१ यूहन्ना 4:2 - केवट नया कारार

² परमेश्वरके आत्माके तुहेंसब एरंके चिन्हे सकैछैं। हरेक आत्मा जे येशू ख्रीष्ट आदमी बनिके ऐलै कहिके कहैछै से आत्मा परमेश्वरके तरफसे छै।

१ यूहन्ना 4:2 Iomraidhean Croise

यूहन्ना 1:14

आर ऊ जकरा वचन कहेल जैछै एकटा आदमी बन्लै। ऊ अनुग्रह आर सच्चाईसे परिपूर्ण भ्याके आपनसिके बिच्चेमे रहलै, आर हमे ओकर महिमा देख्लियै। ओकर महिमा एरं रहै जेरं परमेश्वर पितासे ऐल एक्लौता बेटाके महिमा रहै।

१ कोरन्थी 12:3

सेल्याके हमे चाहैछियै कि तुहेंसब समझ कि जे कोय आदमी परमेश्वरके आत्माके अगुवाईसे बोलैछै, ऊ आदमी यी नैकहैछै कि येशू श्रापित छै। पवित्र आत्मा ही एकटा छै जे कक्रहौ भी यी बात कहैके योग्य बनाबे सकैछै कि “येशू प्रभु छै।”

१ तिमोथी 3:16

बिना कोनो शंकाके, हमेसब कहे सकैछियै कि परमेश्वरद्वारा प्रकट कैल शिक्षासब पुरा रुपसे सच्चा छै, यानिकी येशू ख्रीष्ट आदमीके रुपमे ऐलै, ऊ पवित्र आत्माद्वारा परमेश्वरके बेटा साबित भेलै, स्वर्गदूतसब ओकरा देखल्कै, ऊ स्वर्गके महिमामे लजैल गेलै, आदमीसब ओकर बारेमे जात-जातके आदमीसिमे प्रचार कैल्कै, आर संसारके बहुते आदमीसब ओकरापर विश्वास कैल्कै।

१ यूहन्ना 1:2

परमेश्वर आदमीसिके, उटा आदमीके देखैल्कै छे जे वास्तविक जीवन दैछै आर हमेसब ओकरा देख्लियै। सेल्याके हमेसब तोरासिके सच्चा बात बताबैछियौ। हमेसब तोरासिके कहैछियौ कि जे कहियो खतम नैहुएवाला जीवन दैछै ऊ सभे दिनके लिए रहैछै। बहुते समय पहेलासे ऊ परमेश्वर पिताके संगमे रहै मगर आब परमेश्वर ओकरा अपनासिके देखैल्कै छे।

१ यूहन्ना 2:23

जे कोय परमेश्वरके बेटाके इन्कार करैछै ऊ परमेश्वर पिताके संगे एक भेल नैछै। जे कोय परमेश्वरके बेटाके स्वीकार करैछै ऊ परमेश्वर पिताके संगे एक भेल छै।

१ यूहन्ना 4:15

यदि कोय येशू परमेश्वरके बेटा छै कहिके स्वीकार करैछै, ऊ परमेश्वरके संगे एक भ्याके रहैछै आर परमेश्वर ओकरसंगे एक भ्याके रहैछै।

१ यूहन्ना 4:3

मगर यदि कोय कहैछै कि येशू आदमी बनिके यी संसारमे नैऐलै छे ते ऊ आत्मा परमेश्वरके तरफसे नैछै, इहे ख्रीष्ट विरोधीके आत्मा छै। जकर विषयमे ऊ ऐतै कहिके तुहेंसब सुन्लहैं छे। ऊ एखन ही यी संसारमे चल ऐलै छे।

१ यूहन्ना 5:1

येशू ही ख्रीष्ट छै कहिके विश्वास करेवाला सभेको परमेश्वरके बेटा-बेटीसब छै। जे परमेश्वर पिताके प्रेम करैछै ऊ ओकर बेटा-बेटीसिके भी प्रेम करैछै।

२ यूहन्ना 1:7

हमे यी कहैछियौ कहिनेकी बहुते आदमीसब जे दोसर आदमीसिके झुट्ठा शिक्षाद्वारा धोखा दैछै ऊसब सभे जगहमे गेलै छे। ऊसब कहैछै कि येशू ख्रीष्ट यी संसारमे आदमीके रुपमे नैऐलै छे। यदि कोनो आदमी एरं कहैछै ते ऊ आदमी ख्रीष्ट विरोधी छै, जे सभे दिन आदमीसिके धोखा दैछै।