१ यूहन्ना 3:3 - केवट नया कारार

³ हरेक आदमी जे यी आशा करैछै कि ऊ ख्रीष्टके जुगुर हैतै, ऊसब खुदके हरेक पापसे दूर राखे पडैछै।

१ यूहन्ना 3:3 Iomraidhean Croise

मत्ती 5:48

सेल्याके, जेरंके स्वर्गमे रहेवाला परमेश्वर पिता सभे समय सही काम करैछै, ओहिने करिके तहुँसब भी सभे समय उहे कर जे सही छै।”

लूका 6:36

जेरंके तोरसिके परमेश्वर पिता दयालु छौ, ओहिने तहुँसब दयालु बन।

यूहन्ना 17:19

ओकरसिके लाभके खातिर हमे खुदके पवित्र बनाबैछियै, ताकी उहोसब सच्चाई द्वारा पवित्र बने सकै।”

चुन्ल आर भेज्ल चेलासब 15:9

आर विश्वासके द्वारा ओकरसिके मन शुद्ध बन्याके अपनासिमे आर ओकरासिमे कोनो भेदभाव रहैले नैदेल्कै।

रोमी 15:12

फेर, परमेश्वरके वक्ता यशैया धरमशास्त्रमे लिखल्कै छे, “यिशैके वंशसे एकझन ऐतै, ऊ गैर-यहूदी आदमीसिके उप्परमे शासन कर्तै, ओकरापर गैर-यहूदीसब आशा राख्तै कि ऊ ओकरासिके बचैतै।”

२ कोरन्थी 7:1

कहिनेकी हे प्रियसब, परमेश्वर अपनासिके आपन बेटा-बेटीसिके जुगुर स्वीकार करैके लिए एरं प्रतिज्ञा कैल्कै छे, इहे ल्याके अपनासब उटा सभे खराब काम बन्द कर जे तोरसिके शरीर आर आत्माके अशुद्ध बनाबैछै। परमेश्वरके भय मान आर आदर कर। या अपनासब पुरा तरहसे पवित्र हुऐके लिए काम करैछियै।

कलस्सी 1:5

तोरसिके विश्वास आर प्रेम तोरसिके लिए स्वर्गमे राख्ल आशामे आधारित छौ। तुहेंसब यी विषयमे पहलहैसे सुन्लहैं रहे, जब आदमीसब पहेला तोरसिकेलगत ऐलौ आर तोरासिके येशू ख्रीष्टके बारेमे खुश-खबरी सुनैल्कौ, जे परमेश्वरके सच्चा सन्देश छै।

२ थेसलोनिकी 2:16

हमेसब आपन प्रभु येशू ख्रीष्ट आर परमेश्वर पितासंगे प्रार्थना करैछियै जे अपनासिके प्रेम कैल्कै आर जे आपन अनुग्रहसे अपनासिके कहियो खतम नैहुएवाला उत्साह आर दृढ आशा देल्कै।

तीतस 3:7

परमेश्वर एरंको इहे ल्याके कैल्कै ताकी आपन अनुग्रहसे ऊ अपनासिके आपन नजरमे धर्मी घोषित करे सकै, आर अपनासब ओकर बेटा-बेटीसब बने सकियै आर इहे ल्याके विश्वासके साथ अपनासब ओकरसंगे कहियो खतम नैहुएवाला जीवन पाबैके आशा राखे सकियै।

हिब्रू 12:14

सभे आदमीसिके संगे शान्तिमे रहैके आर एकटा पवित्र जीवन जियैके कोशिश कर। कहिनेकी पवित्रता बिना कोय भी प्रभुके देखे नैसक्तै।

हिब्रू 6:18

आब एत्ते दीटा बात छै, ओकर प्रतिज्ञा आर ओकर कसम, जे कहियो नै बदले सकैछै आर जकर बारेमे परमेश्वर कहियो झुठ नैकहे सकैछै। सेल्याके अपनासब जेसब परमेश्वरके लगत सुरक्षा पाबैके लिए ऐलियै छे आर जे आशा ऊ अपनासिके देल्कै छे, ओकरा थाम्ले छियै आर बहुते उत्साहित छियै।

हिब्रू 7:26

येशू ओरंको प्रधान पुजारी छै जकर जरुरत अपनासिके छै। ऊ पवित्र छै, पापरहित छै, शुद्ध छै, पापीसिसे प्रभावित नैहैछै आर ओकरा स्वर्गसे भी उप्पर उठैल गेलै छे।

याकूब 4:8

परमेश्वरके नज्दिक या आर ऊ भी तोरसिके नज्दिक ऐतौ। हे पापीसब! आपन जीवनसे पापके दूर कर। निर्णय करैले नैसकेवाला आदमीसब! तोरसिके हृदय शुद्ध कर।

१ पत्रुस 1:15

तुहेंसब करेवाला सभे बातमे खुदके खराब बातसे अलग कर, कहिनेकी परमेश्वर, जे तोरासिके चुनल्कौ ऊ पवित्र छै।

१ पत्रुस 1:3

आपनसिके प्रभु येशू ख्रीष्टके पिता आर परमेश्वरके धन्यवाद है। परमेश्वर आपनसिके प्रति आपन बडका दयासे अपनासिके एकटा नया जीवन देल्कै छे। कहिनेकी परमेश्वर येशू ख्रीष्टके मुर्दासे जिन्दा बनैल्कै, ऊ अपनासिके बहुते आत्मविश्वासके साथ जियैके योग्य बनैल्कै छे, यानिकी अपनासब उटा चीजसिके प्राप्त करैके पुरा आशा करे सकैछियै जे ऊ अपनासिके दियैके प्रतिज्ञा कैल्कै छे।

२ पत्रुस 1:4

उहे शक्तिशाली सामर्थ्यके द्वारा ऊ अपनासिके सभे बहुते बढियाँ आर अदभुद प्रतिज्ञासब देल्कै छे। इहे प्रतिज्ञासब ही संसारके दुष्ट मानव इच्छासिसे बचाबैछै आर ईश्वरीय स्वभावमे सामिल बनाबैछै, जे ख्रीष्टमे विश्वास नैकरेवाला आदमीसब करैले नैचाहैछै।

२ पत्रुस 3:14

हे प्रिय विश्वासी भ्या-बहिनसब, परमेश्वर संसारके न्याय करैके दिनके तुहेंसब इन्तजार करैबेरियाँ तोरासिके पवित्र आर निष्खोट हुऐके लिए आर ओकरसंगे शान्तिमे रहैके लिए आपन तरफसे पुरा कोशिश करे पडैछै।

१ यूहन्ना 2:6

यदि कोनो आदमी दावा करैछै कि हमे येशूमे एक भेल छियै, ते ऊ आदमीके, येशू जेरंको जीवन जिलै ओहिने जीवन जिना चाही।

१ यूहन्ना 4:17

अपनासिके दोसर आदमीसिके पूर्ण रुपसे प्रेम करे पडैछै आर यदि अपनासब ओरं करैछियै ते, जब परमेश्वरके आपनसिके न्याय करैके समय ऐतै ते अपना निश्चिन्त हैबै कि ऊ अपनासिके दोषी नैठहरैतै। जेरंके येशू परमेश्वरके संगे एक रहै, ओहिने करिके अपनासब भी संसारमे परमेश्वरके संगे एक भ्याके जियैछियै।