१ पत्रुस 2:11 - केवट नया कारार

¹¹ हे प्रिय विश्वासी भ्या-बहिनसब तुहेंसब यी संसारमे परदेशीसब आर यात्रीसिके जुगुर रहैछैं। हमे तोरासिके बिन्ती करैछियौ कि ऊ सभे पापमय इच्छासिसे दूर र, कहिनेकी एरंको इच्छासब आत्माके विरोधमे हमेशा लडैछै।

१ पत्रुस 2:11 Iomraidhean Croise

लूका 21:34

“मगर तुहेंसब आपन विषयमे होशियार र, बहुते भोग-विलासके पाछु नैलाग, नशामे चुर भ्याके नै र आर यी जीवनके चिन्ता-फिकिर नैकर। नैते तुहेंसब सुस्त भ्या जैभैं आर हमे तोरसिके नैसोच्ल दिनमे ऐबौ जे अचानक जानवरके पक्डेवाला फन्दाके जुगुर हैतौ।

चुन्ल आर भेज्ल चेलासब 15:20

मगर ओकरसिके लिए एकटा चिट्ठी लिखिके भेजी देना चाही कि ऊसब आदमीसिके द्वारा मूर्तिके चढैल भोजनके नैखाक, व्यबिचारसे अलग रहक आर घैच मोचारिके मार्ल जानवरके मास आर जानवरके खून नैखाक।

चुन्ल आर भेज्ल चेलासब 15:29

तुहेंसब मूर्तिके बलिदान चढैल भोजन, जानवरके खून, घैच मोचारिके मार्ल जानवरके मास आर व्यबिचारसे अलग रह। यी बातसिसे अलग रहभ ते तोरसिके लिए बढियाँ हैतहौं। बाँकी सब कुशल।

रोमी 12:1

सेल्याके हे विश्वासी भ्या-बहिनसब, अपनासिपर भेल परमेश्वरके दया याद दिल्याके हमे तोरासिके बिन्ती करैछियौ, आपन-आपन जीवनके जिन्दा बलिदानके रुपमे परमेश्वरमे अर्पण कर। तोरसिके बलिदान पवित्र आर परमेश्वरके खुश करेवाला होना चाही। परमेश्वरके आराधना करैके सही तरिका इहे छै।

रोमी 7:23

मगर हमर आपन शरीरके अंगके दोसर नियम हमर हृदय जे नियमके सही मानैछै उटा नियमसे लडै करैछै, आर यी शक्ति हमरा उटा पापके दास बन्या दैछै जे एखन भी हमर शरीरके अंगसिमे छै।

रोमी 8:13

कहिनेकी अगर तुहेंसब पापी स्वभावके मुताबिक जियैछैं ते, तुहेंसब परमेश्वरसे अलग भ्या जैभैं, मगर यदि तुहेंसब परमेश्वरके आत्माके शक्तिसे पापी स्वभावके कामसिके बन्द कर्भैं ते, तुहेंसब जिभैं।

२ कोरन्थी 5:20

सेल्याके अपनासब ख्रीष्टके राजदूतसब छियै। परमेश्वर ओकर सन्देशके स्वीकार करैके लिए आपनसिके द्वारा आदमीसिसे आग्रह करैछै। हमेसब ख्रीष्टके तरफसे तोरासिके निवेदन करैछियौ, कि परमेश्वरके संगे शान्ति कायम कर।

२ कोरन्थी 6:1

परमेश्वरके सहकर्मी हुऐके कारणसे हमे तोरासिके बिन्ती करैछियौ, कि ओकर अनुग्रहके बेकार हुऐले नैदहैं।

२ कोरन्थी 7:1

कहिनेकी हे प्रियसब, परमेश्वर अपनासिके आपन बेटा-बेटीसिके जुगुर स्वीकार करैके लिए एरं प्रतिज्ञा कैल्कै छे, इहे ल्याके अपनासब उटा सभे खराब काम बन्द कर जे तोरसिके शरीर आर आत्माके अशुद्ध बनाबैछै। परमेश्वरके भय मान आर आदर कर। या अपनासब पुरा तरहसे पवित्र हुऐके लिए काम करैछियै।

गलाती 5:24

जब आदमीसब येशू ख्रीष्टसे सम्बन्ध राखैछै ते ऊसब आपन पापमय स्वभावके द्वारा नैचलैछै। ओकरसिके स्वभाव क्रूसमे चढैल जुगुर छै।

एफिसी 2:19

सेल्याके तुहें गैर-यहूदी आदमीसब आब परदेशी नैछैं, मगर विश्वासीसिके संगे तुहेंसब परमेश्वरके आदमीसिके संगे संगी नागरिक आर परमेश्वरके परिवारके सदस्यसब छैं।

एफिसी 4:1

सेल्याके, हमे जे प्रभु येशूके सेवा करैके कारणसे कैदी छियै, तोरासिके बिन्ती करैछियौ कि उटा बोलावटके संगे जकरासे परमेश्वर तोरासिके आपन सन्तान हुऐके लिए बोलैल्कौ छे, ओकर मुताबिक जीवन जी।

२ तिमोथी 2:22

सेल्याके तिमोथी तुहें जवान आदमीसिके आकर्षित करेवाला पापी इच्छासिसे बच। शुद्ध ह्रदयसे परमेश्वरके पुकारा करेवालासिके संगे परमेश्वरके समनामे सही हु, विश्वासमे लाग्ल र, दोसरके प्रेम कर आर शान्तिमे र।

हिब्रू 11:13

यी सभे आदमीसब जेसब परमेश्वरपर भरोसा कैल्कै, उटा चीजसब पैले बिना मरि गेलै जकर प्रतिज्ञा परमेश्वर कैल्कै रहे। मगर ऊसब यी बात आपन मनमे देखल्कै आर आनन्दित रहलै आर ऊसब यी बात बुझी गेलै कि ऊसब यी धर्तीमे खाली अन्ठिया आर परदेशी छियै।

हिब्रू 6:9

हे हमर प्रिय विश्वासी भ्या-बहिनसब! तुहेंसब बढियाँ कामसब करैछैं। कहिनेकी परमेश्वर पहेला ही तोरासिके बच्या लेल्कौ छे। सेल्याके यी चेतावनी तोरसिके लिए नैछौ।

याकूब 4:1

तोरसिके बीचमे लडाई आर झगडा कोन बातसे हैछौ? ऊसब स्वार्थी इच्छासे आबैछै जे तोरसिके भितरमे संघर्ष करैछै।

१ पत्रुस 1:1

हमे, पत्रुस, जे येशू ख्रीष्टके चुन्ल आर भेज्ल चेला छियै, यी चिट्ठी लिखैछियै। हमे यी चिट्ठी परमेश्वरके चुन्ल ऊ आदमीसिके लिखैछियै जे पोन्टस, गलातिया, कापाडोकिया, एशिया प्रदेश आर बेथानियाँ प्रदेशके अलग-अलग सहरमे परदेशीसिके जुगुर रहैछै।

१ पत्रुस 1:17

जब तुहेंसब प्रार्थना करैछैं ते तुहेंसब परमेश्वरके आपन पिता कहैछैं। मगर याद राख कि ऊ पक्षपात नैकरिके हरेक आदमीके ओकर कामके मुताबिक फैसला करैछै। इहे ल्याके जब कि तुहेंसब यी धर्तीपर एकटा परदेशी बनिके रहैछैं ते तोरा ओकर प्रति बहुते सम्मानके साथ जिना चाही।

१ पत्रुस 4:12

हे प्रिय विश्वासी भ्या-बहिनसब, उटा दुःखदायी चीजसिके विषयमे आश्चर्यचकित नैहु जकर कारणसे तुहेंसब दुःख उठाबैछैं कहिनेकी तुहेंसब ख्रीष्टके छैं। मगर यी चीजसब यी देखाबैके लिए हैछै कि तुहें सचमे परमेश्वरमे विश्वास करैछैं। इहे ल्याके यी नैसोच कि तोरसिके संगे कुछु विचित्र हैछौ।

१ पत्रुस 4:2

नतिजा स्वरुप, ऊ आदमी यी धर्तीपर आपन पुरा जीवन आपन पापमय मानवीय इच्छासब पुरा कर्ते नैजितै, मगर ऊ परमेश्वरके चहेल काम कर्तै।

२ पत्रुस 3:1

हे प्रिय विश्वासी भ्या-बहिनसब, हमे तोरासिके यी दोनो चिट्ठी इहे ल्याके लिख्लियौ छे ताकी जे बातसब तुहेंसब पहलहैसे जानैछैं, ओकर विषयमे तोरासिके याद दिलाबैके द्वारा हमे तोरसिके मनसिमे शुद्ध विचारसिके उत्पन्न करे सकियै।