१ पत्रुस 2:12 - केवट नया कारार

¹² कतनें बेर एरं आदमीसब हैछै जेसब प्रभुके नैजानैछै आर ऊसब तोरासिपर यी कहिके गलत आरोप लगाबे सकैछौ कि तोरसिके काम खराब छौ। इहे ल्याके तोरासिके आपन व्यवहारके विषयमे होशियार रहना चाही, ताकी ऊसब तोरसिके बढियाँ व्यवहार देखे सकौ। अन्तमे ऊसब स्वीकार कर्तै कि तोरसिके व्यवहार बढियाँ छै आर जे दिन परमेश्वर संसारके न्याय करैके लिए फेर यी संसारमे वापस ऐतै उटा दिन ऊसब परमेश्वरके महिमा कर्तै।

१ पत्रुस 2:12 Iomraidhean Croise

मत्ती 10:25

सेल्याके चेला आपन गुरुके जुगुर भेल बातमे सन्तोष करक ओहिने करिके नोकर आपन मालिकके जुगुर भेल बातमे सन्तोष करक। जब ऊसब घरके मालिकके भूतसिके सरदार शैतान कहैछै ते, मालिकके परिवारके आदमीसिके आरहौ कि-कि नै कहतै।”

मत्ती 5:11

धन्य छैं तुहेंसब, जब हमर चेला हुऐके कारण आदमीसब तोरसिके निन्दा कर्तौ, सतैतौ आर झुठ बोलीके तोरसिके विरुद्धमे सभे किसिमके खराब बातसब कहतौ।

मत्ती 5:16

ओहिने करिके तोरसिके उजेत आदमीसिके बिच्चेमे चम्कौ ताकी ऊसब तोरसिके बढियाँ कामसब देखौ आर स्वर्गमे भेल तोरसिके परमेश्वर पिताके महिमा करौ।”

मत्ती 9:8

जब भीड यी देखल्कै, तब ऊसब भयभीत भेलै आर आदमीसिके एरं अधिकार दिएवाला परमेश्वरके महिमा कैल्कै।

लूका 1:68

“प्रभुके प्रशंसा कर, ऊ परमेश्वरके जकरा इस्राएलीसब आराधना करैछै। कहिनेकी ऊ आपन आदमीसिके भेट करे ऐलै छे आर आपन आदमीसिके उद्धार देल्कै छे।

लूका 19:44

तोर दुश्मन तोरा पुरा तरहसे नाश करि देतौ आर तोर सभे आदमीसिके जान मारि देतौ। आर दुश्मनसब यी परमेश्वरके मन्दिरके एकटा भी पत्थलके आपन जगहमे नैछोड्तै। उटा सभेटा नाश कैल जैतै। कहिनेकी परमेश्वर तोरासिके बचाबैले ऐल समयके तुहें चिन्हे नैसक्लहैं।”

लूका 6:22

धन्य छैं तुहेंसब, जब हमे, आदमीके बेटाके चेला हुऐके कारण आदमीसब तोरा घृणा कर्तौ, गाँव-समाजसे निकाली देतौ, निन्दा कर्तौ, आर दुष्ट कहिके तोरसिके नामके अपमान कर्तौ।”

यूहन्ना 13:31

जब यहूदा ओत्तेसे बाहार चल गेलै तब येशू कहैल्कै, “आब हमे, आदमीके बेटाके महिमा प्रकट भेलै छे, आर आब परमेश्वरके महिमा ओकरद्वारा प्रकट भेलै छे।

चुन्ल आर भेज्ल चेलासब 15:14

सिमोन पत्रुस एखन यी बारेमे बयान कैल्कै कि परमेश्वर केरंके शुरुमे गैर-यहूदी आदमीसिपर कृपा कैल्कै आर उहे आदमीसिके बीचमे से कुछु आदमीसिके आपन प्रजा बनैल्कै।

चुन्ल आर भेज्ल चेलासब 24:13

नैते ऊसब ऊ बातके, जे विषयमे ऊसब एखन हमरा आरोप लगाबैछै, तोर समनामे सच साबित करे सकैछै।

चुन्ल आर भेज्ल चेलासब 25:7

जब ऊ ऐलै, तब जे यहूदी आदमीसिके अगुवासब यरूशलेम सहरसे ऐलै रहे, ऊसब अगल-बगल खडा भ्याके पावलपर बहुते बातके गम्भीर आरोप लगैल्कै, जकर ऊसब सबूत दिए नैसकल्कै।

चुन्ल आर भेज्ल चेलासब 28:22

मगर तोर विचार कि छै, उहे हमेसब तोरासे सुनैले चाहैछियै, कहिनेकी हमेसब जानैछियै, कि सभे जगहमे यी प्रभुके पथके विरोधमे आदमीसब बात करैछै।”

रोमी 12:17

कक्रहौ खराबके बदला खराब नैकर। सभैके नजरमे जे बढियाँ आर सही छै उहे करैके कोशिश कर।

रोमी 13:13

अपनासिके अनहारमे जियेवाला आदमीके जुगुर नै मगर उजेतमे जियेवाला आदमीके जुगुर सही तरिकासे जिना चाही। मौजमजा, पियक्कडपन, व्यबिचार, भ्रष्टाचार, झगडा आर डाहा नैकर।

रोमी 14:18

जे आदमी एरंके ख्रीष्टके सेवा करैछै, ओकरासे परमेश्वर खुश छै आर आदमीसब भी ओकर बारेमे बढियाँ कहतै।

रोमी 15:9

आर गैर-यहूदीसब भी परमेश्वरके दयाके कारण परमेश्वरके स्तुति कर। यी ठीक ओहिने ही छै जेरं धरमशास्त्रमे लिख्ल छै, “सेल्याके गैर-यहूदी आदमीसिके बिच्चेमे हमे तोर प्रशंसा कर्भौं, आर तोर नामके भजन गैभौं।”

१ कोरन्थी 14:25

ऊ आदमी जे बात सुनैछै, उटा सुन्ल बातसे ऊ बुझी जैतै कि परमेश्वर ओकर खराब सोचके बारेमे कि सोचैछै। आर ओकरा महसुस हैतै कि ऊ पापी छै आर ऊ पाप करैले छोडिके परमेश्वरके तरफ मन लगैतै। आर फेर झुकिके परमेश्वरके आराधना कर्तै आर ऊ आदमी मानी लेतै कि सचमे परमेश्वर तोरसिके बीचमे छौ।

२ कोरन्थी 1:12

हमेसब गर्व करैछियै कि हमरसिके विवेक साफ छै। संसारमे आर खास करिके तोरसिके संगे हमरसिके सम्बन्धमे हमेसब परमेश्वरसे ऐल पवित्रता आर सच्चाईमे चल्लियै छे, यी आदमीके बुद्धिसे नै मगर परमेश्वरके अनुग्रहसे छै।

२ कोरन्थी 13:7

हमेसब परमेश्वरसे प्रार्थना करैछियै कि तुहेंसब कोनो भी खराब काम नैकर्भैं, यी देखाबैके लिए नै कि तोरसिके बीचमे हमरसिके सेवकाई सफल रहलै, बल्की इहे ल्याके कि हमेसब चाहैछियै कि तुहेंसब सही काम करहैं चाहे हमेसब असफल ही दिखाई पडियै।

२ कोरन्थी 8:21

कहिनेकी हमेसब खाली प्रभुके नजरमे नै, मगर आदमीसिके नजरमे भी हमेसब कामसिके सही तरिकासे करैमे आपन ध्यान दैछियै।

एफिसी 2:3

अपनासब सभेको भी ओकरेसिके जुगुर पापी स्वभावके इच्छाके मुताबिक व्यवहार कर्ते रहियै। आपनसिके खराब इच्छासब आर विचारसब जे भी अपनासिसे करवाबैले चहते रहै, अपनासब ओकरे अनुसरण कर्ते रहियै। दोसर आदमीसिके जुगुर अपनासब भी स्वभाविक रुपसे खराब रहियै आर परमेश्वरके सजायके अधिनमे रहियै।

एफिसी 4:22

तोरसिके शिक्षकसब तोरासिके उटा तरिकाके त्यागैके शिक्षा देल्कौ, जकर मुताबिक तुहेंसब व्यवहार कर्ते रहैं आर आपन पापमय व्यवहारके त्याग। तोरसिके खराब इच्छासब तोरासिके धोखा देल्कौ आर तोरसिके जीवनके बर्बाद करि देल्कौ।

फिलिप्पी 1:27

मगर जे भी हुए, तुहेंसब एकटा बातके ध्यान राख कि तोरसिके जीवनके आचरण-व्यवहार ख्रीष्टके खुश-खबरीके योग्य होना चाही। अहिने करिके चाहे हमे आबिके तोरसिके भेट करियौ या दूर रहिके हमे तोरसिके बारेमे सुनियौ, मगर हमरा इहे बात पता चलै कि तुहेंसब एक आत्मामे स्थिर छैं आर एक मनके भ्याके एक साथ मिलिके उटा विश्वासके लिए संघर्ष करैछैं, जे कि खुश-खबरीपर आधारित छै।

फिलिप्पी 4:8

सेल्याके, हे विश्वासी भ्या-बहिनसब, जे-जे बात सच छै, जे-जे बात प्रतिष्ठित छै, जे-जे बात परमेश्वरके नजरमे धर्मी छै, जे-जे बात पवित्र छै, जे-जे बात सुन्दर छै, आर जे-जे बातसब प्रशंसा करैके योग्य छै। अन्तमे जे कोनो भी बात उत्तम या बढाईके योग्य छै उहे बातमे तोरसिके मन लाग्ल रहौ।

१ थेसलोनिकी 4:12

ताकी अविश्वासी आदमीसब तोरसिके सभे दिनके जीवनमे केरंको व्यवहार करैछैं से देखिके तोरासिके आदर कर्तौ आर तोरासिके जरुरत पडल चीजके लिए ककरोपर भी भर नैपडे पड्तौ।

१ तिमोथी 2:2

राजासब आर अधिकार भेल आदमी सभैके लिए प्रार्थना कर ताकी ऊसब अपनासिके शान्ति आर सुरक्षामे रहैके लिए सहायता करै आर अपनासब आजादीसे परमेश्वरके आराधना करे सकियै आर परमेश्वरके इच्छा मुताबिकके काम करे सकियै।

१ तिमोथी 4:12

एरंको व्यवहार कर कि कोय भी तोरासिके अनादर नैकरौ कहिनेकी तुहेंसब जवान छैं, मगर तोरसिके बोल्ल वचनद्वारा, तोरसिके व्यवहारद्वारा, दोसर आदमीसिके प्रति प्रेमद्वारा, ख्रीष्टमे तोरसिके भरोसाद्वारा आर तोरसिके पापरहित जीवनद्वारा विश्वासीसिके लिए तोरासिके एकटा उदाहरण बने पड्तौ।

१ तिमोथी 5:10

आर दोसर आदमीसिके यी बातके पुष्टि करना चाही कि ऊ सभे दिन बढियाँ काम कैल्कै छे, उदाहरणके लिए, आपन बालबच्चासिके बढियाँसे देखभाल कैल, यात्रा करेवाला आदमीसिके आपन घरमे स्वागत कैल, नम्र भ्याके नोकरके जुगुर विश्वासीसिके सेवा कैल, आर दुःखमे पडल आदमीसिके सहायता कैल होना चाही। ऊ अपने आपके सभे तरहके बढियाँ काम करैके लिए खुदके समर्पण कैल होना चाही।

हिब्रू 13:18

हमरसिके लिए भी प्रार्थना कर्ते र। हमेसब निश्चित रुपसे जानैछियै कि हमरसिके विवेक स्वच्छ छै, आर हमेसब जे भी काम करैछियै उटा सभे चीजमे परमेश्वरके सम्मान करैले चाहैछियै।

हिब्रू 13:5

आपन जीवनके धन-दौलतके लालचसे मुक्त राख आर जे तोरसिकेलगत छौ ओक्रहैमे सन्तुष्ट र, कहिनेकी परमेश्वर खुद ही कहैल्कै छे, “हमे तोरासिके कहियो भी नैछोड्बौ, आर कहियो भी तोरासिके नैत्याग्बौ।”

याकूब 3:13

तोरसिमेसे बुद्धिमान आर ज्ञानी आदमी के छै? यदि तुहेंसब बुद्धिमान आर ज्ञानी छैं ते ज्ञानसे आबेवाला नम्रताके साथ बढियाँ जीवन जिविके देखा।

१ पत्रुस 2:15

कहिनेकी परमेश्वर चाहैछै कि तुहेंसब भला काम कर ताकी तुहें ऊ मूर्ख आदमीसिके तोरसिके विरुद्ध गलत आरोप लगाबैसे रोके सक्हैं जेसब परमेश्वरके नैचिन्हैछै।

१ पत्रुस 3:16

मगर यी विनम्र आर आदरपूर्ण तरिकासे कर। सभे दिन जे बढियाँ छै उहे कर। तब यदि आदमीसब तोरसिके विरुद्धमे खराब बात बोलैछै ते ऊसब लाजमे पड्तै जब ऊसब तोरसिके ख्रीष्ट संगके सम्बन्धके कारण तोरसिके बढियाँ व्यवहार देखैछै।

१ पत्रुस 4:11

उदाहरणके लिए, यदि तोरलगत प्रचार करैके वरदान छौ ते, तोरा परमेश्वरके सन्देशसिके प्रचार करना चाही। यदि तोरलगत दोसर आदमीसिके सहायता करैके वरदान छौ ते, यी उटा सामर्थ्यके साथ कर जे परमेश्वर तोरा दैछौ। तब फेर जे कुछु भी तुहेंसब कर्भैं उटा येशू ख्रीष्टके द्वारा परमेश्वरके महिमा दिलैतै। सभे महिमा आर सामर्थ्य सभे दिनके लिए ओकर छै! आमेन।

२ पत्रुस 3:11

जब कि परमेश्वर जरुर यी सभे चीजसिके नाश करि देतै, जेरं कि हमे एखन कहैलियौ छे, सेल्याके तोरासिके निश्चित रुपसे पवित्र आर ईश्वरीय तरिकासे व्यवहार करना चाही।