१ यूहन्ना 1:6 - केवट नया कारार

⁶ सेल्याके यदि अपनासब यी कहैछियै कि अपनासब परमेश्वरके संगे संगतिमे जुड्ल छियै छै मगर आरहौ भी दुष्ट काम करैछियै ते, अपनासब झुठ बोलैछियै आर सच्चाईके मुताबिक नैजियैछियै।

१ यूहन्ना 1:6 Iomraidhean Croise

मत्ती 7:22

उटा दिन बहुते आदमीसब हमरा एरं कहतै, ‘प्रभु, हे प्रभु, कि हमेसब तोर नामके अधिकारसे परमेश्वरके तरफसे नै बोल्लियै? कि तोर नामके अधिकारसे भूतसब नैभगैलियै? आर कि तोर नामके अधिकारसे अनेक शक्तिशाली काम नैकैलिहौं?’

यूहन्ना 11:10

मगर जे कोय रातके अनहारमे चलैछै, ओकरा ठेस लागैछै, कहिनेकी ओकरलगत उजेत नैहैछै।”

यूहन्ना 12:35

येशू ओकरासिके कहैल्कै, “आब कुछु देरतक उजेत तोरसिके बीचमे छौ। जबतक उजेत तोरसिके संगे छौ तबतक आगु बढ्ते र, कहीं एरं नैहौ कि अनहार तोरासिके घेरी लौ। जे अनहारमे चलैछै, ऊ नैजानैछै कि ऊ कते जैछै।

यूहन्ना 12:46

हमे उजेत बनिके यी संसारमे ऐलियै छे, ताकी हमरापर विश्वास करेवाला आदमी अनहारमे नैरहै।

यूहन्ना 8:12

जब येशू फेर आदमीसिसे बात कर्ते रहै, तब ऊ कहैल्कै, “हमे संसारके उजेत छियै। जे कोय हमर पाछु चल्तै, ऊ अनहारमे कहियो नैचल्तै, मगर उटा उजेतके पैतै जे कहियो खतम नैहुएवाला जीवन दैछै।”

यूहन्ना 8:55

तुहेंसब ओकरा नैचिन्हैछैं, मगर हमे ओकरा चिन्हैछियै। यदि हमे ओकरा नैचिन्हैछियै कहतियै ते हम्हुँ तोरेसिके जुगुर झुट्ठा हैतियै। मगर हमे ओकरा चिन्हैछियै आर ओकर आज्ञा मानैछियै।

१ तिमोथी 4:2

झुट्ठा शिक्षकसब छल-कपट करेवाला हैछै। जेरंके गरम लुहासे झरकलके बाद चमडा बोद्र भ्याजैछै, ओहिने करिके ओकरासिके महसुस नैहैछै कि ऊसब सही करैछै कि गलत करैछै।

याकूब 2:14

हे हमर विश्वासी भ्या-बहिनसब, यदि कोनो आदमी कहैछै कि ओकरा प्रभु येशू ख्रीष्टमे विश्वास छै, मगर ऊ बढियाँ काम नैकरैछै ते एकरासे कि फैदा? कि एरंको विश्वास कहियो ओकरा बचाबे सकैछै?

याकूब 2:16

आर तोरासिमेसे कोय ओकरा कहैछै, “कुशलसे चल जो, बढियाँसे पिन्ह आर पेट भरिके खो” मगर जे चीज ओकर शरीरके लिए जरुरी छै यदि ऊ चीज तुहें नैदैछैं ते, एकरासे कि फैदा?

याकूब 2:18

मगर यदि कोय कहे सकैछै, “तुहें येशू ख्रीष्टमे विश्वास करैछैं, आर हमे बढियाँ कामसब करैछियै।” मगर हमे कहैछियौ कि काम बिनाके तोर विश्वास हमरा साबित कर आर हमे आपन विश्वास आपन बढियाँ कामके द्वारा तोरा देखैबौ।

१ यूहन्ना 1:10

यदि अपनासब कहैछियै कि अपनासब पाप नैकैलियै छे ते अपनासब परमेश्वरके झुट्ठा बनाबैछियै आर यी देखाबैछै कि अपनासब एखनतक ओकर वचनके स्वीकारे नैकैलियै छे।

१ यूहन्ना 1:3

सेल्याके यी आदमी जकरा हमेसब देख्लियै आर सुन्लियै छे, ऊ उहे व्यक्ति छै जकर बारेमे हमेसब तोरासिके कहैछियौ, ताकी तुहेंसब भी ओकरापर भरोसा राखैके लिए हमरसिके संगे जुडे सक्हैं। कहिनेकी अपनासब खुद भी परमेश्वर आपनसिके पिता आर ओकर बेटा येशू ख्रीष्टके संगे जुड्ल छियै।

१ यूहन्ना 1:8

यदि अपनासब कहैछियै कि अपनासिमे कोनो पाप नैछै ते अपनासब अपने आपके धोखा दैछियै आर अपनासिके उटा सच्चा बात मालुम नैछै जे परमेश्वर प्रकट कैल्कै छे।

१ यूहन्ना 2:4

यदि कोय आदमी कहैछै कि हमे परमेश्वरके चिन्हैछियै मगर ऊ आदमी परमेश्वरके आज्ञापालन नैकरैछै ते, ऊ आदमी झुट्ठा छै आर ऊ आदमी परमेश्वरके आज्ञाके मुताबिक नैजियैछै।

१ यूहन्ना 4:20

यदि कोनो आदमी हमे परमेश्वरके प्रेम करैछियै कहैछै, मगर आपन विश्वासी भ्या-बहिनसिके घृणा करैछै ते, ऊ झुट्ठा छै। कहिनेकी ऊ आपन देख्ल विश्वासी भ्या-बहिनके प्रेम नैकरैछै ते जे परमेश्वरके ऊ नैदेखल्कै छे ऊ परमेश्वरके प्रेम करे नैसक्तै।