे सही छै से कर, आर ऊसब तोरसिके प्रशंसा कर्तौ।

रोमी 8:28

हमेसब जानैछियै कि परमेश्वरके प्रेम करेवाला आदमीसब आर परमेश्वरसे चुन्ल आदमीसिके लिए परमेश्वर ओकरसिके लिए आपन मकसदके मुताबिक सभे चीजमे भलाइये करैछै।

१ कोरन्थी 14:1

एक-दोसरसे प्रेम करैके हर सम्भव कोशिश कर आर आत्मिक वरदानसब पाबैके लिए इमानदारीसे इच्छा कर, खास करिके परमेश्वरके सन्देश घोषणा करैके लिए।

एफिसी 5:1

तुहेंसब परमेश्वरके सन्तान छैं जकरासे ऊ प्रेम करैछै, सेल्याके ओकर जुगुर बनैके कोशिश कर।

१ थेसलोनिकी 5:15

यी ध्यान राख कि कोय भी खराबीके बदला खराबी नैकरक, मगर सभे दिन दोसर विश्वासी आर दोसर आदमीसिके दयालु व्यवहार करैके कोशिश कर।

१ तिमोथी 5:10

आर दोसर आदमीसिके यी बातके पुष्टि करना चाही कि ऊ सभे दिन बढियाँ काम कैल्कै छे, उदाहरणके लिए, आपन बालबच्चासिके बढियाँसे देखभाल कैल, यात्रा करेवाला आदमीसिके आपन घरमे स्वागत कैल, नम्र भ्याके नोकरके जुगुर विश्वासीसिके सेवा कैल, आर दुःखमे पडल आदमीसिके सहायता कैल होना चाही। ऊ अपने आपके सभे तरहके बढियाँ काम करैके लिए खुदके समर्पण कैल होना चाही।

तीतस 2:14

उहे येशू ख्रीष्ट अपनासिके सभे पापसे छुटकारा दिलाबैके लिए आर नैतिक रुपसे शुद्ध बनाबैके लिए खुदके बलिदान कैल्कै ताकी अपनासब ओकर आपन विशेष आदमीसब बने सकियै जेसब बढियाँ काम करैके बडका इच्छा राखैछै।

३ यूहन्ना 1:11

हे प्रिय दोस्त, खराब काम करेवाला आदमीके देख-सिख्खा नैकर, मगर भलाइके काम करेवाला आदमीके अनुसरण कर। जे कोय बढियाँ काम करैछै, यी बात यी देखाबैछै कि ऊ परमेश्वरके बेटा-बेटी छै। जे कोय खराब काम करैछै, यी बात देखाबैछै कि ऊ परमेश्वरके नैचिन्हैछै।