१ पत्रुस 1:3 - केवट नया कारार

³ आपनसिके प्रभु येशू ख्रीष्टके पिता आर परमेश्वरके धन्यवाद है। परमेश्वर आपनसिके प्रति आपन बडका दयासे अपनासिके एकटा नया जीवन देल्कै छे। कहिनेकी परमेश्वर येशू ख्रीष्टके मुर्दासे जिन्दा बनैल्कै, ऊ अपनासिके बहुते आत्मविश्वासके साथ जियैके योग्य बनैल्कै छे, यानिकी अपनासब उटा चीजसिके प्राप्त करैके पुरा आशा करे सकैछियै जे ऊ अपनासिके दियैके प्रतिज्ञा कैल्कै छे।

१ पत्रुस 1:3 Iomraidhean Croise

यूहन्ना 1:13

ऊसब मयाँ-बाबुसे नैजन्मलै छे, आदमीके इच्छासे या कोनो एकटा आदमीके सन्तान पाबैके इच्छासे नै मगर परमेश्वरसे जनमल हैछै।

रोमी 12:12

आपनसिके संगे भेल आशामे आनन्दित र। संकटमे धीरज धारण कर, प्रार्थनामे सभे दिन लाग्ल र।

रोमी 15:13

हमे प्रार्थना करैछियै कि परमेश्वर जे आशाके दाता छै, ऊ तुहेंसब विश्वास करैके कारणसे तोरासिके पुरा तरिकासे खुशी आर शान्तिके आनन्द लियैके लिए सहायता करौ ताकी पवित्र आत्माके शक्तिसे तोरसिके आशा बढते जौ।

रोमी 4:25

येशू आपनसिके पापके लिए मर्लै आर परमेश्वर अपनासिके धर्मी घोषित करैके लिए येशूके मुर्दासे जिन्दा बनैल्कै।

रोमी 5:10

कहिनेकी जब अपनासब परमेश्वरके दुश्मनसब रहियै, ऊ आपन बेटाके मौतके द्वारा परमेश्वर आपनसिसे मिलाप कैल्कै। इहे ल्याके अपनासब निश्चित रुपसे यी जाने सकैछियै कि आब जब कि आपनसिके ओकरसंगे मिलाप छै ते ऊ अपनासिके बचैतै कहिनेकी ख्रीष्ट जिन्दा छै।

रोमी 8:11

परमेश्वर येशू ख्रीष्टके मुर्दासे जिन्दा बनैल्कै। आर परमेश्वरके आत्मा आब तोरासिमे बास करैछौ आर ऊ तोरासिके भी आपन आत्माके द्वारा मुर्दासे फेर जिन्दा बनैतौ।

रोमी 8:24

आब जब परमेश्वर अपनासिके बचैल्कै छे ते, आपनसिके लगत उटा हुएवाला महिमाके आशा छै। मगर जब तुहेंसब कुछु पाबैके इच्छा करैछैं जे तोरसंगे पहलहैसे छौ ते, उटा आशा नैछै। कोनो आदमी भी उटा चीज पाबैके इच्छा नैकरैछै जे ओकरलगत पहलहैसे छै।

१ कोरन्थी 13:13

सेल्याके, आब अपनासिके यी तीन प्रकारके कामसिके करना चाही: परमेश्वरपर विश्वास करना, परमेश्वरके प्रतिज्ञामे आशा राखना आर दोसर आदमीसिसे प्रेम करना। मगर यी तीनटामे से एकटा छै जे वास्तवमे सबसे बडका छै: दोसर आदमीसिसे प्रेम करना।

१ कोरन्थी 15:20

मगर सच यी छै कि वास्तवमे परमेश्वर ख्रीष्टके मुर्दासे जिन्दा बनैल्कै छे। ऊ पहेला व्यक्ति छै जकरा मुर्दासे जिन्दा बनैल गेलै आर उहे ही सबूत छै कि परमेश्वर ऊ आदमीसिके भी जिन्दा बनैतै, जे मरि गेलै छे।

२ कोरन्थी 1:3

आपनसिके प्रभु येशू ख्रीष्टके पिता आर परमेश्वरके प्रशंसा है। जे दयाके पिता आर सान्त्वना दिएवाला परमेश्वर छै।

गलाती 6:16

जे आदमीसब यी नियमके पालन करैछै, परमेश्वर ओकरासिके सभैके आपन शान्ति देतै आर ओकरासिपर दया कर्तै, आर ओकरासिके आशिष देतै। आर ऊसब परमेश्वरके आदमीसब छै।

एफिसी 1:17

हमे प्रार्थना करैछियै कि परमेश्वर, आपनसिके प्रभु येशू ख्रीष्टके महिमामय पिता, तोरासिके आत्मिक ज्ञान आर समझ दौ आर तोरा यी समझैके लिए सहायता करौ कि परमेश्वरके जानैके मतलब कि छै।

एफिसी 1:3

आपनसिके प्रभु येशू ख्रीष्टके पिता परमेश्वरके प्रशंसा है। ख्रीष्टके संगे आपनसिके सम्बन्धके कारण स्वर्गसे आबेवाला आशीर्वादसब द्याके ऊ अपनासिके सभे तरिकासे आत्मिक आशिष देल्कै छे।

एफिसी 1:7

ख्रीष्टके खून बहैल जैके कारणसे आपनसिके छुटकारा भेलै छे। यानिकी, आपनसिके पाप माफ कैल गेलै छे। परमेश्वरके अनुग्रह बहुते ही महान छै जे ऊ अपनासिके प्रशस्त करिके देल्कै छे।

एफिसी 2:4

मगर परमेश्वर जे बहुते दयालु छै, ऊ आपन अपार प्रेमसे अपनासिके प्रेम कैल्कै।

एफिसी 3:20

आब परमेश्वरके महिमा है! ओकर अदभुद शक्तिके द्वारा जे आपनसिके भितरमे काम करैछै, ऊ अपार रुपसे आपनसिके आशा कैल आर माँगैसे बेसी काम पुरा करैके योग्य छै।

कलस्सी 1:23

ख्रीष्टमे तोर विश्वास अटल जगमे बनैल घरके जुगुर मजगुत बना। आर तोरसिके सुन्ल खुश-खबरीके आशासे पाछु नैहट्। इहे खुश-खबरीके बारेमे आकाशके निच्चामे भेल सभैके प्रचार कैल गेलै आर हमे, पावल, इहे खुश-खबरी सुनाबेवाला सेवक भेलियै छे।

कलस्सी 1:27

परमेश्वर आपन आदमीसिके लिए यी रहस्य प्रकट करैके निर्णय कैल्कै ताकी ऊसब जानी जै कि ओकर योजना, जे जात-जातके आदमीसिके लिए छै से कतनें अदभुद आर महिमामय छै। ऊ रहस्य खुद ख्रीष्ट ही छै, जे तोरासिमे छौ। आर उहे यी बातके आशाके आधार छै कि तुहेंसब परमेश्वरके महिमामे सहभागी हैभैं।

१ थेसलोनिकी 1:3

आर जब हमेसब आपनसिके परमेश्वर पितासे प्रार्थना करैछियै, विश्वासके खातिर तोरसिके कैल कामसब, विश्वासीसिके प्रेम देखाबैके लिए कैल तोरसिके कडा मेहनत आर प्रभु येशू ख्रीष्टके दोसर आगमनके आशामे तोरसिके भोग्ल सतावटके हमेसब निरन्तर याद करैछियौ।

१ थेसलोनिकी 4:13

हे हमर विश्वासी भ्या-बहिनसब, तुहेंसब यी जान कहिके हमेसब चाहैछियै कि ऊ विश्वासीसिके कि हैतै जे पहेला ही मर्ल छै। एरं नैहै कि तुहें दोसर आदमीसिके जुगुर शोक कर कहिनेकी ऊसब मर्लके बाद फेर जिन्दा हैतै कहिके ओकरासिके आशा नैहैछै।

२ थेसलोनिकी 2:16

हमेसब आपन प्रभु येशू ख्रीष्ट आर परमेश्वर पितासंगे प्रार्थना करैछियै जे अपनासिके प्रेम कैल्कै आर जे आपन अनुग्रहसे अपनासिके कहियो खतम नैहुएवाला उत्साह आर दृढ आशा देल्कै।

१ तिमोथी 1:14

आपनसिके प्रभु हमरा ओकर अपार अनुग्रह निरन्तर देखैल्कै। ऊ हमरा विश्वास करैके क्षमता आर दोसर आदमीसिके प्रति प्रेम देल्कै कहिनेकी हमे येशू ख्रीष्टसंगे एकतामे रहियै।

तीतस 2:13

हमेसब एरंके व्यवहार करैछियै जब आपनसिके आशा कैल उटा सुन्दर दिनके लिए हमेसब उम्मीदके साथ इन्तजार करैछियै: उटा दिन जब आपनसिके महान परमेश्वर आर उद्धारकर्ता येशू ख्रीष्ट आपन सारा महिमाके साथ धर्तीपर फेर वापस ऐतै।

हिब्रू 3:6

ख्रीष्ट एकटा बेटाके रुपमे आपन परिवारमे विश्वासयोग्य छै आर उटा परिवार अपनासब खुद छियै। यदि आपनसिके संगे साहास छै आर ख्रीष्टमे भेल आशामे भरोसा छै आर अन्ततक स्थिर छियै ते अपनासब परमेश्वरके परिवारके आदमीसब छियै।

याकूब 1:18

परमेश्वर आपने इच्छासे सच्चाईके वचनके द्वारा अपनासिके नया जीवन दियैके निर्णय कैल्कै छे, ताकी जेरंके फसलके पहेला अनाज सभैसे महत्वपूर्ण अंश हैछै ओहिने करिके अपनासब भी ओकर बनैल सभे चीजके महत्वपूर्ण भाग हुए सकियै।

१ पत्रुस 1:13

सेल्याके सचेत र कि तुहेंसब कि करेवाला छैं आर होशियार र। उद्धार पाबैके आशा कर, जे अनुग्रहसे आबैछै, जे तोरासिके येशू ख्रीष्ट यी संसारमे फेर वापस आबैके दिनमे देल जैतौ।

१ पत्रुस 1:21

ख्रीष्टके कैल कामद्वारा परमेश्वरपर तोरसिके भरोसा छौ, जे ख्रीष्टके मुर्दासे जिन्दा बन्याके महिमा देल्कै, ताकी तोरसिके आशा आर विश्वास परमेश्वरमे रहौ।

१ पत्रुस 1:23

कहिनेकी तुहेंसब परमेश्वरसे नया जीवन पैल्हैं छे। तुहेंसब यी जीवन नाश हुएवाला चीजसे नैपैल्हैं छे मगर सभे दिन रहेवाला चीजसे पैल्हैं छे। अपनासब यी नया जीवन जिन्दा आर कहियो खतम नैहुएवाला परमेश्वरके वचनसे पैल्हैं छे।

१ पत्रुस 2:2

जेरंके नवजात शिशु आपन मयाँके शुद्ध दुधके ललसा करैछै, ओहिने करिके तोरा परमेश्वरके वचन सिखैके इच्छा राखना चाही ताकी तुहेंसब आत्मिक रुपसे परिपक्क बने सक्हैं। तब अन्तमे, परमेश्वर तोरा यी संसारके खराब चीजसिसे पूर्ण रुपसे बच्या लेतौ।

१ पत्रुस 3:15

मगर तोरसिके हृदयमे ख्रीष्टके लिए श्रद्धा राख। आर ओकरा प्रभुके रुपमे आदर कर। आर सभे विश्वासीसब साझेदार हुएवाला आशाके बारेमे कोय भी पुछतौ ते जबाब दियैके लिए सभे दिन तैय्यार र।

१ पत्रुस 3:21

पहेलाके समयमे ओकरसिके बचैल जाना आब आपनसिके बचैल जानाके एकटा उदाहरण छै जब अपनासब बप्तिस्मा लैछियै। ऊ पानी जकरामे अपनासब बप्तिस्मा लैछियै, ऊ आपनसिके शरीरसे मैल नैहटाबैछै, मगर यी एकटा चिन्ह छै कि अपनासब परमेश्वरसे माफी माँग्लियै छे, ताकी आगु चलिके आपनसिके मन परेशान नैरहै। अपनासिके माफी कैल ज्या सकैछै कहिनेकी येशू ख्रीष्ट मौतके बाद फेरसे मुर्दासे जिन्दा भेलै छे,

१ पत्रुस 3:5

बहुते समय पहेलाके जनानीसब जेसब परमेश्वरमे विश्वास कर्ते रहै आर ओकरामे आपन आशा राखल्कै रहे, ऊसब आपन पतिसिके आज्ञापालन करिके खुदके सुन्दर बनैते रहै।

१ यूहन्ना 2:29

यदि तुहेंसब जानैछै कि ख्रीष्ट परमेश्वरके नजरमे जे सही छै उहे काम करैछै ते यी बात भी जानैछैं कि जे कोय परमेश्वरके नजरमे जे सही छै उहे काम करैछै ऊसब परमेश्वरके बेटा-बेटीसब छै।

१ यूहन्ना 3:3

हरेक आदमी जे यी आशा करैछै कि ऊ ख्रीष्टके जुगुर हैतै, ऊसब खुदके हरेक पापसे दूर राखे पडैछै।

१ यूहन्ना 3:9

जेसब परमेश्वरके बेटा-बेटीसब छै ऊसब निरन्तर पाप कर्ते नैरहैछै, कहिनेकी परमेश्वरके स्वभाव ओकरामे रहैछै, आर ऊ पाप कर्हैले नैसकैछै, कहिनेकी ऊ परमेश्वरके बेटा-बेटीसब छै।

१ यूहन्ना 4:7

हे प्रिय दोस्तसब, अपनासब एक-दोसरके निरन्तर प्रेम कर, कहिनेकी प्रेम परमेश्वरसे आबैछै। जे कोय दोसरसे प्रेम करैछै, ऊ परमेश्वरके बेटा-बेटी छै आर ऊ आदमी परमेश्वरके चिन्हैछै।

१ यूहन्ना 5:1

येशू ही ख्रीष्ट छै कहिके विश्वास करेवाला सभेको परमेश्वरके बेटा-बेटीसब छै। जे परमेश्वर पिताके प्रेम करैछै ऊ ओकर बेटा-बेटीसिके भी प्रेम करैछै।

१ यूहन्ना 5:18

हमेसब जानैछियै कि परमेश्वरके बेटा-बेटी कोय भी निरन्तर पाप कर्ते नैरहैछै, कहिनेकी परमेश्वरके बेटा, येशू ओकरा सुरक्षित राखैछै आर शैतान ओकरा हानी करे नैसकैछै।

१ यूहन्ना 5:4

कहिनेकी विजयके लिए ख्रीष्टमे भरोसा राखिके परमेश्वरके हरेक बेटा-बेटीसब यी दुष्ट संसारके पराजित कैल्कै छे। आर अपनासब यी दुष्ट संसारके आपनसिके विश्वासद्वारा पराजय करे सकैछियै।