Biblia Todo Logo
Bìoball air-loidhne

- Sanasan -




१ पत्रुस 2:16 - केवट नया कारार

16 आब तुहेंसब पापके दास नैछैं, कहिनेकी तुहेंसब आपनसिके प्रभु येशू ख्रीष्टके द्वारा पहेला ही आजाद करि देल गेल्हैं छे। मगर खराब काम करैके लिए एकरा एकटा बहाना नैबना। मगर तोरासिके आपन कामसिके द्वारा देखाना चाही कि तुहेंसब सचमे परमेश्वरके सेवक छैं।

Faic an caibideil Dèan lethbhreac




१ पत्रुस 2:16
15 Iomraidhean Croise  

“हे यहूदी धरमशास्त्रके पण्डितसब आर फरिसी समूहके आदमीसब, तोरसिके लिए यी बहुते भयानक हैतौ! हे ढोंगीसब! कहिनेकी तुहेंसब आदमीसिके लिए परमेश्वरके राज्यके केबाड बन्द करैछैं। तुहेंसब आपनहौं भी भितर नैढुकैछैं, आर ढुके चाहेवालाके भी भितर ढुकैले नैदैछैं।


हमे नैऐतियै आर ओकरासिके नैबतैतियै ते ऊसब पापके दोषी नैहैतियै, मगर आब ओकरासिके आपन पापके लिए कोनो बहाना नैछै।


परमेश्वर तोरासिके पापके शक्तिसे मुक्त कैल्कौ छे। तुहेंसब परमेश्वरके दास बनी गेल्हैं छे ताकी तुहेंसब उटा काम करे सक्हैं जे काम सही छै।


मगर आब तुहेंसब पापसे मुक्त भ्याके आर परमेश्वरके दास बनिके उटा कामसिके करैछैं, जे पवित्रताके तरफ ल्याजैछै, आर ओकर अन्त कहियो खतम नैहुएवाला जीवन छै।


कहिनेकी जे आदमीके प्रभु दासके स्थितिमे आपन आदमी हुऐके लिए बोलैल्कै, ऊ एकटा आजाद आदमीके जुगुर छै कहिनेकी प्रभु येशू ओकरा ओकर पापसे उद्धार देल्कै छे। आर ओहिने करिके जे आदमी आजादीके स्थितिमे बोलैल गेलै छे ऊ आदमी ख्रीष्टके दास छै।


ख्रीष्ट अपनासिके मूसाके विधि-विधानसे आजाद कैल्कै छे। सेल्याके आपन आजादीके पक्डीके राख। विधि-विधानके पालन करैके लिए खुदके फेरसे दास नैबना।


हे विश्वासी भ्या-बहिनसब, तुहेंसब परमेश्वरके द्वारा आजाद हुऐके लिए चुन्ल गेल्हैं रहे आर सेल्याके आब तोरासिके मूसाके विधि-विधानके पालन करैके जरुरत नैछौ। मगर यी आजादीके आपन पापमय स्वभावसिके पुरा करैके बहाना नैबना। बरु, एक दोसरसे प्रेम कर आर एक दोसरके सेवा कर।


यी कामसब खाली मालिकके देखाबैके लिए या ओकरासिके खाली खुश बनाबैके मकसदसे नै मगर ख्रीष्टके सेवकसिके जुगुर काम कर, जेसब आपन पुरा मनसे उहे करैछै जे परमेश्वर चाहैछै कि ऊसब करै।


कहिनेकी तुहेंसब जानैछैं कि प्रभु तोरासिके इनाम देतौ, जे यी छै कि ऊ तोरासिके उटा आशिषसिमेसे तोर हिस्सा देतौ जकरा ऊ आपन आदमीसिके लिए तैय्यार कैल्कै छे। एरं व्यवहार कर कहिनेकी तुहेंसब प्रभु ख्रीष्ट जे सच्चा मालिक छै ओकर सेवा करैछैं।


तुहेंसब जानैछैं कि हमेसब कहियो चापलूसीके बात नैकैलियै। हमेसब लालची हुऐके कारणसे यी बात नैकैलियै छे आर हमरसिके लालच तोरसिसे आर कक्रहौसे नुकाबैके कोशिश भी नैकैलियै छे। परमेश्वर ही यी बातके गवाही दैछै कि हमेसब ओरंको नैरहियै।


मगर जे ध्यानसे परमेश्वरके सिद्ध विधि-विधान अध्ययन करैछै जे आदमीसिके पापसे छुटकारा दैछै, जे ऊ सुनल्कै छे उटा बात ऊ नैभुलैछै आर एकर सिखैल बात पालन करैछै ते ओकर कैल काममे परमेश्वर ओकरा आशिष देतै।


ऊ आदमीसिके जुगुर बोल आर व्यवहार कर। जकर न्याय विधि-विधानके मुताबिक कैल जैतै, जे अपनासिके स्वतन्त्र करैछै।


झुट्ठा शिक्षकसब आदमीसिके बताबैछै कि ऊसब जे कुछु भी करैले चाहैछै उटा करैके लिए आजाद छै जब कि ऊसब खुद ही दाससिके जुगुर छै, कहिनेकी ओकरसिके आपन पापमय स्वभाव ओकरासिके पाप पूर्ण काम करैके लिए मजबूर करैछै। अपनासिके मालुम छै जे कुछु भी तोरासिके नियन्त्रित करैछौ, तुहें ओकर दास बनी जैछैं।


हमे तोरासिके लिखैछियौ कहिनेकी कुछु आदमीसब जे येशू ख्रीष्टमे विश्वास करैके दिखावा करैछै, ऊसब तोरसिके मण्डलीमे सामिल भ्या गेलौ छे। ऊसब परमेश्वरके सम्मान नैकरैछै आर ऊसब एरं कहिके गलत शिक्षा दैछै, कहिनेकी परमेश्वर आपन अनुग्रहसे आपनसिके पापसिके माफ करि दैछै, इहे ल्याके अपनासब अनैतिक जीवन जिये सकैछियै। ऊसब येशू ख्रीष्टके अस्वीकार करैछै, जे आपनसिके एक्केटा मालिक आर आपनसिके प्रभु छै। बहुते समय पहेला धरमशास्त्र कहैछै कि परमेश्वर एरं आदमीसिके सजाय देतै।


Lean sinn:

Sanasan


Sanasan