१ पत्रुस 1:11 - केवट नया कारार

¹¹ ख्रीष्टके आत्मा ओकरासिमे रहै आर ओकरासिके बतैते रहै कि ख्रीष्ट केरंके दुःख सहतै आर फेर ओकरा बडका सम्मान देल जैतै। इहे ल्याके ऊसब यी पता लगाबैके कोशिश कैल्कै कि वास्तवमे ख्रीष्ट के हैतै आर यी सभे बात कहिया हैतै।

१ पत्रुस 1:11 Iomraidhean Croise

मत्ती 26:24

हमे, आदमीके बेटा धरमशास्त्रमे लिख्ल बमोजिम मर्बै, मगर हमरा गिरफ्तार करवाबैले हमर दुश्मनसिके सहायता करेवालाके बहुते खतरनाक सजाय मिल्तै। ऊ आदमीके ते जनमे नैहैतियै ते बढियाँ हैतियै।”

लूका 24:44

आर ओकरासिके कहैल्कै, “हमे तोरसिके संगे रहै बेरियाँ हमर बोल्ल बातसब इहे छै ‘हमर विषयमे मूसाके विधि-विधान, परमेश्वरके वक्ता आर भजनके किताबमे लिख्ल सभे बात पुरा हुहै पड्तै’ कहिके हमे तोरासिके कहैलियौ रहे!”

यूहन्ना 12:41

यशैया परमेश्वरके वक्ता यी बात इहे ल्याके कहैल्कै कहिनेकी ऊ येशूके भविष्यके महिमा देखल्कै रहे, आर उहे बातसब ऊ वर्णन कैल्कै।

चुन्ल आर भेज्ल चेलासब 16:7

ऊसब माइसिया प्रदेशके सिमानामे पहुँचलके बाद ऊसब बेथानियाँ प्रदेशमे जैके विचार कैल्कै। मगर येशूके आत्मा ओकरासिके ओत्ते जैले अनुमति नैदेल्कै।

रोमी 8:9

मगर परमेश्वरके आत्मा तोरासिमे बास करैछौ ते, तुहेंसब पापी स्वभावके नियन्त्रणमे नै, मगर पवित्र आत्माके नियन्त्रणमे छैं। अगर कोय आदमीमे पवित्र आत्मा नैछै ते ऊ ख्रीष्टके नैछै।

गलाती 4:6

अपनासब ओकर बेटा हुऐके कारणसे परमेश्वर आपन बेटाके आत्मा आपनसिके हृदयमे भेजी देल्कै, जे आत्मा परमेश्वरके “हे अब्बा, पिता!” कहिके पुकारैछै।

२ पत्रुस 1:21

कहिनेकी कोनो भी भविष्यवाणी कहियो भी आदमीसे उत्पन्न नैभेलै। मगर पवित्र आत्मा आदमीसिके प्रेरित कैल्कै जब ऊसब परमेश्वरके तरफसे ऐल सन्देशके बोल्लै।

प्रकाश 19:10

जब हमे यी बात सुन्लियै ते हमे ओकर समनामे झुकी गेलियै जे हमरसंगे बात कर्ते रहै, कहिनेकी हमे ओकर आराधना करैले जैते रहियै। मगर ऊ हमरा कहैल्कै, “तुहें हमरा गोड नैलाग। हमे खाली परमेश्वरके एकटा सेवक छियै जेरं तुहें छैं आर तोर भ्यासिके जुगुर जे येशूके द्वारा प्रकट कैल गेल सच्चा शिक्षापर विश्वास करैछै आर मानैछै। खाली परमेश्वर ही छै जकर तोरा आराधना करना चाही। कहिनेकी यी आत्मा छै जे परमेश्वरके आदमीसिके येशूके द्वारा बतैल गेल सचके घोषणा करैके योग्य बनाबैछै।”