१ पत्रुस 1:8 - केवट नया कारार

⁸ तुहेंसब येशूके कहियो नैदेख्लहैं छे, तैय्योपर तुहेंसब ओकरासे प्रेम करैछैं। सेल्याके तुहेंसब आनन्द आर प्रशंसाके साथ बहुते खुश छैं जकरा शब्दमे बयान नैकैल ज्या सकैछै।

१ पत्रुस 1:8 Iomraidhean Croise

मत्ती 10:37

जे हमरासे बेसी आपन मयाँ या बाबुके प्रेम कर्तै, ऊ हमर चेला बनैके योग्य नैछै। जे हमरासे बेसी आपन बेटा या बेटीके प्रेम करैछै, ऊ हमर चेला बनैके योग्यके नैहैतै।

यूहन्ना 14:15

यदि तुहेंसब हमरा प्रेम करैछैं ते हमर आज्ञाके पालन कर्भैं।

यूहन्ना 14:21

जे हमर आज्ञाके जानैछै आर पालन करैछै, ऊ हमरासे प्रेम करैछै। आर जे हमरासे प्रेम करैछै, ओकरासे हमर परमेश्वर पिता प्रेम कर्तै। आर हम्हुँ ओकरासे प्रेम कर्बै, आर हमे अपने आपके ओकरलगत प्रकट कर्बै।”

यूहन्ना 14:24

हमरा प्रेम नैकरेवाला हमर आज्ञाके पालन नैकर्तै। यी बात जे तुहेंसब एखन सुनैछैं उटा हमे खुद आपन अधिकारसे नैकहैलियै छे। यी बात परमेश्वर पिताके तरफसे ऐलै छे, जे हमरा भेजल्कै छे।

यूहन्ना 16:22

अहिने करिके एखनी तुहेंसब शोक मनाबैछैं, मगर फेर हमे तोरासिके दिखाई देबौ आर तखनी तुहेंसब आनन्दित हैभैं। आर तोरसिके आनन्द कोय छिने नैसक्तौ।

यूहन्ना 20:29

येशू ओकरा कहैल्कै, “तुहें हमरा देखिके विश्वास कैल्हैं छे। धन्य छै ऊसब, जेसब हमरा नैदेखल्कै तैय्योपर विश्वास कैल्कै छे।”

यूहन्ना 8:42

येशू ओकरासिके कहैल्कै, “यदि परमेश्वर तोरसिके पिता हैतियौ ते तुहेंसब हमरासे प्रेम कर्तिहैं, कहिनेकी हमे परमेश्वरके तरफसे ऐलियै छे। हमे आपने तरफसे नै ऐलियै छे, मगर परमेश्वर पिता हमरा भेजल्कै छे।

चुन्ल आर भेज्ल चेलासब 16:34

तकरबाद ऊ ओकरासिके आपन घरमे लज्याके ओकरसिके आगुमे भोजन राखी देल्कै आर सारा घराना समेत परमेश्वरमे विश्वास करिके ऊसब सभेको बहुते आनन्दित भेल रहै।

रोमी 14:17

कहिनेकी आपनसिके जीवनमे परमेश्वरके राज्य ख्या-पियेवाला बातसे सम्बन्धित नैछै, मगर धार्मिकता, शान्ति आर आनन्दसे सम्बन्धित छै जे पवित्र आत्मा दैछै।

रोमी 15:13

हमे प्रार्थना करैछियै कि परमेश्वर जे आशाके दाता छै, ऊ तुहेंसब विश्वास करैके कारणसे तोरासिके पुरा तरिकासे खुशी आर शान्तिके आनन्द लियैके लिए सहायता करौ ताकी पवित्र आत्माके शक्तिसे तोरसिके आशा बढते जौ।

१ कोरन्थी 16:22

यदि कोय प्रभुसे प्रेम नैकरैछै ते ऊ आदमी श्रापित छै, हे हमरसिके प्रभु आब!

२ कोरन्थी 12:4

आर ऊ स्वर्गमे एरंको बातसब सुनल्कै, जे कोनो शब्दसे बयान कैल नै ज्या सकैछै आर जकर विषयमे बताबैके कोनो आदमीके अनुमति नैछै।

२ कोरन्थी 4:18

इहे ल्याके हमरसिके नजर ऊ चीजसिपर टिक्ल नैछै जे दिखाई दैछै, मगर ऊ चीजसिपर नजर टिक्ल छै जे आँखीसे देख्ल नै ज्या सकैछै, कहिनेकी दिखाई दिएवाला चीजसब कुछु देर टिकैछै मगर जे चीज देख्ल नै ज्या सकैछै, ऊ सभे दिनके लिए रहैछै।

२ कोरन्थी 5:7

जब अपनासब एखन यी संसारमे जियैछियै ते, अपनासब विश्वासके द्वारा प्रभुके पाछु चलैछियै, नै कि ओकरा देखिके।

२ कोरन्थी 9:15

या अपनासब परमेश्वरके ओकर बेटाके लिए धन्यवाद दैछियै, एकटा एरंको दान जे शब्दसिमे बताबैके लिए बहुते अदभुद छै।

गलाती 5:22

पवित्र आत्माद्वारा उत्पन्न हुएवाला चरित्रसब यी छियै: प्रेम, आनन्द, शान्ति, धीरज, दया, भलाइ, विश्वस्तता,

गलाती 5:6

कहिनेकी यदि अपनासब ख्रीष्ट येशूके संगे एक छियै ते आपनसिके खतना भेल छै या नैभेल छै यी बात महत्वपूर्ण नैछै। मगर महत्वपूर्ण बात यी छै कि अपनासब ख्रीष्टके आपन उद्धारकर्ताके रुपमे विश्वास करैछियै, आर परमेश्वर आर दोसर आदमीसिके प्रति प्रेम राखैछियै।

एफिसी 3:19

हमे प्रार्थना करैछियै कि तुहेंसब यी बात जाने सक्हैं कि ख्रीष्ट अपनासिके कतनें प्रेम करैछै ताकी परमेश्वर तोरासिके ओकर चरित्रसे भरे सकौ।

एफिसी 6:24

परमेश्वर ओकरासिके सभैके आपन अनुग्रह देखाबै जेसब आपनसिके प्रभु येशू ख्रीष्टसे कहियो खतम नैहुएवाला प्रेम करैछै।

फिलिप्पी 1:25

यी बातमे हमे निश्चित छियै। सेल्याके हमे जानैछियै कि हमे जिन्दा रहबै आर तोरसिके सभैके संगे रहबै, आर विश्वासमे मजगुत हुऐले आर एकरामे आनन्दित हुऐले हमे तोरसिके सहायता कर्बौ।

फिलिप्पी 3:3

कहिनेकी परमेश्वरके आत्मामे आराधना करेवाला, ख्रीष्ट येशूमे गर्व करेवाला आर आपने मानव प्रयासमे भरोसा नैराखेवाला अपनासब ही छियै, जेसब वास्तवमे ही परमेश्वरके आदमीसब छियै।

फिलिप्पी 4:4

प्रभुमे सभे दिन आनन्दित र, हमे फेर कहैछियौ आनन्दित र।

हिब्रू 11:1

यदि अपनासब परमेश्वरमे सच्चेके भरोसा करैछियै ते, अपनासब निश्चित हैछियै कि अपनासब आपन आशा कैल बात पैबै। आपनसिके भरोसाके कारणसे, अपनासब निश्चित छियै कि अपनासब एखनतक देखे नैसकेवाला चीज भी सच छै।

हिब्रू 11:27

विश्वासेद्वारा राजाके क्रोधसे नै डर्याके ऊ मिश्र देशके छोडी देल्कै। कहिनेकी कठिनाईसिके सामना कैलके बाद भी, ऊ फेर वापस नैभेलै कहिनेकी मान कि यी एरं रहै जेरं कि ऊ परमेश्वरके देखल्कै रहे, जे अदृश्य छै।

१ पत्रुस 1:6

तुहेंसब यी सभे चीजसिके बारेमे खुशी हुए पडैछै, एखन कुछु समयके लिए तोरासिके विभिन्न किसिमके तकलीफ भोगे पडैछौ।

१ पत्रुस 2:7

यी पत्थल तोरसिके लिए बहुते किमती छौ जे येशू ख्रीष्टमे विश्वास करैछैं। मगर जे आदमीसब ओकरापर विश्वास नैकरैछै ओकरसिके विषयमे धरमशास्त्र कहैछै कि, “राज मिसतिरीसब जेटा पत्थलके प्रयोग करैसे इन्कार करिदेल्कै, उटा पत्थल इमारतके जगके सभैसे महत्वपूर्ण पत्थल बनी गेलै छे।”

१ पत्रुस 5:4

जब येशू ख्रीष्ट फेर वापस ऐतै, जे आपनसिके प्रमुख चरवाहा छै, तब तोरासिके एकटा सुन्दर मकुट देतौ, जकर चमक कहियो कम नैहैतै।