१ पत्रुस 1:12 - केवट नया कारार

¹² मगर परमेश्वर यी आपन वक्तासिके बतैल्कै कि ओकरसिके सन्देश ओकरसिके लिए नै मगर तोरसिके लिए रहै। उटा सन्देश येशू ख्रीष्टके विषयमे खुश-खबरी छै जे एखन तुहेंसब सुन्लहैं छे। परमेश्वर स्वर्गसे आपन पवित्र आत्मा भेजल्कै ताकी तोरासिके खुश-खबरी प्रचार करैमे आदमीसिके सहायता करै। यी सभे बात एतनें अदभुद छै कि एत्तेतक कि स्वर्गदूतसब भी उत्सुकतासे यी चीजसिके हैते हुए देखैछै।

१ पत्रुस 1:12 Iomraidhean Croise

मत्ती 11:25

उहे समय येशू कहैल्कै, “हे पिता, आकाश आर धर्तीके प्रभु, हमे तोरा धन्यवाद चढाबैछिहौं, कहिनेकी तुहें यी बात बुद्धिमान आर समझदार आदमीसिसे गुप्त राख्लह, मगर ऊ आदमीसब जे बच्चासिके जुगुर छै, ओकरासिके उटा प्रकट कैलह छे।

मत्ती 11:27

हमर पिता सभे चीज हमर हातमे देल्कै छे। खाली पिता छै जे बेटाके चिन्हैछै, आर खाली बेटा छै जे वास्तवमे पिताके चिन्हैछै, आर उहोसब चिन्हैछै, जकरा बेटा पिताके प्रकट करि दियैके इच्छा करैछै।

मत्ती 16:17

येशू ओकरा कहैल्कै, “योनाके बेटा सिमोन तुहें धन्यके छैं, कहिनेकी यी बातके ज्ञान तोरा कोनो आदमीसे नै, मगर स्वर्गमे भेल हमर परमेश्वर पिता तोरा यी प्रकट कैल्कौ छे।

मर्कूस 16:15

तब येशू ओकरासिके कहैल्कै, “सारा संसारमे जैके सभे आदमीसिके खुश-खबरी प्रचार कर।

लूका 15:10

हमे तोरासिके कहैछियौ, अहिने करिके पाप करैले छोडिके परमेश्वरके तरफ मन लगाबेवाला एकटा पापी आदमीके लिए स्वर्गमे परमेश्वरके स्वर्गदूतसब खुशी मनैतै।”

लूका 2:26

पवित्र आत्मा ओकरा कहैल्कै कि परमेश्वरके द्वारा प्रतिज्ञा कैल ख्रीष्टके नैदेखिके ऊ नैमर्तै।

लूका 9:6

तब ऊसब बिदा भेलै, आर खुश-खबरी प्रचार कर्ते आर सभे जगहमे रोगी-बेमारीसिके ठीक कर्ते गाँव-गाँवमे गेलै।

यूहन्ना 15:26

हमे पिताके तरफसे तोरसिके लिए एकटा सहायक भेज्बौ। ऊ सहायक पवित्र आत्मा छै जे पिताके तरफसे आबैछै आर जे सच छै ओकरा प्रकट करैछै। जब ऊ ऐतै ते, ऊ तोरासिके हमर बारेमे बतैतौ।

चुन्ल आर भेज्ल चेलासब 10:44

पत्रुस जखनी यी बात बोल्तहैं रहै, तखनी जेसब वचन सुन्ते रहै ओकरासिपर पवित्र आत्मा उतर्लै।

चुन्ल आर भेज्ल चेलासब 16:10

जब ऊ यी दर्शन देखल्कै, तुरन्ते हमेसब माकेडोनिया प्रदेश जैके लिए तैय्यार भेलियै। कहिनेकी ओत्करो आदमीसिके प्रभु येशूके खुश-खबरी सुनाबैके लिए परमेश्वर ही हमरासिके बोलैल्कै छे कहिके हमरासिके मालुम भेलै।

चुन्ल आर भेज्ल चेलासब 2:33

आब ऊ स्वर्गमे परमेश्वर पिताके दहिना हातके बगल स्वर्गके सबसे सम्मानके जगहमे विराजमान छै। आर परमेश्वर पिता आपन प्रतिज्ञाके मुताबिक येशूके पवित्र आत्मा देल्कै आर ऊ पवित्र आत्मा हमरासिके देल छै जेरं कि ऐज तुहेंसब देखैछ आर सुनैछै।

चुन्ल आर भेज्ल चेलासब 4:31

ओकरसिके प्रार्थना कैल भेलके बाद ऊसब जमा भेल जगहमे कम्प भेलै, आर ऊसब सभे झन पवित्र आत्मासे भरिके आर ऊसब साहासके साथ परमेश्वरके वचन सुनाबे लाग्लै।

चुन्ल आर भेज्ल चेलासब 4:8

तब पवित्र आत्मासे भरपुर भ्याके पत्रुस ओकरासिके कहैल्कै, “आदमीसिके शासक आर यहूदी आदमीसिके अगुवासब,

चुन्ल आर भेज्ल चेलासब 8:25

तब पत्रुस आर यूहन्ना गवाही द्याके आर प्रभु येशूके वचन सुन्याके यरूशलेम सहर वापस लौटै बेरियाँ, ऊसब सामरिया प्रदेशके कतनें सामरी आदमीसिके गाँवसिमे खुश-खबरीके प्रचार कैल्कै।

रोमी 1:15

सेल्याके हमे तोरासिके भी, जेसब रोम सहरमे रहैछैं, खुश-खबरी सुनाबैके लिए बहुते उत्सुक छियै।

रोमी 1:17

कहिनेकी खुश-खबरीमे परमेश्वर आदमीसिके आपन नजरमे केरंके धर्मी घोषित करैछै कहिके देखाबैछै, आर धर्मी घोषित हुएवाला बात विश्वाससे ही शुरु हैछै आर विश्वाससे ही पुरा हैछै। जेरंके धरमशास्त्रमे लिख्ल छै, “जे आदमी परमेश्वरमे विश्वासके माध्यमसे धर्मी घोषित कैल जैछै, ऊ बचैछै।”

रोमी 10:15

आर कोय आदमी जैके ओकरासिके बताबैसे पहेला, ऊ आदमीके भेज्ल जाना चाही। सेल्याके धरमशास्त्रमे लिख्ल छै, “खुश-खबरी सुनाबेवाला आदमीसिके पैर कतनें सुन्दर छै!”

रोमी 15:19

पवित्र आत्माद्वारा हमरा देल शक्तिसे हमे अदभुत काम आर चमत्कार करैछियै। सेल्याके जते भी हमे यरूशलेम सहरसे ल्याके इल्लुरिकन प्रदेशतक गेलियै छे, हमे ओत्ते भी सभे आदमीसिके येशू ख्रीष्टके बारेमे खुश-खबरी सुनैलियै छे।

१ कोरन्थी 2:10

मगर परमेश्वर यी बातसिके अपनासिके पवित्र आत्माके द्वारा प्रकट कैल्कै छे। कहिनेकी पवित्र आत्मासे कुछु भी नुकैल नैछै, ऊ सभे बातके जाँच करैछै, एत्तेतक कि परमेश्वरके मकसदके भी जे एखनतक आदमीसिके मालुम नैछै।

२ कोरन्थी 6:6

हमेसब यी सभे बातके सामना शुद्ध मनसे, ज्ञानसे, धीरज आर दयाके साथ करैछियै। हमेसब यी काम पवित्र आत्माके अनुसरण करैके द्वारा आर सच्चा प्रेमके द्वारा करैछियै।

गलाती 1:12

कहिनेकी यी खुश-खबरी हमे बाप-पुर्खासे नैसिख्लियै आर कोनो धार्मिक शिक्षकसब भी हमरा यी बात नैसिखैल्कै छे, मगर येशू ख्रीष्ट हमरा यी खुश-खबरी बुझैके लिए सहायता कैल्कै।

एफिसी 3:10

ओकर मकसद मण्डलीके इस्तमाल करिके अदृश्य संसारमे शासन करेवाला आर अधिकार भेल सभे आत्मिक प्राणीसिके परमेश्वरके अपार ज्ञानके बारेमे बताबैके लिए रहै।

१ थेसलोनिकी 2:9

कहिनेकी हे विश्वासी भ्या-बहिनसब तोरासिके याद छौ कि हमेसब कतनें कडा मेहनत कैलियै। हमेसब रात-दिन काम धन्धा कैलियै ताकी तोरसिके बीचमे परमेश्वरके खुश-खबरी प्रचार करैबेरियाँ हमेसब आपन जरुरत आपनहैं पुरा करे सकियै।

१ तिमोथी 3:16

बिना कोनो शंकाके, हमेसब कहे सकैछियै कि परमेश्वरद्वारा प्रकट कैल शिक्षासब पुरा रुपसे सच्चा छै, यानिकी येशू ख्रीष्ट आदमीके रुपमे ऐलै, ऊ पवित्र आत्माद्वारा परमेश्वरके बेटा साबित भेलै, स्वर्गदूतसब ओकरा देखल्कै, ऊ स्वर्गके महिमामे लजैल गेलै, आदमीसब ओकर बारेमे जात-जातके आदमीसिमे प्रचार कैल्कै, आर संसारके बहुते आदमीसब ओकरापर विश्वास कैल्कै।

हिब्रू 11:13

यी सभे आदमीसब जेसब परमेश्वरपर भरोसा कैल्कै, उटा चीजसब पैले बिना मरि गेलै जकर प्रतिज्ञा परमेश्वर कैल्कै रहे। मगर ऊसब यी बात आपन मनमे देखल्कै आर आनन्दित रहलै आर ऊसब यी बात बुझी गेलै कि ऊसब यी धर्तीमे खाली अन्ठिया आर परदेशी छियै।

हिब्रू 2:4

परमेश्वर बहुते किसिमके चिन्हसब, चमत्कारके कामसब, आर विभिन्न प्रकारके शक्तिशाली कामसिके प्रयोग करिके आर आपन इच्छाके मुताबिक पवित्र आत्माके द्वारा आदमीसिके वरदानसब द्याके प्रभु ओकरासिके सहायता कैल्कै आर ओकरसिके सन्देश सच्चा रहै कहिके साबित कैल्कै।

हिब्रू 4:2

जेरंके अपनासब येशू ख्रीष्टके विषयमे खुश-खबरी सुन्लियै, ओहिने करिके इस्राएलीसब भी विश्रामके जगहमे प्रवेश करैके खुश-खबरी सुनल्कै। मगर ऊसब एकरापर विश्वास नैकैल्कै। सेल्याके उटा सन्देश ओकरसिके लिए बेकार रहै।

१ पत्रुस 1:25

मगर परमेश्वरके वचन सभे दिन रहतै।” यी वचन ख्रीष्टके विषयमे खुश-खबरी छै जे तोरसिके बीचमे प्रचार कैल गेलै रहे।

१ पत्रुस 4:6

सेल्याके मर्ल आदमीसब भी ख्रीष्टके विषयमे खुश-खबरी सुनल्कै। ओकरसिके शरीर दोसर आदमीसिके जुगुर मरे पड्लै मगर आब ऊसब सभे दिन परमेश्वरसंगे आत्मामे जिन्दा छै।

प्रकाश 5:11

जब हमे फेरसे देख्लियै ते, अचानकसे लाखो-लाख स्वर्गदूतसिके आवाज सुन्लियै, ओकरसिके गन्ती नैकैल ज्या सक्ते रहै। ऊसब राजाके उटा सिंहासनके, ऊ चारटा जिन्दा प्राणीसिके आर ऊ चौबीसटा धरमगुरुसिके चारो बगल रहै।