१ पत्रुस 2:6 - केवट नया कारार

⁶ यी धरमशास्त्रमे परमेश्वरके कहेल जुगुर छै, “देख्! हमे एकटा किमती पत्थलके चुन्लियै छे, जे यरूशलेम सहरमे घरके मजगुत बनाबैके लिए उपयोग कैल जैछै। जे कोय भी ओकरापर भरोसा करैछै, ऊ लाजमे नैपड्तै।”

१ पत्रुस 2:6 Iomraidhean Croise

मत्ती 12:18

“हमर दास जकरा हमे चुन्लियै छे, हमर प्रिय जकरसे हमे बहुते खुश छियै, हमे परमेश्वरके आत्मा ओकरामे राखी देबै, आर ऊ जात-जातके आदमीसिके न्यायके प्रचार कर्तै।

मर्कूस 12:10

कि तुहेंसब धरमशास्त्रके यी खण्ड नैपढ्लहैं छे, जे ख्रीष्टके तुलना एकटा महत्वपूर्ण पत्थलसे करैछै? ओत्ते लिख्ल छै, “जे पत्थलके राज मिसतिरीसब फेकि देल्कै, यी उहेटा पत्थल छै जे पुरा घरमे सभैसे महत्वपूर्ण पत्थल बनी गेलै।

लूका 20:17

तब येशू ओकरसिके महर देखिके कहैल्कै, “ओरं छै ते धरमशास्त्रमे लिख्ल यी बातसिके मतलब कि छै ते? जे पत्थलके घर बनाबेवाला आदमीसब बेकम्मा कहिके तिरस्कार कैल्कै, उहे कोनाके सिरानीके पत्थल बन्लै।

लूका 23:35

आदमीसब खडा भ्याके देख्ते रहै। अगुवासब ओकर मजाक कर्ते कहैल्कै, “देख, यी आदमी दोसरके ते बचैल्कै। यदि यी परमेश्वरसे भेज्ल ख्रीष्ट छै ते ऊ अपने आपके बचाबक।”

यूहन्ना 7:38

जेरं कि धरमशास्त्रमे लिख्ल छै कि जे आदमी हमरापर विश्वास करैछै, ओकर ह्रदयसे जलके झरना जे जीवन दैछै फूटीके बहे लाग्तै।”

चुन्ल आर भेज्ल चेलासब 1:16

“हे भ्या-बहिनसब, पवित्र आत्मा बहुते समय पहेला ही दाऊद राजाके द्वारा यहूदाके विषयमे बतैल्कै रहे जे कि येशूके धोखा द्याके गिरफ्तार कराबेवाला आदमीसिके अगुवा बनी गेलै। यी जरुरी रहै कि यहूदाके विषयमे धरमशास्त्रमे लिख्ल बात सच साबित है।

रोमी 10:11

परमेश्वरके वक्ता यशैया ख्रीष्टके बारेमे धरमशास्त्रमे लिखल्कै रहे, “ओकरापर विश्वास करेवाला कोय भी आदमी निराश नैहैतै।”

एफिसी 1:4

यानिकी परमेश्वर संसार बनाबैसे पहेला ही अपनासिके ख्रीष्टके कारण आपन प्रजा हुऐके लिए चुनल्कै। ताकी अपनासब ओकर समनामे पवित्र आर दोषरहित हुए सकियै।

एफिसी 2:20

चुन्ल आर भेज्ल चेलासब आर परमेश्वरके वक्तासिके जगमे तुहेंसब एकटा इमारतके जुगुर छैं आर जकर सबसे महत्वपूर्ण पत्थल येशू ख्रीष्ट छै।

२ तिमोथी 3:16

सारा धरमशास्त्र ऊ वचनसब छै जे परमेश्वर ऊ आदमीसिके विचारमे देल्कै जेसब यी धरमशास्त्र लिखल्कै आर अपनासब यी सभे बात आदमीसिके सच्चा शिक्षा दियैके लिए, गल्ती करेवाला आदमीसिके धोपैके लिए, आदमीसिके ओकरसिके गलत चालसब सुधारैके लिए, आर आदमीसिके जे काम सही छै उटा करे पडैछै कहिके सिखाबैके लिए प्रयोग करे सकैछियै।

१ पत्रुस 2:4

प्रभु येशूके तुलना एकटा जिन्दा पत्थलसे कैल गेलै छे। उटा पत्थलके आदमीसिके द्वारा फेकि देल गेलै रहे, कहिनेकी ऊसब कहैल्कै कि ऊ बेकार रहै। मगर परमेश्वरके नजरमे ऊ बहुते अनमोल छै आर परमेश्वर ओकरा जगके मूल पत्थलके रुपमे चुनल्कै। आर हे संगी विश्वासीसब तुहेंसब भी प्रभु येशूके नज्दिक या ताकी तोरासिके भी ओकरद्वारा उटा जिन्दा पत्थलके जुगुर बनैल जै जे परमेश्वरके आराधनाके घर बनाबैके लिए उपयोग कैल जैछै। ऊ तोरासिके भी पवित्र पुजारी बनैल्कौ छे। कहिनेकी जेरंके पुजारी परमेश्वरके बलिदान चढाबैछै, ओहिने करिके तुहेंसब भी बलिदानके रुपमे आपन हृदय परमेश्वरके चढैल्हैं छे। आर उटा बलिदान परमेश्वरके खुश बनाबैछै कहिनेकी तुहेंसब येशू ख्रीष्टके छैं।

१ पत्रुस 2:8

आर फेर धरमशास्त्र यी भी कहैछै, “यी पत्थल आदमीसिके ठोकर खैके कारण हैतै। यी एकटा चट्टान छै जे ओकरसिके गिरैके कारण हैतै।” ऊसब एरंके गिरैछै कहिनेकी ऊसब परमेश्वरके सन्देशके मानैसे इन्कार करैछै। परमेश्वर ओकरसिके संगे इहे हुऐके योजना बनैल्कै छे।

२ पत्रुस 1:20

मगर यी महत्वपूर्ण छै कि तुहेंसब यी बातके बुझैं कि धरमशास्त्रमे तुहेंसब परमेश्वरके वक्तासिके जे वचन पढैछैं उटा खाली परमेश्वरके वक्तासिके आपन विचार नैछै।

२ पत्रुस 3:16

आपन सभे चिट्ठीसिमे जे ऊ विश्वासीसिके लिखल्कै छे, ऊ इहे तरिकासे लिखैछै जे ऊ तोरासिके लिखल्कौ छे। मगर कुछु बातसब जे ऊ आपन चिट्ठीसिमे लिखल्कै छे, ओकरा समझना कठिन छै। जे आदमीसब बढियाँ शिक्षा नैपैल्कै छे आर जकरासिके निश्चय नैछै कि ऊसब कि विश्वास करैछै, ऊसब यी कठिन बातके मतलबके गलत तरिकासे व्याख्या करैछै, ओहिने ही जेरंके ऊसब धरमशास्त्रके दोसर भागसिके गलत व्याख्या करैछै। एरं करिके ऊसब खुद ही परमेश्वरके द्वारा आपन नाश हुऐके कारण बनैछै।