१ पत्रुस 1:21 - केवट नया कारार

²¹ ख्रीष्टके कैल कामद्वारा परमेश्वरपर तोरसिके भरोसा छौ, जे ख्रीष्टके मुर्दासे जिन्दा बन्याके महिमा देल्कै, ताकी तोरसिके आशा आर विश्वास परमेश्वरमे रहौ।

१ पत्रुस 1:21 Iomraidhean Croise

मत्ती 28:18

तब येशू ओकरसिके लगत आबिके कहैल्कै, “स्वर्ग आर धर्तीके सभे अधिकार हमरा देल छै।

यूहन्ना 12:44

येशू आदमीसिके भीडके जोरसे कहैल्कै, “जे कोय हमरापर विश्वास करैछै, ऊ खाली हम्रहै पर नै मगर हमर भेजेवाला परमेश्वरपर विश्वास करैछै।

यूहन्ना 14:1

येशू चेलासिके कहैल्कै, “तोरसिके मन व्याकुल नैहौ। तुहेंसब परमेश्वरपर विश्वास राखैछैं, हम्रहौपर विश्वास राख।

यूहन्ना 14:6

येशू ओकरा कहैल्कै, “रस्ता, सच, आर कहियो खतम नैहुएवाला जीवन हम्हीं छियै। हमर बिना कोय भी परमेश्वर पिताके लगत नै ज्या सक्तै।

यूहन्ना 17:1

येशू आपन चेलासिके यी बातसब कहेलके बाद उप्पर स्वर्गमहर देखिके कहैल्कै, “हे पिता, समय ऐलै छे हमे, बेटाके महिमा प्रकट कर, ताकी हमे, बेटा तोर महिमा प्रकट करे सकिहौं।

यूहन्ना 17:24

हे पिता, हमे चाहैछियै, कि तुहें जकरासिके हमरा देल्ह छे, हमे जते छियै उहोसब हमरसंगे रहै, आर हमर महिमाके देखे सकै, जे महिमा संसारके सृष्टि हुऐसे पहलहैसे तुहें हमरा प्रेम करैके कारणसे देल्ह रहे।

यूहन्ना 17:5

आब हे पिता, आब तोर उपस्थितिमे हमर महिमा कर, उहे महिमा जे संसारके सृष्टिसे पहेला हमरलगत तोरसंगे रहैके समयमे रहै।”

यूहन्ना 3:34

परमेश्वरसे भेज्ल आदमी परमेश्वरेके बात बोलैछै कहिनेकी परमेश्वर ओकरा पवित्र आत्माके भरपूरी देल्कै छे।

चुन्ल आर भेज्ल चेलासब 2:24

तैय्योपर परमेश्वर ओकरा मौतके बाद फेरसे जिन्दा करिदेल्कै। येशू मर्लै मगर परमेश्वर ओकरा मर्ले रहैले नैदेल्कै। कहिनेकी ओकर लिए मौतके वशमे रहना सम्भव नैरहै।

चुन्ल आर भेज्ल चेलासब 3:13

आपनसिके बाप-पुर्खासब अब्राहम, इसहाक आर याकूबके परमेश्वर येशूके बहुते आदर देल्कै जे सभे दिन ओकर आज्ञापालन कैल्कै आर ओकरा खुश बनैल्कै। मगर जकरा तुहेंसब ओकर जान मरवाबैके लिए यहूदी आदमीसिके अगुवासिके हातमे सौंपी देलह। राज्यपाल पिलातस ओकरा छोडी दियैके विचार कैल पर भी तुहेंसब ओकरा नैछोडैले कहेलह।

चुन्ल आर भेज्ल चेलासब 3:15

आर कहियो खतम नैहुएवाला जीवन दिएवाला स्रोतके तुहेंसब मार्लह जकरा परमेश्वर मुर्दासे जिन्दा बनैल्कै, हमेसब यी बातके गवाह छियै।

चुन्ल आर भेज्ल चेलासब 4:10

ते तुहेंसब सभेको आर सभे इस्राएलीसब जानी ल्या कि नासरत गाँवमे रहेवाला येशू ख्रीष्टके नामसे कैलियै छे। उहे येशूके तुहेंसब क्रूसमे चढ्या देल्ह रहे, मगर परमेश्वर ओकरा मुर्दासे जिन्दा बनैल्कै। ऐज ओकरे नामके द्वारा यी आदमी तोरसिके समनामे भला चंगा खडा छै।

रोमी 10:9

कहिनेकी अगर तुहें येशूके प्रभु कहिके आपन मुखसे स्वीकार कैल्हैं, आर परमेश्वर ओकरा मुर्दासे जिन्दा कैल्कै कहिके आपन हृदयमे विश्वास कर्भैं ते, तोर उद्धार हैतौ।

रोमी 4:24

मगर यी आपनसिके लिए भी छै जकरा विश्वासके कारणसे परमेश्वर धर्मी घोषित कर्तै। यानिकी यदि अपनासब परमेश्वरमे विश्वास कर्बै, जे आपनसिके येशू प्रभुके मुर्दासे जिन्दा बनैल्कै ते, अपनासब भी विश्वासके कारणसे धर्मी घोषित कैल जैबै।

२ कोरन्थी 6:15

ख्रीष्टके आर शैतानके बीचमे कोनो सम्झौता नैछै। विश्वासी आदमी आर अविश्वासी आदमीसिके कोनो साजी नैहैछै।

एफिसी 1:15

यी सभैके कारण जे परमेश्वर कैल्कै छे, जबसे हमे प्रभु येशूपर भेल तोरसिके विश्वास आर सभे विश्वासीसिके प्रति तोरसिके प्रेमके विषयमे सुन्लियौ,

कलस्सी 1:27

परमेश्वर आपन आदमीसिके लिए यी रहस्य प्रकट करैके निर्णय कैल्कै ताकी ऊसब जानी जै कि ओकर योजना, जे जात-जातके आदमीसिके लिए छै से कतनें अदभुद आर महिमामय छै। ऊ रहस्य खुद ख्रीष्ट ही छै, जे तोरासिमे छौ। आर उहे यी बातके आशाके आधार छै कि तुहेंसब परमेश्वरके महिमामे सहभागी हैभैं।

१ तिमोथी 1:1

हमे, पावल, यी चिट्ठी लिखैछियै। हमरसिके आशा राख्ल उद्धारकर्ता परमेश्वर आर येशू ख्रीष्टके अधिकारमे हमे प्रभु येशू ख्रीष्टके कामके लिए ख्रीष्टके चुन्ल आर भेज्ल चेला छियै।

१ तिमोथी 3:16

बिना कोनो शंकाके, हमेसब कहे सकैछियै कि परमेश्वरद्वारा प्रकट कैल शिक्षासब पुरा रुपसे सच्चा छै, यानिकी येशू ख्रीष्ट आदमीके रुपमे ऐलै, ऊ पवित्र आत्माद्वारा परमेश्वरके बेटा साबित भेलै, स्वर्गदूतसब ओकरा देखल्कै, ऊ स्वर्गके महिमामे लजैल गेलै, आदमीसब ओकर बारेमे जात-जातके आदमीसिमे प्रचार कैल्कै, आर संसारके बहुते आदमीसब ओकरापर विश्वास कैल्कै।

हिब्रू 2:9

मगर अपनासब येशूके देखैछियै! ओकरा कुछु समयके लिए स्वर्गदूतसिसे कम महत्वपूर्ण बनैल गेलै रहे, ताकी परमेश्वरके अनुग्रहसे ऊ सभैके लिए मरि जै। आर कहिनेकी ऊ तकलीफ उठैल्कै आर मरि गेलै, परमेश्वर ओकरा महिमा आर आदर देल्कै।

हिब्रू 6:1

सेल्याके या जे बात अपनासिके सभैसे पहेला ख्रीष्टके विषयमे सिखैल गेलै रहे, उहे आधारभूत शिक्षासिके नै दोहरैते र, आर या अपनासब परिपक्क शिक्षासिके बारेमे विचार विमर्श करैछियै। या अपनासब उटा आधारभूत शिक्षासिके अलग राखियै जे एकटा जगके जुगुर छै, यानिकी, आपन पापमय कामसे जे मौतके महर ल्याजैछै, पाप करैले छोडिके परमेश्वरके तरफ मन लगाबैके विषयमे आर परमेश्वरपर भरोसा करैके विषयमे सिखाबैछै।

हिब्रू 7:25

इहे ल्याके जे येशूके द्वारा परमेश्वरके नज्दिक आबैछै, ऊ ओकरासिके सभे दिन बचाबे सकैछै। कहिनेकी ऊ ओकरसिके लिए बिन्ती करैके लिए सभे दिन जिन्दा छै।

१ पत्रुस 1:11

ख्रीष्टके आत्मा ओकरासिमे रहै आर ओकरासिके बतैते रहै कि ख्रीष्ट केरंके दुःख सहतै आर फेर ओकरा बडका सम्मान देल जैतै। इहे ल्याके ऊसब यी पता लगाबैके कोशिश कैल्कै कि वास्तवमे ख्रीष्ट के हैतै आर यी सभे बात कहिया हैतै।

१ पत्रुस 1:3

आपनसिके प्रभु येशू ख्रीष्टके पिता आर परमेश्वरके धन्यवाद है। परमेश्वर आपनसिके प्रति आपन बडका दयासे अपनासिके एकटा नया जीवन देल्कै छे। कहिनेकी परमेश्वर येशू ख्रीष्टके मुर्दासे जिन्दा बनैल्कै, ऊ अपनासिके बहुते आत्मविश्वासके साथ जियैके योग्य बनैल्कै छे, यानिकी अपनासब उटा चीजसिके प्राप्त करैके पुरा आशा करे सकैछियै जे ऊ अपनासिके दियैके प्रतिज्ञा कैल्कै छे।

१ पत्रुस 3:22

आर ऊ स्वर्गमे चल गेलै। आब ऊ ओत्ते परमेश्वरके दहिना हातके बगलमे सम्मानके जगहमे बैठ्ल छै। आर ऊ सभे स्वर्गदूत आर सभे अधिकारी आर शक्तिसिपर राज्य करैछै।