१ पत्रुस 1:6 - केवट नया कारार

⁶ तुहेंसब यी सभे चीजसिके बारेमे खुशी हुए पडैछै, एखन कुछु समयके लिए तोरासिके विभिन्न किसिमके तकलीफ भोगे पडैछौ।

१ पत्रुस 1:6 Iomraidhean Croise

मत्ती 11:28

हे सभेको मेहनत करेवाला आर बोझसे दब्ल आदमीसब, हमरलगत या, हमे तोरासिके विश्राम देबौ।

मत्ती 26:37

तब ऊ आपन संगमे पत्रुस आर जब्दियाके दीटा बेटासिके ल्यागेलै आर ऊ बहुते उदास आर व्याकुल हुए लाग्लै।

मत्ती 5:12

तब तुहेंसब खुब खुशी आर आनन्दित हु। कहिनेकी तोरसिके लिए स्वर्गमे बहुते बडका इनाम राख्ल छौ। तोरसिसे बहुते पहेला ऐल पुरना जमानाके परमेश्वरके वक्तासिके अहिने करिके आदमीसब दुःख द्याके सतैल्कै रहे।”

लूका 1:47

आर हमर आत्मा उद्धारकर्ता परमेश्वरमे आनन्द करैछै।

लूका 10:20

तैय्योपर भूतसब तोरसिके आज्ञा मानैछै कहिके खुशी नैहु, मगर तोरसिके नाम स्वर्गमे लिख्ल छै कहिके खुशी हु।”

लूका 2:10

तब स्वर्गदूत ओकरासिके कहैल्कै, “नैडर! कहिनेकी हमे सभे आदमीसिके आनन्द दिएवाला खुश-खबरी ल्याके तोरासिके सुनाबैले ऐलियै छे।

यूहन्ना 16:22

अहिने करिके एखनी तुहेंसब शोक मनाबैछैं, मगर फेर हमे तोरासिके दिखाई देबौ आर तखनी तुहेंसब आनन्दित हैभैं। आर तोरसिके आनन्द कोय छिने नैसक्तौ।

यूहन्ना 16:33

हमे यी सभे बात तोरासिके यी कारणसे कहैलियौ छे, कि हमरामे तोरासिके शान्ति हौ कहिनेकी तुहें हमरसंगे रहैछैं। संसारमे तोरासिके संकट हैतौ, मगर हिम्मत कर, हमे यी संसारके शासक यानी शैतानके पराजित करि देलियै छे।”

चुन्ल आर भेज्ल चेलासब 14:22

ऊसब सभे सहरमे चेलासिके मनके मजगुत बनैते रहलै आर यी उपदेश दै कि आपन विश्वासमे स्थिर र, आर यी कहै, “अपनासिके बहुते कष्ट सहिके परमेश्वरके राज्यमे प्रवेश करे पड्तै।”

रोमी 12:12

आपनसिके संगे भेल आशामे आनन्दित र। संकटमे धीरज धारण कर, प्रार्थनामे सभे दिन लाग्ल र।

रोमी 5:11

खाली एतनें ही नै आब आपनसिके प्रभु येशू ख्रीष्टद्वारा परमेश्वरसे आपनसिके मिलाप भ्यागेलै छे, इहे ल्याके अपनासब परमेश्वरमे आनन्दित छियै।

रोमी 5:2

आपनसिके विश्वासके कारण, ख्रीष्ट अपनासिके यीटा अनुग्रहमे आनल्कै छे जते अपनासब एखन खडा छियै, आर अपनासब निश्चय आर आनन्दके साथ परमेश्वरके महिमामे सामिल हुऐके आशा करैछियै।

२ कोरन्थी 4:17

कहिनेकी हमरसिके समस्या छोटका छै आर बहुते लम्बा समयतक नैरहतै। कहिनेकी एकर परिणाम कहियो खतम नैहुएवाला महिमा हैतै, जे ऊ सभैसे बहुते बेसी हैतै जकर हमेसब कल्पना करे सकैछियै।

२ कोरन्थी 6:10

हमरसिके लगत दुःखके समय रहै, मगर सभे दिन आनन्दित रहैछियै। हमेसब खुद ते कंगाल छियै, मगर बहुते आदमीसिके आत्मिक रुपसे मातबर बन्या दैछियै। हमरसिके लगत आपन कुछु नैहैते पर भी सभे कुछु छै।

गलाती 5:22

पवित्र आत्माद्वारा उत्पन्न हुएवाला चरित्रसब यी छियै: प्रेम, आनन्द, शान्ति, धीरज, दया, भलाइ, विश्वस्तता,

फिलिप्पी 2:26

कहिनेकी तोरसिके सभैके भेट करैके लिए ऊ बहुते इच्छा कैल्कौ छे, आर यी बातसे चिन्तित छौ कि तुहेंसब ऊ बेमार भेल बात सुनी लेल्हैं छे।

फिलिप्पी 3:3

कहिनेकी परमेश्वरके आत्मामे आराधना करेवाला, ख्रीष्ट येशूमे गर्व करेवाला आर आपने मानव प्रयासमे भरोसा नैराखेवाला अपनासब ही छियै, जेसब वास्तवमे ही परमेश्वरके आदमीसब छियै।

फिलिप्पी 4:4

प्रभुमे सभे दिन आनन्दित र, हमे फेर कहैछियौ आनन्दित र।

१ थेसलोनिकी 1:6

बहुते कष्ट भेलपर भी पवित्र आत्माके देल सन्देशके तुहेंसब आनन्दके साथ स्वागत कैल्हैं। तुहेंसब हमरसिके आर प्रभुके उदाहरणके अनुसरण कैल्हैं।

याकूब 1:2

हे हमर विश्वासी भ्या-बहिनसब, जब तोरासिपर अनेक किसिमके जाँच करेवाला आपद-विपदसब ऐतौ ते एकरा बडका आनन्दके बात समझ।

याकूब 1:9

विश्वासी जेसब गरिब छै ओकरासिके खुश हुए पड्तै कि परमेश्वर ओकरासिके आदर कैल्कै छे।

याकूब 4:9

तोरसिके पापके कारण दुःखी हु, शोक कर, आर कान। तोरसिके हसनी शोकमे, आर तोरसिके आनन्द उदासीमे बदली जौ।

१ पत्रुस 3:17

तुहेंसब बढियाँ कामसब कैल पर भी परमेश्वर कहियो-कहियो तोरासिपर परेशानी आर दरद आबैले दिए सकैछै। मगर खराब कामसब करैके कारणसे समस्या आर दरद भोगैसे यी बढियाँ छै।

१ पत्रुस 4:7

सभे चीजके अन्त नज्दिक ऐल छै, सेल्याके तुहेंसब सचेत र आर अपने आपके वशमे राख ताकी तुहेंसब प्रार्थना करे सक्हैं।

१ पत्रुस 5:10

परमेश्वर जे पूर्ण रुपसे अनुग्रहकारी छै, आपनसिके ख्रीष्टके संगे भेल सम्बन्ध हुऐके कारण आपन अनन्त महिमामे अपनासिके साझेदार हुऐके लिए बोलैल्कै छे। तुहेंसब कुछु समयके लिए कष्ट भोग्लके बाद परमेश्वर तोरासिके बढियाँ बनैतौ ताकी तोरासिमे कोनो दोष नैरहौ आर येशू तोरसिके हृदयके मजगुत बनैतौ आर ओकरापर तोरसिके भरोसाके वास्तवमे स्थिर बन्या देतौ।