१ पत्रुस 2:9 - केवट नया कारार

⁹ मगर तुहेंसब ओरं नैछैं, कहिनेकी तुहेंसब परमेश्वरके चुन्ल आदमीसब छैं, तुहेंसब परमेश्वरके पुजारीसब छैं, जे राजा छै। तुहेंसब परमेश्वरके सेवा करैले समर्पित भेल आदमीसब आर परमेश्वरके निजी प्रजा छैं। ऊ तोरासिके अनहारसे आपन अदभुद उजेतमे आन्लकौ छे, ताकी तुहेंसब परमेश्वरके आश्चर्यपूर्ण कामसिके घोषणा करे सक्हैं।

१ पत्रुस 2:9 Iomraidhean Croise

मत्ती 4:16

परमेश्वरके चिन्हले बिना अनहारमे रहेवाला आदमीसब एकटा महान ज्योतिके देख्तै। यी ज्योति ऊ आदमीसिके उद्धारके रस्ता देखैतै जे परमेश्वरके चिन्है बिना जीवन बिताबैछै आर अनन्तकाल तक मौतके रस्तापर छै।”

मत्ती 5:16

ओहिने करिके तोरसिके उजेत आदमीसिके बिच्चेमे चम्कौ ताकी ऊसब तोरसिके बढियाँ कामसब देखौ आर स्वर्गमे भेल तोरसिके परमेश्वर पिताके महिमा करौ।”

लूका 1:79

पापमे जिएवालासब आर कहियो खतम नैहुएवाला मौतके खतरामे रहेवालाके रोशनी देतै, आर ऊ रोशनी हमरासिके ऊ जीवनमे मार्गदर्शन करैतै जे हमरासिके परमेश्वरके संगमे शान्ति देतै।”

यूहन्ना 17:19

ओकरसिके लाभके खातिर हमे खुदके पवित्र बनाबैछियै, ताकी उहोसब सच्चाई द्वारा पवित्र बने सकै।”

चुन्ल आर भेज्ल चेलासब 20:28

आब तुहेंसब आपनहैं आपन देखभाल कर आर पवित्र आत्मा तोरासिके जिम्मा लगैल परमेश्वरके मण्डलीके देख-रेख कर, जकरा ऊ आपन बेटाके खूनसे मोल लेल्कै छे।

चुन्ल आर भेज्ल चेलासब 26:18

हमे चाहैछियै कि तुहें ओकरसिके आँख खोली दहैं, ताकी ऊसब अनहारसे उजेत महर, आर शैतानके शक्तिसे परमेश्वरके तरफ आबै। एरंके ऊसब आपन पापके माफी पैतै आर हमरपरके विश्वासद्वारा पवित्र भेलसिके स्थान ऊसब भी पैतै।’

चुन्ल आर भेज्ल चेलासब 26:28

राजा अग्रिपास पावलके कहैल्कै, “तुहें सोचैछैं कि तुहें एतनें जल्दी हमरा ख्रीष्टियन बन्या लेभैं?”

रोमी 9:24

चाहे यहूदी आदमीसब है या गैर-यहूदी आदमीसब, अपनासब ऊ चुन्ल आदमीसब छियै।

१ कोरन्थी 3:17

जे कोय आदमी भी परमेश्वरके आदमीसिके बीचमे भेल मेल-मिलापके नाश करैछै ते परमेश्वर ओकरा भी सजाय देतै। कहिनेकी परमेश्वरके मन्दिर पवित्र छै, आर ऊ मन्दिर तुहींसब ही छैं।

एफिसी 1:14

कहिनेकी परमेश्वर अपनासिके पवित्र आत्मा देल्कै छे, अपनासब यी बातमे निश्चित हुए सकैछियै कि परमेश्वर अपनासिके प्रतिज्ञा कैल दोसर बढियाँ चीजसब भी देतै। यी तब हैतै जब परमेश्वर अपनासब जे ओकर छियै, अपनासिके पुरा रुपसे उद्धार देतै ताकी ओकर अपनासब परमेश्वरके महिमाके प्रशंसा करे सकियै।

एफिसी 1:6

यी कारणसे कि ओकर महिमामय अनुग्रहके प्रशंसा है, जे ऊ आपन प्रिय बेटाके कैल कामके कारण अपनासिके मुफ्तमे देल्कै छे।

एफिसी 3:21

ओकरा मण्डलीमे आर ख्रीष्ट येशूमे सभे दिन महिमा है। आमेन।

फिलिप्पी 3:14

ख्रीष्ट येशूमे परमेश्वरके स्वर्गीय बुलाहटके इनाम पाबैके लिए हमे निशाना महर दौड्ते जैछियै।

कलस्सी 1:13

कहिनेकी ऊ अपनासिके शैतानके शक्तिसे छुटैल्कै छे आर आपन प्रिय बेटाके राज्यमे आनल्कै छे।

२ तिमोथी 1:9

ऊ अपनासिके बचैल्कै आर अपनासिके एकटा पवित्र जीवन जियैके लिए बोलैल्कै छे, आर अपनासब बढियाँ काम करैके कारणसे ऊ अपनासिके नैचुनल्कै छे, मगर ओकर आपन योजना आर अनुग्रहके आधारमे छै। यी संसारके सृष्टि हुऐसे पहेला ही परमेश्वर येशू ख्रीष्टके आपनसिके लिए मरैके लिए भेजिके आपन अनुग्रह अपनासिपर देखाबैके योजना बन्या लेल्कै रहे।

तीतस 2:14

उहे येशू ख्रीष्ट अपनासिके सभे पापसे छुटकारा दिलाबैके लिए आर नैतिक रुपसे शुद्ध बनाबैके लिए खुदके बलिदान कैल्कै ताकी अपनासब ओकर आपन विशेष आदमीसब बने सकियै जेसब बढियाँ काम करैके बडका इच्छा राखैछै।

१ पत्रुस 1:2

परमेश्वर पिता बहुते पहेला ही तोरासिके आपन आदमी बनाबैके लिए आर पवित्र आत्माके कामके द्वारा तोरासिके पवित्र बनाबैले चुनैके फैसला कैल्कै रहे। ऊ एरं इहे ल्याके कैल्कै ताकी तुहेंसब येशू ख्रीष्टके आज्ञापालन करहैं आर ओकर खूनके द्वारा शुद्ध हुए सक्हैं। हमे प्रार्थना करैछियौ कि परमेश्वर तोरासिके बहुते अनुग्रह आर शान्ति दौ।

१ पत्रुस 4:11

उदाहरणके लिए, यदि तोरलगत प्रचार करैके वरदान छौ ते, तोरा परमेश्वरके सन्देशसिके प्रचार करना चाही। यदि तोरलगत दोसर आदमीसिके सहायता करैके वरदान छौ ते, यी उटा सामर्थ्यके साथ कर जे परमेश्वर तोरा दैछौ। तब फेर जे कुछु भी तुहेंसब कर्भैं उटा येशू ख्रीष्टके द्वारा परमेश्वरके महिमा दिलैतै। सभे महिमा आर सामर्थ्य सभे दिनके लिए ओकर छै! आमेन।

प्रकाश 5:10

आर ओकरासिके हमरसिके परमेश्वरके लिए तुहें राजासब बनैलह, तुहें ओकरासिके पुजारीसब बनैलह जेसब हमरसिके प्रभु परमेश्वरके आराधनाके काम करैछै आर ऊसब धर्तीमे राजासिके जुगुर राज्य कर्तै।”