१ पत्रुस 2:8 - केवट नया कारार

⁸ आर फेर धरमशास्त्र यी भी कहैछै, “यी पत्थल आदमीसिके ठोकर खैके कारण हैतै। यी एकटा चट्टान छै जे ओकरसिके गिरैके कारण हैतै।” ऊसब एरंके गिरैछै कहिनेकी ऊसब परमेश्वरके सन्देशके मानैसे इन्कार करैछै। परमेश्वर ओकरसिके संगे इहे हुऐके योजना बनैल्कै छे।

१ पत्रुस 2:8 Iomraidhean Croise

लूका 2:34

शिमियोन ओकरासिके आशीर्वाद देल्कै आर ओकर मयाँ मरियमके कहैल्कै, “देख, यी बच्चा बहुते इस्राएलीसिके विनाश आर उद्धारके लिए, आर ऊ परमेश्वरके तरफसे एकटा चिन्हके रुपमे भेज्ल छै, मगर बहुते आदमीसब ओकर विरोध कर्तै।

रोमी 9:22

परमेश्वरके अधिकार छै कि जे आदमीसिके ऊ बनैल्कै छे ओकरसिके संगे आपन इच्छाके मुताबिक जेरं चाहै ओरं करे सकैछै। परमेश्वर आपन गोस्सा देखाबैले चहते रहै आर सभैके विरुद्ध आपन शक्ति प्रकट करैले चहते रहै जेसब नाश हुऐके हकदार छै। मगर एकर बदलामे, ऊ धीरजके साथ ओकरासिके सहैल्कै।

१ कोरन्थी 1:23

मगर हमेसब यी प्रचार करैछियै कि अपनासिके आपनसिके पापसिसे छुटकारा दिलाबैके लिए ख्रीष्ट क्रूसमे मर्लै। यहूदी आदमीसिके लिए यी ठोकर लागैके बात भेलै आर गैर-यहूदी आदमीसिके लिए यी मूर्ख बात ठहर्लै।

२ कोरन्थी 2:16

कतनें आदमीके खातिर ते मरैके लिए मौतके गन्ध आर कतनें आदमीके खातिर जीवनके लिए जीवनके सुगन्ध, आर वास्तवमे कोनो भी आदमी अपने आपसे यी सुगन्धके फैलाबैके योग्य नैछै।

गलाती 5:11

मगर हे विश्वासी भ्या-बहिनसब, हमे प्रचार करैछियै कि खतना महत्वपूर्ण नैछै, आर इहे कारणसे हमरा यहूदी आदमीसिके द्वारा निरन्तर सतैल जैछै। यदि हमे ख्रीष्टके मौतके विषयमे प्रचार नैकरिके खतनाके विरुद्धमे प्रचार कर्तियै ते यहूदी आदमीसिके लिए कोनो अपमान नैहैतियै।

१ थेसलोनिकी 5:9

कहिनेकी परमेश्वर अपनासिके आपन क्रोधमे सजाय दियैके लिए नैचुनल्कै छे, मगर अपनासिके प्रभु येशू ख्रीष्टके द्वारा उद्धार पाबैके लिए पहलहैसे चुनल्कै छे।

१ पत्रुस 2:6

यी धरमशास्त्रमे परमेश्वरके कहेल जुगुर छै, “देख्! हमे एकटा किमती पत्थलके चुन्लियै छे, जे यरूशलेम सहरमे घरके मजगुत बनाबैके लिए उपयोग कैल जैछै। जे कोय भी ओकरापर भरोसा करैछै, ऊ लाजमे नैपड्तै।”

१ पत्रुस 2:7

यी पत्थल तोरसिके लिए बहुते किमती छौ जे येशू ख्रीष्टमे विश्वास करैछैं। मगर जे आदमीसब ओकरापर विश्वास नैकरैछै ओकरसिके विषयमे धरमशास्त्र कहैछै कि, “राज मिसतिरीसब जेटा पत्थलके प्रयोग करैसे इन्कार करिदेल्कै, उटा पत्थल इमारतके जगके सभैसे महत्वपूर्ण पत्थल बनी गेलै छे।”

२ पत्रुस 2:3

यीसब लोभी हैतै आर ऊसब बन्ल बनैल कहानीसब सुन्याके तोरासिके धोखा देतौ ताकी तोरासिसे पैसा कमाबे सकै। परमेश्वर बहुते समय पहेला ही फैसला करि लेल्कै रहे कि ऊ ओकरासिके सजाय देतै आर ऊ एरं करैके लिए तैय्यार छै। परमेश्वर जरुर ओकरासिके नाश करि देतै।

यहूदा 1:4

हमे तोरासिके लिखैछियौ कहिनेकी कुछु आदमीसब जे येशू ख्रीष्टमे विश्वास करैके दिखावा करैछै, ऊसब तोरसिके मण्डलीमे सामिल भ्या गेलौ छे। ऊसब परमेश्वरके सम्मान नैकरैछै आर ऊसब एरं कहिके गलत शिक्षा दैछै, कहिनेकी परमेश्वर आपन अनुग्रहसे आपनसिके पापसिके माफ करि दैछै, इहे ल्याके अपनासब अनैतिक जीवन जिये सकैछियै। ऊसब येशू ख्रीष्टके अस्वीकार करैछै, जे आपनसिके एक्केटा मालिक आर आपनसिके प्रभु छै। बहुते समय पहेला धरमशास्त्र कहैछै कि परमेश्वर एरं आदमीसिके सजाय देतै।