१ पत्रुस 1:13 - केवट नया कारार

¹³ सेल्याके सचेत र कि तुहेंसब कि करेवाला छैं आर होशियार र। उद्धार पाबैके आशा कर, जे अनुग्रहसे आबैछै, जे तोरासिके येशू ख्रीष्ट यी संसारमे फेर वापस आबैके दिनमे देल जैतौ।

१ पत्रुस 1:13 Iomraidhean Croise

मत्ती 20:4

आर ऊ ओकरासिके कहैल्कै, ‘तहुँसब अंगुरके बगानमे जो, आर जे उचित हैतौ हमे तोरासिके देबौ तब ऊसब भी काम करैले गेलै।’

लूका 12:35

ओकरबाद फेर येशू कहैल्कै, “तुहेंसब हरदम सेवा करैके लिए तैय्यार र आर रातभर तोरसिके चिराग बर्ते रहौ, आर हमर आगमनके लिए तैय्यार र।

लूका 17:30

हमे, आदमीके बेटा नैसोच्ल समयमे वापस आबेवाला दिनमे भी अहिने हैतै।”

लूका 17:8

नै, मगर तुहें कहभैं ‘हमर लिए खाना तैय्यार कर आर हमर सेवा करैके लिए तैय्यार हु, आर हमर खैल पिल नैहुऐतक हमर सेवा टहल कर, तकरबाद तुहें खानपिन कर।’

रोमी 13:13

अपनासिके अनहारमे जियेवाला आदमीके जुगुर नै मगर उजेतमे जियेवाला आदमीके जुगुर सही तरिकासे जिना चाही। मौजमजा, पियक्कडपन, व्यबिचार, भ्रष्टाचार, झगडा आर डाहा नैकर।

रोमी 8:19

कहिनेकी सृष्टि बडका आशासे परमेश्वर आपन सच्चा सन्तानसिके प्रकट कर्तै कहिके उटा आबेवाला दिनके लिए इन्तजार करैछै।

१ कोरन्थी 1:7

इहे कारणसे तुहेंसब आपनसिके प्रभु येशू ख्रीष्टके फेर वापस आबैके इन्तजार करैबेरियाँ पवित्र आत्मा तोरासिके सभे किसिमके खूबी देल्कौ छे।

१ कोरन्थी 13:13

सेल्याके, आब अपनासिके यी तीन प्रकारके कामसिके करना चाही: परमेश्वरपर विश्वास करना, परमेश्वरके प्रतिज्ञामे आशा राखना आर दोसर आदमीसिसे प्रेम करना। मगर यी तीनटामे से एकटा छै जे वास्तवमे सबसे बडका छै: दोसर आदमीसिसे प्रेम करना।

एफिसी 6:14

जेरंके एकटा सिपाही आपन कम्मरमे पेटी बान्हिके खुदके लडाईके लिए तैय्यार करैछै, ओहिने करिके तहुँसब भी शैतानके विरुद्धमे लडाई करैके लिए खुदके तैय्यार करैले परमेश्वरके सच्चाईके अनुसरण कर। जेरंके कवच कोनो सिपाहीके लडाईमे रक्षा करैछै, ओहिने करिके जब शैतान तोरासिपर हमला करैछै तब तोरसिके धार्मिक व्यवहार तोरसिके रक्षा कर्तौ।

कलस्सी 3:4

जब ख्रीष्ट, जे तोरासिके सच्चा जीवन दैछै, ऊ जब यी संसारमे फेर वापस ऐतै तब तहुँसब ओकरेसंगे दिखाई देभैं आर ओकर आदरमे सामिल हैभैं।

२ थेसलोनिकी 1:7

ऊ तोरासिके जे एखन कष्ट भोगैछैं आर हमरासिके भी सान्त्वना देतै। यी बात तब हैतै जब प्रभु येशू आपन शक्तिशाली स्वर्गदूतसिके संगे बर्ल आगिनमे स्वर्गसे प्रकट हैतै।

२ तिमोथी 4:5

मगर जे कुछु भेलपर भी तोरा अपने आपके वशमे राखे पडैछै, आर जेरं कष्ट भेलपर भी तोरा भोगे पडैछै। तोरा खुश-खबरी प्रचार करे पडैछै, आर परमेश्वरके सेवकके रुपमे तोरा करे पडेवाला सभे कामसब करे पडैछै।

२ तिमोथी 4:8

आब प्रभु हमर लिए स्वर्गमे धार्मिकताके मकुट राखल्कै छे, कहिनेकी हमे ओकरा पसन्द हुएवाला जीवन जिलियै छे। ऊ प्रभु जे सहीसे फैसला करैछै, हमरा उटा मकुट तब देतै जब ऊ फेर वापस ऐतै। ऊ खाली हमरा नै मगर ओकरा सभैके देतै जेसब ओकर वापस आबैके बहुते इच्छा करैछै।

हिब्रू 10:35

सेल्याके आपन विश्वासके नैछोड ताकी तोरासिके परमेश्वरके तरफसे एकटा इनाम मिलौ।

हिब्रू 3:6

ख्रीष्ट एकटा बेटाके रुपमे आपन परिवारमे विश्वासयोग्य छै आर उटा परिवार अपनासब खुद छियै। यदि आपनसिके संगे साहास छै आर ख्रीष्टमे भेल आशामे भरोसा छै आर अन्ततक स्थिर छियै ते अपनासब परमेश्वरके परिवारके आदमीसब छियै।

हिब्रू 6:19

जेरंके एकटा बडका किल्लासे बान्हल रस्सी नावके स्थिर आर मजगुत राखैछै, ओहिने करिके यी आशा आपनसिके जीवनके स्थिर आर मजगुत बनैले राखैछै। जकरामे अपनासब आशा करैछियै ऊ येशू छै आर ऊ स्वर्गमे परमेश्वरके मन्दिरके पर्दाके पाछु महा-पवित्रस्थानमे परमेश्वरके नज्दिक गेलै।

हिब्रू 9:28

ओहिने करिके, ख्रीष्ट एक्केबेर अपने आपके बलिदानके रुपमे चढ्या देल्कै ताकी बहुते आदमीसिके पापके दूर करे सकै। आर ऊ दोसर बेर ऐतै, अपने आपके पापके कारण बलिदान चढाबैके लिए नै, बरु ऊ आदमीसिके उद्धार करैके लिए जेसब ओकर इन्तजार करैछै।

१ पत्रुस 1:10

यी उद्धारके बारेमे परमेश्वरके वक्तासब आरहौ बेसी जानैले चहते रहै। ऊसब भविष्यवाणी कैल्कै कि परमेश्वर तोरासिके बचाबैके लिए तोरसिके पक्षमे केरंके अनुग्रहके साथ व्यवहार कर्तौ, जकर योग्य तुहेंसब नैरहैं। ऊसब जबाब खोजैके लिए सावधानीपूर्वक अध्ययन कैल्कै।

१ पत्रुस 3:15

मगर तोरसिके हृदयमे ख्रीष्टके लिए श्रद्धा राख। आर ओकरा प्रभुके रुपमे आदर कर। आर सभे विश्वासीसब साझेदार हुएवाला आशाके बारेमे कोय भी पुछतौ ते जबाब दियैके लिए सभे दिन तैय्यार र।

१ पत्रुस 4:7

सभे चीजके अन्त नज्दिक ऐल छै, सेल्याके तुहेंसब सचेत र आर अपने आपके वशमे राख ताकी तुहेंसब प्रार्थना करे सक्हैं।

१ पत्रुस 5:12

हमे यी छोटका चिट्ठी सिलासके सहायतासे लिख्लियै छे आर तोरासिके भेज्लियौ छे। हमे ओकरा ख्रीष्टमे एकटा विश्वासयोग्य भ्याके रुपमे मानैछियै। यी चिट्ठी लिखैके हमर मकसद तोरासिके उत्साहित करना आर निश्चित करना छै कि जे कुछु भी तुहेंसब अनुभव करैछैं उटा वास्तवमे तोरसिके प्रति परमेश्वरके अनुग्रहके हिस्सा छै। यीटा अनुग्रहमे स्थिर र।

१ पत्रुस 5:8

सचेत र आर होशियार र, कहिनेकी शैतान, तोर दुश्मन तोरापर हमला करैले चाहैछौ ताकी तुहें परमेश्वरके आज्ञापालन नैकर। ऊ गर्जेवाला शेरके जुगुर छै जे खोजैछै कि ऊ ककरा ख्या सकैछै।

१ यूहन्ना 3:3

हरेक आदमी जे यी आशा करैछै कि ऊ ख्रीष्टके जुगुर हैतै, ऊसब खुदके हरेक पापसे दूर राखे पडैछै।