१ पत्रुस 1:22 - केवट नया कारार

²² कहिनेकी तुहेंसब सचके पालन करिके शुद्ध भेल छैं, आब तोरासिके आपन विश्वासी भ्या-बहिनसिके निष्कपट प्रेम करे पडैछै। तुहेंसब एक दोसरके पुरा हृदयसे बहुते गहरा प्रेम कर।

१ पत्रुस 1:22 Iomraidhean Croise

यूहन्ना 15:17

हमे तोरासिके यी आज्ञा देलियौ छे, ताकी तुहेंसब आपसमे एक दोसरसे प्रेम कर।”

यूहन्ना 15:3

हमर कहेल शिक्षासे तुहेंसब पहलहै शुद्ध भ्या गेल्हैं छे।

यूहन्ना 17:17

तोर वचन सच छै। ओकरासिके सच्चाईमे आपन लिए अलग कर।

यूहन्ना 17:19

ओकरसिके लाभके खातिर हमे खुदके पवित्र बनाबैछियै, ताकी उहोसब सच्चाई द्वारा पवित्र बने सकै।”

चुन्ल आर भेज्ल चेलासब 15:9

आर विश्वासके द्वारा ओकरसिके मन शुद्ध बन्याके अपनासिमे आर ओकरासिमे कोनो भेदभाव रहैले नैदेल्कै।

चुन्ल आर भेज्ल चेलासब 6:7

एरंके परमेश्वरके वचन फैल्ले गेलै आर चेलासिके संख्या यरूशलेम सहरमे बहुते बढ्ते गेलै। आर बहुते यहूदी पुजारीसब भी येशू ख्रीष्टमे विश्वासके यी सन्देशके स्वीकार कैल्कै।

रोमी 1:5

अपनासिके परमेश्वरसे अनुग्रह मिल्लै छे आर येशू ख्रीष्टके द्वारा चुन्ल आर भेज्ल चेलाके काम मिल्लै छे ताकी जात-जातके आदमीसब ख्रीष्टमे विश्वास करे सकै आर ओकर आज्ञापालन करे सकै। यी ओकर नामके लिए आदर आन्तै।

रोमी 2:8

मगर जेसब स्वार्थी छै आर सचके नैमानैछै, मगर कुकर्मके पालन करैछै, ओकरासिपर परमेश्वर आपन क्रोध आर गोस्सा देखैतै।

रोमी 8:13

कहिनेकी अगर तुहेंसब पापी स्वभावके मुताबिक जियैछैं ते, तुहेंसब परमेश्वरसे अलग भ्या जैभैं, मगर यदि तुहेंसब परमेश्वरके आत्माके शक्तिसे पापी स्वभावके कामसिके बन्द कर्भैं ते, तुहेंसब जिभैं।

२ कोरन्थी 6:6

हमेसब यी सभे बातके सामना शुद्ध मनसे, ज्ञानसे, धीरज आर दयाके साथ करैछियै। हमेसब यी काम पवित्र आत्माके अनुसरण करैके द्वारा आर सच्चा प्रेमके द्वारा करैछियै।

गलाती 3:1

तुहें, हे गलातिया प्रदेशके विश्वासीसब तोरसिके दिमाग खराब भ्या गेलौ छे, कहिनेकी हमे तोरासिके एतनें साफसे वर्णन कैलियौ कि येशू ख्रीष्ट क्रूसपर कहिने मर्लै, ते फेर तुहेंसब उटा बातसे केरंके दूर ज्या सकैछैं। कोय जरुर तोरासिके धोखा देल्कौ छे।

गलाती 5:5

हमे एरं कहे सकैछियै कहिनेकी अपनासिके पवित्र आत्माके द्वारा पुरा आशा मिल्ल छै कि परमेश्वर अपनासिके धर्मी घोषित कर्तै कहिनेकी अपनासब ख्रीष्टमे विश्वास करैछियै।

गलाती 5:7

तुहेंसब ख्रीष्टके संगे आपन सम्बन्धमे एतनें बढियाँसे उन्नति कर्ते रहैं। तोरासिके खुदके कक्रहौ भी प्रभावित नैकरैले देना रहौ कि आब तुहेंसब ख्रीष्टके विषयके सच्चा सन्देशपर विश्वास नैकरैछैं।

एफिसी 4:3

यी काममे आपन सबसे बढियाँ कोशिश कर ताकी तुहेंसब लगातार मेल-मिलापमे र, कहिनेकी तुहेंसब पवित्र आत्माद्वारा एक बनैल गेल्हैं छे।

फिलिप्पी 1:9

हमर प्रार्थना इहे छै कि सचके ज्ञान आर बुद्धि-विवेकके साथ एक दोसरके लिए तोरसिके प्रेम लगातार बढ्ते रहौ।

१ थेसलोनिकी 3:12

आर हमेसब प्रार्थना करैछियै कि जेरंके हमेसब तोरसिसे प्रेम करैछियौ, ओहिने करिके तोरसिके प्रेम एक दोसरके प्रति आर सभे आदमीसिके लिए बढते आर उमडते रहौ।

२ थेसलोनिकी 1:3

हे विश्वासी भ्या-बहिनसब, तोरसिके लिए सभे दिन हमरासिके परमेश्वरके धन्यवाद चढाना चाही, आर यी करना हमरसिके लिए उचित छै, कहिनेकी तुहेंसब निरन्तर येशू ख्रीष्टमे विश्वास करैछैं आर एक दोसरप्रतिके तोरसिके प्रेम भी बढते गेलौ छे।

२ थेसलोनिकी 2:13

हे विश्वासी भ्या-बहिनसब, एत्ते तोरसिके लिए परमेश्वरके समनामे हमरसिके सभे दिन धन्यवाद देना सही छै। तुहेंसब प्रभुके प्यारा छैं, कहिनेकी परमेश्वर संसारके सृष्टिके शुरुसे ही पवित्र आत्माद्वारा तोरासिके पापसे अलग करिके आर येशू ख्रीष्टके बारेमे सच्चा सन्देशमे विश्वास करैके कारण उद्धारके लिए चुनी लेल्कौ छे।

१ तिमोथी 1:3

तिमोथी, तोरा मालुम छौ कि एफिसस सहरमे गलत बात सिखाबेवाला कुछु आदमीसब छै। ऊसब निरन्तर झुट्ठा शिक्षासब आर बाप-पुर्खासिके लम्बा सूचीसब सिखाबैछै। जब हमे एफिसस सहरसे माकेडोनिया प्रदेशमे जैके लिए तैय्यार रहियै, हमे तोरासिके एफिसस सहरमे रहैके लिए आर ओकरासिके ओरं शिक्षा नैदियैके लिए बताबैके लिए बिन्ती कैलियौ। जब ऊसब ओरंको बातसब सिखाबैछै, नतिजा यी छै कि आदमीसब उटा बातके विषयमे बहस करैछै। ऊ शिक्षकसब परमेश्वरके देल काम नैकरैछै, जे काम ऊसब परमेश्वरमे भरोसा राखिके खाली करे सकैछै।

१ तिमोथी 1:5

यी आदेश दियैके मकसद यी छै कि तुहेंसब एक दोसरके साफ मन, बढियाँ विवेक आर सच्चा विश्वाससे प्रेम करे सक्हैं।

१ तिमोथी 4:12

एरंको व्यवहार कर कि कोय भी तोरासिके अनादर नैकरौ कहिनेकी तुहेंसब जवान छैं, मगर तोरसिके बोल्ल वचनद्वारा, तोरसिके व्यवहारद्वारा, दोसर आदमीसिके प्रति प्रेमद्वारा, ख्रीष्टमे तोरसिके भरोसाद्वारा आर तोरसिके पापरहित जीवनद्वारा विश्वासीसिके लिए तोरासिके एकटा उदाहरण बने पड्तौ।

१ तिमोथी 5:2

तुहेंसब बुढ जनानीसिके आपने मयाँके जुगुर व्यवहार कर आर जवान जनानीसिके आपन बहिनके जुगुर व्यवहार कर। यी कामसब शुद्ध ह्रदयसे करिहैं।

२ तिमोथी 1:14

अपनासिमे रहेवाला पवित्र आत्माके द्वारा तोरा सौंप्ल परमेश्वर तोरा देल सन्देशके रक्षा कर।

हिब्रू 11:8

विश्वासेद्वारा जब परमेश्वर अब्राहमके एकटा जगहमे जैके लिए बोलैल्कै ते आज्ञापालन करिके एरं जगहमे निक्लीके चल गेलै, जे जगह परमेश्वर उत्तराधिकारके रुपमे ओकरा पाछु देतियै, आर कते जाना छै से बात मालुम नैभेल पर भी आपन देश छोडिके बिदा भ्यागेलै।

हिब्रू 13:1

भ्या आर बहिनसिके रुपमे एक-दोसरसे प्रेम कर्ते र।

हिब्रू 5:9

परमेश्वर मल्किसदेकके जुगुर ओकरा प्रधान पुजारीके सम्मान देल्कै, जब ऊ आपन मकसद पुरा कैल्कै आर ऊ सभे आदमीसिके लिए जेसब ओकर आज्ञापालन करैछै कहियो खतम नैहुएवाला उद्धारके स्रोत बनी गेलै।

हिब्रू 6:10

जेरं तुहेंसब बढियाँ काम कैल्हैं छे आर एखन भी तुहें परमेश्वरके नाममे परमेश्वरके आदमीसिके लिए प्रेमके साथ सेवाके काम करैछैं, सेल्याके परमेश्वर तोरासिके नै भुल्तौ। कहिनेकी ऊ धर्मी छै।

हिब्रू 9:14

मगर ख्रीष्ट पापरहित रहै, आर ऊ अपने आपके परमेश्वरके लिए एकटा कहियो खतम नैहुएवाला आर आत्मिक बलिदानके रुपमे दान चढ्या देल्कै। इहे कारणसे ओकर खून बहुते बेसी शक्तिशाली छै आर आपनसिके विवेकके शुद्ध बनाबैछै। आब अपनासब जिन्दा परमेश्वरके सेवा करे सकैछियै आर ऊ चीजसिके नैकरैछियै जे मौतके तरफ ल्याजैछै।

याकूब 1:21

सेल्याके सभे तरहके गन्दा आचरण आर दुष्ट व्यवहार बन्द करिके नम्रतासे परमेश्वरके वचनके स्वीकार कर जे तोरसिके हृदयमे रोप्ल छौ आर जे तोरसिके जीवनके कहियो खतम नैहुएवाला सजायसे बचाबे सकैछै।

याकूब 4:8

परमेश्वरके नज्दिक या आर ऊ भी तोरसिके नज्दिक ऐतौ। हे पापीसब! आपन जीवनसे पापके दूर कर। निर्णय करैले नैसकेवाला आदमीसब! तोरसिके हृदय शुद्ध कर।

१ पत्रुस 1:2

परमेश्वर पिता बहुते पहेला ही तोरासिके आपन आदमी बनाबैके लिए आर पवित्र आत्माके कामके द्वारा तोरासिके पवित्र बनाबैले चुनैके फैसला कैल्कै रहे। ऊ एरं इहे ल्याके कैल्कै ताकी तुहेंसब येशू ख्रीष्टके आज्ञापालन करहैं आर ओकर खूनके द्वारा शुद्ध हुए सक्हैं। हमे प्रार्थना करैछियौ कि परमेश्वर तोरासिके बहुते अनुग्रह आर शान्ति दौ।

१ पत्रुस 2:17

सभे आदमीसिके आदर कर। आपन सभे संगी विश्वासीसिसे प्रेम राख। परमेश्वरके डर मान। राजाके आदर कर।

१ पत्रुस 3:1

हे पतनीसब, तुहेंसब आपन पतिके अधिनमे र, ताकी यदि ओकरासिमेसे कोय भी परमेश्वरके वचनमे विश्वास करैसे इन्कार करैछै ते, तोरसिके व्यवहारसे ओकरासिके बिना कुछु कहले ही ओकरासिके विश्वास करैमे सहायता कर्तै, जब ऊसब तोरसिके शुद्ध आर ईश्वरीय व्यवहारके देख्तै ते ऊसब ख्रीष्टमे विश्वास कर्तै।

१ पत्रुस 3:20

यी ऊ आदमीसिके आत्मासब रहै, जेसब बहुते समय पहेला परमेश्वरके आज्ञाके उलंघन कैल्कै रहे। जब नूह आपन नाव बनैते रहै ते, परमेश्वर धीरजके साथ इन्तजार कर्ते रहै कि देखियै ऊ आदमीसब पाप करैले छोडिके परमेश्वरके तरफ मन लगाबैछै। मगर जब पानी संसारके विनाश करिदेल्कै ते नावमे प्रवेश करेवाला खाली आठ आदमीसब बचैल गेलै रहे।

१ पत्रुस 3:8

अन्तमे, हमे तोरासिके यी कहैले चाहैछियौ कि एकतामे र, एक दोसरके लिए वास्ता कर, एक्के परिवारके सदस्यसिके जुगुर एक दोसरके प्रेम कर। एक दोसरके प्रति दयालु बन आर एक दोसरसे नम्र बन।

१ पत्रुस 4:17

कहिनेकी न्याय करैके समय आबी गेलै छे कि पहेला परमेश्वरके आदमीसिके न्याय कैल जै, आर जब कि ऊ पहेला अपनासब विश्वासीसिके न्याय कर्तै, इहे ल्याके उटा भयानक चीजसिके विषयमे सोच जे ऊ आदमीसिके संगे हैतै जेसब उटा खुश-खबरीके नैमानैछै जे परमेश्वरके तरफसे आबैछै।

१ पत्रुस 4:8

सभैसे बेसी महत्वपूर्ण बात यी छै कि एक दोसरके इमानदारीसे प्रेम कर। कहिनेकी यदि तुहेंसब आदमीसिके प्रेम कर्भैं ते, तुहेंसब सभे दिन ओकरसिके द्वारा कैल गेल कोनो भी गलत कामके माफी दियैके लिए तैय्यार रहभैं।

२ पत्रुस 1:7

तोरासिके नैते खाली एरं तरिकासे जिना चाही जे परमेश्वरके खुश करैछै, बल्की तोरासिके एक दोसरके आपन खुदके परिवारके सदस्यसिके जुगुर प्रेम करना चाही। तोरासिके खाली एक दोसरके ही आपन परिवारके सदस्यसिके जुगुर प्रेम नैकरना चाही मगर तोरासिके सभे आदमीसिके प्रेम करना चाही।

१ यूहन्ना 3:11

तुहेंसब शुरुहैसे सुन्ल सन्देश इहे छै, अपनासिके एक दोसरसे प्रेम करना चाही।

१ यूहन्ना 3:23

ओकर आज्ञा इहे छै, कि अपनासिके ओकर बेटा येशू ख्रीष्टके नाममे विश्वास करे पडैछै आर ओकर आज्ञा देल बमोजिम अपनासिके एक-दोसरके प्रेम करे पडैछै।

१ यूहन्ना 4:12

परमेश्वरके कोय कहियो नैदेखल्कै छे। यदि अपनासब एक-दोसरके प्रेम कर्बै ते परमेश्वर अपनासिमे रहतै आर ओकर प्रेम अपनासिमे सिद्ध हैछै।

१ यूहन्ना 4:20

यदि कोनो आदमी हमे परमेश्वरके प्रेम करैछियै कहैछै, मगर आपन विश्वासी भ्या-बहिनसिके घृणा करैछै ते, ऊ झुट्ठा छै। कहिनेकी ऊ आपन देख्ल विश्वासी भ्या-बहिनके प्रेम नैकरैछै ते जे परमेश्वरके ऊ नैदेखल्कै छे ऊ परमेश्वरके प्रेम करे नैसक्तै।

१ यूहन्ना 4:7

हे प्रिय दोस्तसब, अपनासब एक-दोसरके निरन्तर प्रेम कर, कहिनेकी प्रेम परमेश्वरसे आबैछै। जे कोय दोसरसे प्रेम करैछै, ऊ परमेश्वरके बेटा-बेटी छै आर ऊ आदमी परमेश्वरके चिन्हैछै।

प्रकाश 2:4

मगर एकटा बात हमे तोरामे गलत पाबैछियौ: आब तुहें हमरासे ओरं प्रेम नैकरैछैं जेरं तुहें शुरुआतमे कर्ते रहैं।