१ पत्रुस 1:18 - केवट नया कारार

^18-19 तुहेंसब जानैछैं कि परमेश्वर तोरासिके तोरसिके बेकारके रिती-रिवाजसिसे छुटाबैके लिए जे तुहेंसब आपन बाप-पुर्खासिसे सिख्लहैं रहैं। ऊ तोरासिके छुटकारा दिलाबैके लिए एरंको दौलतके प्रयोग नैकैल्कै जकरा चानी या सोनाके जुगुर नाश कैल ज्या सकैछै। एकर बदलामे, परमेश्वर तोरासिके ख्रीष्टके बहुमूल्य खूनसे किनल्कौ जे आपनसिके पापके लिए बलिके रुपमे मरि गेलै। ओकर मौत आपनसिके लिए परमेश्वरके छागरके रुपमे एकटा सिद्ध बलिदान रहै, जेरं कि यहूदी पुजारीसिके द्वारा बलि चढैल ज्यावाला छागर सिद्ध आर बिना कोनो दाग आर खोटके रहै।

१ पत्रुस 1:18 Iomraidhean Croise

मर्कूस 8:37

कि यी सम्भव छै कि कोय कहियो खतम नैहुएवाला जीवन पाबैके लिए परमेश्वरके कुछु दिए सकैछै? नै!

रोमी 1:21

ऊसब परमेश्वरके चिन्हीके भी परमेश्वरके दिएवाला आदर नैदैछै आर धन्यवाद भी नैदैछै। मगर जब ऊसब सोचैछै ओकर कोनो मोल नैहैछै, ओकरसिके मूर्ख विचारसब सभे गलत हैछै।

१ कोरन्थी 3:20

आर धरमशास्त्र यी भी कहैछै, “प्रभु बुद्धिमान आदमीसिके विचारसिके जानैछै कि ऊसब बेकार छै।”

१ कोरन्थी 6:20

परमेश्वर तोरसिके लिए बडका मोल चुकैल्कौ छे जब ऊ ख्रीष्टके क्रूसपर बलिदान कैल्कै, सेल्याके आपन शरीरके द्वारा परमेश्वरके महिमा कर।

१ कोरन्थी 7:23

परमेश्वर तोर लिए बडका मोल चुकैल्कौ छे, सेल्याके आदमीसिके दास नैबन, मगर प्रभुके दास बन।

गलाती 1:4

आपनसिके परमेश्वर आर पिताके इच्छाके मुताबिक येशू ख्रीष्ट अपने आपके आपनसिके पापसिके कारण बलिदान करिदेल्कै ताकी अपनासब यी वर्तमान संसारके आदमीसिके खराब प्रभावसे बचिके रहियै।

एफिसी 4:17

सेल्याके प्रभु हमरा देल अधिकारके साथ हमे तोरासिके यी बताबैछियौ कि जेरं अविश्वासी आदमीसब ओकरसिके बेकारके विचारके साथ आपन रीतिमे चलैछै, आब तुहेंसब फेर एरं जीवन नैजिते र।

तीतस 2:14

उहे येशू ख्रीष्ट अपनासिके सभे पापसे छुटकारा दिलाबैके लिए आर नैतिक रुपसे शुद्ध बनाबैके लिए खुदके बलिदान कैल्कै ताकी अपनासब ओकर आपन विशेष आदमीसब बने सकियै जेसब बढियाँ काम करैके बडका इच्छा राखैछै।

हिब्रू 9:12

ऊ परमेश्वरके पालके महा-पवित्रस्थानमे एकटा छागर या एकटा बाछाके खूनके साथ नैगेलै, मगर ऊ खुद आपन खूनके साथ गेलै। ऊ यी काम खाली एकबेर कैल्कै, आर एकरा फेरसे करैके कहियो जरुरत नैहैतै। ओकरेद्वारा अपनासिके कहियो खतम नैहुएवाला छुटकारा मिल्लै।

१ पत्रुस 1:7

यी तकलीफसिके मकसद यी देखाबैके लिए छै कि तुहेंसब सचमे परमेश्वरमे भरोसा राखैछैं या नैराखैछैं। येशू ख्रीष्टमे भेल तोरसिके विश्वास सोनासे भी मूल्यवान छौ। जेरंके नाश हुएवाला सोनाके आगिनसे जाँच्ल जैछै आर शुद्ध बनैल जैछै, ओहिने करिके यदि तोरसिके विश्वास अग्निमय परीक्षासिके द्वारा जाँच्ल गेलके बाद भी मजगुत रहैछौ ते, यी येशू ख्रीष्ट फेर वापस आबैके दिनमे तोरासिके बहुते प्रशंसा, महिमा आर सम्मान दिलैतौ।

१ पत्रुस 4:3

बित्ल समयमे तुहेंसब उटा सभे करैमे बहुते समय बर्बाद करि देल्हैं जकरा करिके अविश्वासी आदमीसब आनन्द लैछै। तोरसिके जीवन अनैतिकता आर वासना, ओकरसिके भोज आर पियक्कडपन आर मौज-मजासब आर ओकरसिके मूर्तिसिके पूजामे बितते रहौ जकरासे परमेश्वर घृणा करैछै।

१ यूहन्ना 3:5

येशू ख्रीष्ट यी संसारमे आपनसिके पाप मेटाबैके लिए ही ऐलै छे आर तुहेंसब जानैछैं कि ऊ कहियो पाप नैकरैछै।