१ यूहन्ना 1:8 - केवट नया कारार

⁸ यदि अपनासब कहैछियै कि अपनासिमे कोनो पाप नैछै ते अपनासब अपने आपके धोखा दैछियै आर अपनासिके उटा सच्चा बात मालुम नैछै जे परमेश्वर प्रकट कैल्कै छे।

१ यूहन्ना 1:8 Iomraidhean Croise

यूहन्ना 8:44

तुहेंसब आपन बाबु शैतानके सन्तान छैं, आर तुहेंसब ओकरे इच्छा पुरा करैले चाहैछैं। ऊ ते शुरुहैसे हत्यारा छै, आर ओकरा सच्चाईसे कुछु लेना देना नैछै, कहिनेकी ओकरामे सच्चाई छैबे नैकरै। ऊ जब झुठ बोलैछै ते ऊ आपन स्वभावके अनुसार ही बोलैछै, कहिनेकी ऊ झुट्ठा छै आर झुठके बाबु छै।

रोमी 3:10

जेरं कि धरमशास्त्रमे लिख्ल छै, “परमेश्वरके समनामे कोय भी धर्मी नैछै, एकझन भी नैछै।

रोमी 3:23

इहे ल्याके सभे आदमीसब पाप कैल्कै छे, आर परमेश्वरके तरफसे मिलेवाला महिमाके प्राप्त नैकैल्कै छे।

१ कोरन्थी 3:18

कोय आदमी अपने आपके धोखा नैदक। यदि तोरसिमेसे कोय यी संसारके आदमीसिके नजरमे खुदके बुद्धिमान सम्झैछै ते, तुहेंसब ओकरसिके नजरमे खुदके मूर्ख बनाबे पडैछै, ताकी परमेश्वरके नजरमे तुहेंसब बुद्धिमान बने सक्हैं।

गलाती 6:3

यदि तोरासिके लागैछौ कि ककरो सहायता करैके लिए तुहें बहुते महत्वपूर्ण छैं ते तुहें खाली अपने आपके मूर्ख बनाबैछैं। तुहें एतनें भी महत्वपूर्ण नैछैं।

१ तिमोथी 6:5

ओकरसिके दिमाग दुष्ट शंकासे भर्ल छै, आर ऊसब निरन्तर दोसर आदमीसिके संगे वाद-विवाद करैछै, आर ऊसब आब नै समझे सकैछै कि सच्चाई कि छै। ऊसब सोचैछै कि परमेश्वरके बारेमे शिक्षा देना पैसा कमाबैके रस्ता छै।

२ तिमोथी 3:13

मगर दुष्ट आर धोखेबाज आदमीसब आरहौ बेसी दुष्ट कामसब कर्तै। ऊसब आदमीसिके धोखा देतै आर ऊसब खुद भी दोसर आदमीसिसे धोखा पैतै।

याकूब 1:22

परमेश्वरके वचन पालन करेवाला हु, खाली सुनेवाला भ्याके अपने आपके धोखा नैदहैं।

याकूब 1:26

यदि कोय आदमी अपने आपके धर्मी सम्झैछै आर आपन जिभाके खराब बात बोलैसे काबुमे नैराखैछै ते ऊ खुदके धोखा दैछै आर ओकर भक्ति बेकार छै।

याकूब 3:2

अपनासब बहुतेबेर गल्ती करैछियै, मगर यदि कोनो आदमी आपन बोल्ल बातमे कहियो गल्ती नैकरैछै ते, उहे सिद्ध आदमी छै आर ऊ आपन सारा शरीरके काबुमे राखे सकैछै।

२ पत्रुस 2:13

ओकरसिके विनाश उटा नोक्सानीके प्रतिफल छै जे ऊसब कैल्कै छे। ऊसब दिन्हैमे खराब सुख-विलासमे पडल रहना पसन्द करैछै। ऊसब तोरसिके बीचमे एकटा कलंक आर दाग छै। ऊसब धोखा दियैमे खुशी मनाबैछै, जब कि ऊसब तोरसिके प्रीति-भोजमे तोरसिके संगे खान-पिन करैछै।

१ यूहन्ना 1:10

यदि अपनासब कहैछियै कि अपनासब पाप नैकैलियै छे ते अपनासब परमेश्वरके झुट्ठा बनाबैछियै आर यी देखाबैछै कि अपनासब एखनतक ओकर वचनके स्वीकारे नैकैलियै छे।

१ यूहन्ना 1:6

सेल्याके यदि अपनासब यी कहैछियै कि अपनासब परमेश्वरके संगे संगतिमे जुड्ल छियै छै मगर आरहौ भी दुष्ट काम करैछियै ते, अपनासब झुठ बोलैछियै आर सच्चाईके मुताबिक नैजियैछियै।

१ यूहन्ना 2:4

यदि कोय आदमी कहैछै कि हमे परमेश्वरके चिन्हैछियै मगर ऊ आदमी परमेश्वरके आज्ञापालन नैकरैछै ते, ऊ आदमी झुट्ठा छै आर ऊ आदमी परमेश्वरके आज्ञाके मुताबिक नैजियैछै।

१ यूहन्ना 4:20

यदि कोनो आदमी हमे परमेश्वरके प्रेम करैछियै कहैछै, मगर आपन विश्वासी भ्या-बहिनसिके घृणा करैछै ते, ऊ झुट्ठा छै। कहिनेकी ऊ आपन देख्ल विश्वासी भ्या-बहिनके प्रेम नैकरैछै ते जे परमेश्वरके ऊ नैदेखल्कै छे ऊ परमेश्वरके प्रेम करे नैसक्तै।

२ यूहन्ना 1:2

अपनासिमे भेल सच्चाईके कारणसे हमेसब तोरासिके प्रेम करैछियै आर ऊ सच्चाई सभे दिन आपनसिके संगे रहतै।

३ यूहन्ना 1:3

कहिनेकी कुछु विश्वासी भ्यासब आबिके हमरा कहैल्कै कि तुहें परमेश्वरके सच्चा रस्तामे विश्वासयोग्यताके साथ जियैछैं। यी बात सुनिके हमे बहुते आनन्दित भेलियै छे।