१ पत्रुस 2:2 - केवट नया कारार

² जेरंके नवजात शिशु आपन मयाँके शुद्ध दुधके ललसा करैछै, ओहिने करिके तोरा परमेश्वरके वचन सिखैके इच्छा राखना चाही ताकी तुहेंसब आत्मिक रुपसे परिपक्क बने सक्हैं। तब अन्तमे, परमेश्वर तोरा यी संसारके खराब चीजसिसे पूर्ण रुपसे बच्या लेतौ।

१ पत्रुस 2:2 Iomraidhean Croise

मत्ती 18:3

आर कहैल्कै, “हमे तोरासिके सच कहैछियौ, परमेश्वर आपन राज्यमे खाली ऊसब आदमीके स्वीकार कर्तै जे मन परिवर्तन करिके परमेश्वरके शासनके एकटा बच्चाके जुगुर स्वीकार कर्तै।

मत्ती 19:14

मगर येशू कहैल्कै, “छोटका बच्चासिके हमरलगत आबैले दहैं, एकरासिके नैरोक, कहिनेकी उहे आदमीसब जे यी बच्चासिके जुगुर भरोसाके लायक छै परमेश्वरके राज्यमे रहतै।”

मर्कूस 10:15

हमे तोरासिके सच कहैछियौ, परमेश्वर आपन राज्यमे खाली ऊसब आदमीके स्वीकार कर्तै जे ओकर शासनके बच्चाके जुगुर स्वीकार कर्तै।”

लूका 18:17

हमे तोरासिके सच कहैछियौ, परमेश्वर आपन राज्यमे खाली ऊसब आदमीके स्वीकार कर्तै जे ओकर शासनके बच्चाके जुगुर स्वीकार कर्तै।”

रोमी 6:4

जब अपनासब बप्तिस्मा लेलियै ते यी एरं रहै जेरं अपनासब ख्रीष्टके संगे मरि गेलियै आर ओकरसंगे दफ्नैल गेलियै। ताकी जेरंके ख्रीष्ट परमेश्वर पिताके महिमाद्वारा मुर्दासे जिन्दा बनैल गेलै, ओहिने करिके अपनासब भी एकटा नया तरिकासे जीवन जिबै।

१ कोरन्थी 14:20

हे विश्वासी भ्या-बहिनसब, एकटा बच्चाके जुगुर नैसोच, मगर बच्चासिके जुगुर निर्दोष बन, जब खराबीके बात आबैछै, मगर एरंको बातसिके बुझैमे परिपक्क बन।

एफिसी 2:21

ख्रीष्ट ही छै जे पुरा इमारतके एक साथ जोडिके राखैके कारण छै। ऊ परमेश्वरके लिए एकटा पवित्र मन्दिर बनैके लिए आपन सभे आदमीसिके पत्थलसिके जुगुर एक साथ जोडी रहलै छे।

एफिसी 4:15

बरु, प्रेमसे सच बोलीके अपनासब हरेक बातमे परिपक्क आर ख्रीष्टके जुगुर भ्याजैयै, जे आपनसिके शरीर यानिकी मण्डलीके शिर छै।

२ थेसलोनिकी 1:3

हे विश्वासी भ्या-बहिनसब, तोरसिके लिए सभे दिन हमरासिके परमेश्वरके धन्यवाद चढाना चाही, आर यी करना हमरसिके लिए उचित छै, कहिनेकी तुहेंसब निरन्तर येशू ख्रीष्टमे विश्वास करैछैं आर एक दोसरप्रतिके तोरसिके प्रेम भी बढते गेलौ छे।

१ पत्रुस 1:23

कहिनेकी तुहेंसब परमेश्वरसे नया जीवन पैल्हैं छे। तुहेंसब यी जीवन नाश हुएवाला चीजसे नैपैल्हैं छे मगर सभे दिन रहेवाला चीजसे पैल्हैं छे। अपनासब यी नया जीवन जिन्दा आर कहियो खतम नैहुएवाला परमेश्वरके वचनसे पैल्हैं छे।

२ पत्रुस 3:18

मगर तोरासिके आपनसिके प्रभु आर उद्धारकर्ता येशू ख्रीष्टके अनुग्रहके आरहौ बेसीसे बेसी अनुभव करना चाही आर ओकर प्रति आपन समझमे बढना चाही। ओकर महिमा एखन आर सभे दिनके लिए हैते रहै। आमेन।