१ यूहन्ना 3:1 - केवट नया कारार

¹ विचार ते कर कि परमेश्वर पिता अपनासिके केरंको प्रेम कैल्कै छे कि अपनासब परमेश्वरके बेटा-बेटी कहलैल जैयै, आर सच्चे अपनासब ओकर बेटा-बेटी छियै भी। मगर यी संसारके आदमीसब अपनासब परमेश्वरके बेटा-बेटीसब छियै कहिके नैचिन्हैछै कहिनेकी ऊसब परमेश्वर पिताके ही नैचिन्हैछै।

१ यूहन्ना 3:1 Iomraidhean Croise

लूका 20:36

ऊसब फेर नैमर्तै मगर स्वर्गदूतसिके जुगुर हैतै। ऊसब मुर्दासे जिन्दा भेल परमेश्वरके सन्तान हैतै।

यूहन्ना 1:12

मगर जतनें आदमीसब ओकरा स्वीकार कैल्कै आर ओकरामे विश्वास कैल्कै, ओकरासिके ऊ परमेश्वरके सन्तान बनैके अधिकार देल्कै।

यूहन्ना 11:52

मगर खाली ओकरसिके ही नै, ऊ परमेश्वरके आरहौ सन्तानसिके लिए भी मर्तै जे यी संसारमे अलग-अलग जगहमे छिरियैल छै, ताकी ओकरासिके एक जगहमे जमा करे सकै।

यूहन्ना 15:21

तुहेंसब हमर चेला छैं सेल्याके आदमीसब तोरसिके संगे एरं व्यवहार कर्तौ, कहिनेकी ऊसब हमरा भेजेवाला परमेश्वरके नैचिन्हैछै।

यूहन्ना 16:3

ऊसब यी काम इहे ल्याके कर्तै कहिनेकी ऊसब नैते हमरा चिन्हैछै आर नै हमर परमेश्वर पिताके चिन्हैछै।

यूहन्ना 17:25

हे धर्मी पिता! संसारके आदमीसब तोरा नैचिन्हैछौं, मगर हमे तोरा चिन्हैछिहौं, आर तुहें हमरा भेज्लह छे कहिके यी चेलासब जानैछै।

यूहन्ना 3:16

कहिनेकी परमेश्वर संसारके आदमीसिके एतनें ढेर प्रेम कैल्कै, कि ऊ आपन एकलौता बेटा देल्कै। सेल्याके परमेश्वरके बेटापर विश्वास करेवाला कोय भी नाश नैहैतै, मगर ऊसब कहियो खतम नैहुएवाला जीवन पैतै।

रोमी 5:8

मगर परमेश्वर आपनसिके लिए ओकर प्रेम एक्रहैमे देखाबैछै कि जब अपनासब पापी ही रहियै तखनिहैं येशू ख्रीष्ट आपनसिके लिए मर्लै।

रोमी 8:19

कहिनेकी सृष्टि बडका आशासे परमेश्वर आपन सच्चा सन्तानसिके प्रकट कर्तै कहिके उटा आबेवाला दिनके लिए इन्तजार करैछै।

रोमी 8:21

सृष्टि आपनहैं उटा दिनके इन्तजारमे छै, जब यी मौत आर विनाशसे मुक्त भ्याजैतै आर परमेश्वरके सन्तानसिके महिमाके संगे सामिल हैतै।

रोमी 8:32

परमेश्वर आपन बेटाके ते आपन लिए नैराखल्कै, मगर आपनसिके लिए ओकरा आपन दुश्मनसिके सौंपी देल्कै। ऊ अपनासिके जरुर ही उटा सभे चीज मुफ्तमे देतै जे ऊ अपनासिके प्रतिज्ञा कैल्कै रहे।

२ कोरन्थी 6:18

हमे तोरसिके पिता हैबौ आर तुहेंसब हमर बेटा-बेटीसब हैभैं, यी सर्वशक्तिमान प्रभुके वचन छै।”

गलाती 3:26

तुहेंसब सभेको येशू ख्रीष्टमे बप्तिस्मा लेल्हैं छे आर ख्रीष्टके चरित्रके मुताबिक चलैछैं। सेल्याके तुहेंसब येशू ख्रीष्टमे विश्वास राखैके द्वारा परमेश्वरके सन्तान बनी गेल्हैं छे।

गलाती 3:29

कहिनेकी तुहेंसब ख्रीष्टके संगे एक छैं, आब तुहेंसब अब्राहमके परिवारके आदमी छैं आर तुहेंसब अब्राहमके हकदार छैं आर तोरासिके उटा सभे कुछु मिल्तौ जकर परमेश्वर अब्राहमसे प्रतिज्ञा कैल्कै रहे।

कलस्सी 3:3

कहिनेकी तुहेंसब आपन पापी स्वभावके लिए मर्ल छैं आर तुहेंसब परमेश्वरके उपस्थितिमे ख्रीष्टके संगे एक भेल छैं। आदमीसब तोरसिके यी नया जीवनके नैबुझैछै।

१ यूहन्ना 3:10

एक्रहैसे परमेश्वरके बेटा-बेटीसब आर शैतानके बेटा-बेटीसब चिन्हल जैछै। ऊ जेसब सही काम करैछै, ऊसब परमेश्वरके बेटा-बेटीसब छै आर ऊ जेसब आपन विश्वासी भ्या-बहिनसिसे प्रेम नैकरैछै, ऊसब परमेश्वरके बेटा-बेटीसब नैछै।

१ यूहन्ना 3:2

हे प्रिय दोस्तसब, आब अपनासब परमेश्वरके बेटाबेटीसब छियै, आर एखनतक यी दिखाई नैदेल्कै छे, कि अपनासब भविष्यमे केरंको हैबै। मगर एतनें जानैछियै कि जब ख्रीष्ट फेर यी संसारमे वापस ऐतै, तब अपनासब ओकरे जुगुर हैबै। कहिनेकी ऊ जेरं छै अपनासब ओकरा ओहिने देख्बै।

१ यूहन्ना 4:17

अपनासिके दोसर आदमीसिके पूर्ण रुपसे प्रेम करे पडैछै आर यदि अपनासब ओरं करैछियै ते, जब परमेश्वरके आपनसिके न्याय करैके समय ऐतै ते अपना निश्चिन्त हैबै कि ऊ अपनासिके दोषी नैठहरैतै। जेरंके येशू परमेश्वरके संगे एक रहै, ओहिने करिके अपनासब भी संसारमे परमेश्वरके संगे एक भ्याके जियैछियै।

प्रकाश 21:7

जे आदमीसब शैतानपर जित हासिल करैछै ऊ हमरद्वारा यी सभे आशिषसब प्राप्त कर्तै। हमे ओकर परमेश्वर हैबै आर ऊ हमर बेटा हैतै।