१ पत्रुस 1:15 - केवट नया कारार

¹⁵ तुहेंसब करेवाला सभे बातमे खुदके खराब बातसे अलग कर, कहिनेकी परमेश्वर, जे तोरासिके चुनल्कौ ऊ पवित्र छै।

१ पत्रुस 1:15 Iomraidhean Croise

मत्ती 5:48

सेल्याके, जेरंके स्वर्गमे रहेवाला परमेश्वर पिता सभे समय सही काम करैछै, ओहिने करिके तहुँसब भी सभे समय उहे कर जे सही छै।”

रोमी 9:24

चाहे यहूदी आदमीसब है या गैर-यहूदी आदमीसब, अपनासब ऊ चुन्ल आदमीसब छियै।

२ कोरन्थी 7:1

कहिनेकी हे प्रियसब, परमेश्वर अपनासिके आपन बेटा-बेटीसिके जुगुर स्वीकार करैके लिए एरं प्रतिज्ञा कैल्कै छे, इहे ल्याके अपनासब उटा सभे खराब काम बन्द कर जे तोरसिके शरीर आर आत्माके अशुद्ध बनाबैछै। परमेश्वरके भय मान आर आदर कर। या अपनासब पुरा तरहसे पवित्र हुऐके लिए काम करैछियै।

फिलिप्पी 1:27

मगर जे भी हुए, तुहेंसब एकटा बातके ध्यान राख कि तोरसिके जीवनके आचरण-व्यवहार ख्रीष्टके खुश-खबरीके योग्य होना चाही। अहिने करिके चाहे हमे आबिके तोरसिके भेट करियौ या दूर रहिके हमे तोरसिके बारेमे सुनियौ, मगर हमरा इहे बात पता चलै कि तुहेंसब एक आत्मामे स्थिर छैं आर एक मनके भ्याके एक साथ मिलिके उटा विश्वासके लिए संघर्ष करैछैं, जे कि खुश-खबरीपर आधारित छै।

फिलिप्पी 3:14

ख्रीष्ट येशूमे परमेश्वरके स्वर्गीय बुलाहटके इनाम पाबैके लिए हमे निशाना महर दौड्ते जैछियै।

फिलिप्पी 3:20

मगर अपनासब स्वर्गके छियै। आर अपनासब एकटा उद्धारकर्ता प्रभु येशू ख्रीष्टके स्वर्गसे वापस आबैके इन्तजारमे छियै।

१ थेसलोनिकी 2:12

तुहेंसब परमेश्वरके खुश करेवाला जीवन जी, जे तोरासिके आपन राज्य आर महानतामे बोलाबैछौ।

१ तिमोथी 4:12

एरंको व्यवहार कर कि कोय भी तोरासिके अनादर नैकरौ कहिनेकी तुहेंसब जवान छैं, मगर तोरसिके बोल्ल वचनद्वारा, तोरसिके व्यवहारद्वारा, दोसर आदमीसिके प्रति प्रेमद्वारा, ख्रीष्टमे तोरसिके भरोसाद्वारा आर तोरसिके पापरहित जीवनद्वारा विश्वासीसिके लिए तोरासिके एकटा उदाहरण बने पड्तौ।

२ तिमोथी 1:9

ऊ अपनासिके बचैल्कै आर अपनासिके एकटा पवित्र जीवन जियैके लिए बोलैल्कै छे, आर अपनासब बढियाँ काम करैके कारणसे ऊ अपनासिके नैचुनल्कै छे, मगर ओकर आपन योजना आर अनुग्रहके आधारमे छै। यी संसारके सृष्टि हुऐसे पहेला ही परमेश्वर येशू ख्रीष्टके आपनसिके लिए मरैके लिए भेजिके आपन अनुग्रह अपनासिपर देखाबैके योजना बन्या लेल्कै रहे।

तीतस 3:14

खाली ओतनें ही नै, तुहेंसब विश्वासीसिके बढियाँ कामसब करैमे निरन्तर कडा मेहनत करैके लिए सिखाबे पडैछै ताकी ऊसब आदमीसिके जे जरुरी छै से दिए सक्हैं। एकरासे विश्वासीसिके सहायता हैतै कि ऊसब बेकार जीवन नैजियै आर एकटा मकसदके साथ जीवन जिये सकै।

तीतस 3:8

हमरद्वारा उप्परमे लिख्ल यी बात सही छै आर एकरापर भरोसा कैल ज्या सकैछै, आर हमे चाहैछियै कि जब तुहें विश्वासीसिके यी बातसब सिखाबैछैं यी बातसिके निरन्तर जोड दहैं। ताकी जेसब परमेश्वरपर विश्वास कैल्कै छे, ऊसब बढियाँ कामसब करैके लिए आपन समय दियैके लिए मन लगाबै। यी शिक्षासब सभैके लिए बढियाँ आर फैदाके छै।

हिब्रू 12:14

सभे आदमीसिके संगे शान्तिमे रहैके आर एकटा पवित्र जीवन जियैके कोशिश कर। कहिनेकी पवित्रता बिना कोय भी प्रभुके देखे नैसक्तै।

हिब्रू 13:5

आपन जीवनके धन-दौलतके लालचसे मुक्त राख आर जे तोरसिकेलगत छौ ओक्रहैमे सन्तुष्ट र, कहिनेकी परमेश्वर खुद ही कहैल्कै छे, “हमे तोरासिके कहियो भी नैछोड्बौ, आर कहियो भी तोरासिके नैत्याग्बौ।”

याकूब 3:13

तोरसिमेसे बुद्धिमान आर ज्ञानी आदमी के छै? यदि तुहेंसब बुद्धिमान आर ज्ञानी छैं ते ज्ञानसे आबेवाला नम्रताके साथ बढियाँ जीवन जिविके देखा।

१ पत्रुस 2:12

कतनें बेर एरं आदमीसब हैछै जेसब प्रभुके नैजानैछै आर ऊसब तोरासिपर यी कहिके गलत आरोप लगाबे सकैछौ कि तोरसिके काम खराब छौ। इहे ल्याके तोरासिके आपन व्यवहारके विषयमे होशियार रहना चाही, ताकी ऊसब तोरसिके बढियाँ व्यवहार देखे सकौ। अन्तमे ऊसब स्वीकार कर्तै कि तोरसिके व्यवहार बढियाँ छै आर जे दिन परमेश्वर संसारके न्याय करैके लिए फेर यी संसारमे वापस ऐतै उटा दिन ऊसब परमेश्वरके महिमा कर्तै।

१ पत्रुस 2:9

मगर तुहेंसब ओरं नैछैं, कहिनेकी तुहेंसब परमेश्वरके चुन्ल आदमीसब छैं, तुहेंसब परमेश्वरके पुजारीसब छैं, जे राजा छै। तुहेंसब परमेश्वरके सेवा करैले समर्पित भेल आदमीसब आर परमेश्वरके निजी प्रजा छैं। ऊ तोरासिके अनहारसे आपन अदभुद उजेतमे आन्लकौ छे, ताकी तुहेंसब परमेश्वरके आश्चर्यपूर्ण कामसिके घोषणा करे सक्हैं।

१ पत्रुस 3:16

मगर यी विनम्र आर आदरपूर्ण तरिकासे कर। सभे दिन जे बढियाँ छै उहे कर। तब यदि आदमीसब तोरसिके विरुद्धमे खराब बात बोलैछै ते ऊसब लाजमे पड्तै जब ऊसब तोरसिके ख्रीष्ट संगके सम्बन्धके कारण तोरसिके बढियाँ व्यवहार देखैछै।

१ पत्रुस 5:10

परमेश्वर जे पूर्ण रुपसे अनुग्रहकारी छै, आपनसिके ख्रीष्टके संगे भेल सम्बन्ध हुऐके कारण आपन अनन्त महिमामे अपनासिके साझेदार हुऐके लिए बोलैल्कै छे। तुहेंसब कुछु समयके लिए कष्ट भोग्लके बाद परमेश्वर तोरासिके बढियाँ बनैतौ ताकी तोरासिमे कोनो दोष नैरहौ आर येशू तोरसिके हृदयके मजगुत बनैतौ आर ओकरापर तोरसिके भरोसाके वास्तवमे स्थिर बन्या देतौ।

१ यूहन्ना 3:3

हरेक आदमी जे यी आशा करैछै कि ऊ ख्रीष्टके जुगुर हैतै, ऊसब खुदके हरेक पापसे दूर राखे पडैछै।

प्रकाश 3:7

आर फिलाडेल्फिया सहरके मण्डलीके स्वर्गदूतके यी सन्देश लिख: हमे उहे छियै जे पवित्र आर सच छै, जकर लगत दाऊद राजाके राज्यपर अधिकार छै। यदि हमे दरवाजा खोलैछियै ते कोय भी ओकरा बन्द नैकरे सकैछै। आर यदि हमे ओकरा बन्द करिदियै ते, कोय भी ओकरा नैखोले सकैछै। हमे तोरासे यी कहैछियौ।

प्रकाश 4:8

आर उटा चारोटा जिन्दा प्राणीके छ-छटा डेन रहै, आर ओकरासिपर सभे जगहमे आँख रहै एत्तेतक कि डेनके निच्चा भी रहै। आर दिन-रात ऊसब नैरुकिके एरं कहते रहै, “पवित्र, पवित्र, पवित्र प्रभु परमेश्वर जे सर्वशक्तिमान छै। ऊ उहे परमेश्वर छै जे समयके शुरुआतसे ल्याके एखनतक आर सभे दिनके लिए नैबदलैछै।”

प्रकाश 6:10

तब ऊसब जोर-जोरसे परमेश्वरसे कहैल्कै, “हे पवित्र आर सच्चा प्रभु, तुहें धर्तीमे रहेवाला ऊ दुष्ट आदमीसिके सजाय दियैमे एतनें लम्बा इन्तजार कहिने करैछ? हमेसब बिन्ती करैछिहौं कि तुहें ऊ आदमीसिके व्यवहारके बदला ल्या जेसब हमरसिके हत्या कैल्कै छे।”