१ यूहन्ना 1:3 - केवट नया कारार

³ सेल्याके यी आदमी जकरा हमेसब देख्लियै आर सुन्लियै छे, ऊ उहे व्यक्ति छै जकर बारेमे हमेसब तोरासिके कहैछियौ, ताकी तुहेंसब भी ओकरापर भरोसा राखैके लिए हमरसिके संगे जुडे सक्हैं। कहिनेकी अपनासब खुद भी परमेश्वर आपनसिके पिता आर ओकर बेटा येशू ख्रीष्टके संगे जुड्ल छियै।

१ यूहन्ना 1:3 Iomraidhean Croise

यूहन्ना 17:11

आब हमे संसारमे नैरहबै, मगर हमे तोरलगत आबैछिहौं। मगर हमर चेलासब एखनी भी संसारमे छै। हे पवित्र पिता, तोर नामके शक्तिके द्वारा ओकरासिके सुरक्षित राख, जे नाम तुहें हमरा देल्ह छे, ताकी जेरंके अपनासब एक मनके छियै ओहिने ही यीसब भी एक मनके हुए सकै।

यूहन्ना 17:21

कि ऊसब सभेको एक है। हे पिता, जेरंके तुहें हमरामे रहैछ, आर हमे तोरामे रहैछियै, ओहिने करिके ऊसब अपनासिमे रहिके एक है, आर तुहें हमरा भेज्लह छे कहिके संसारके आदमीसब विश्वास करे सकै।

यूहन्ना 17:25

हे धर्मी पिता! संसारके आदमीसब तोरा नैचिन्हैछौं, मगर हमे तोरा चिन्हैछिहौं, आर तुहें हमरा भेज्लह छे कहिके यी चेलासब जानैछै।

यूहन्ना 17:3

कहियो खतम नैहुएवाला जीवन यी छै, कि आदमीसब तोरा चिन्हे सकै, यानिकी खाली एक्केटा सच्चा परमेश्वरके आर ऊसब हमरा चिन्हे सकै कि तुहें हमरा, येशू ख्रीष्टके भेज्लह छे।

यूहन्ना 19:35

जे आदमी यीसब देखल्कै, ऊ गवाही देल्कै छे, ताकी तुहें भी येशूपर विश्वास करे सक्हैं। आर ओकर गवाही सच छै। आर ऊ जानैछै कि ऊ सच्चाईसे बोलैछै।

चुन्ल आर भेज्ल चेलासब 13:32

हमेसब यी खुश-खबरी तोरासिके सुनाबैके लिए ऐलियै छे जे बातके प्रतिज्ञा परमेश्वर आपनसिके बाप-पुर्खासिके संगे कैल्कै रहे,

चुन्ल आर भेज्ल चेलासब 13:41

‘हे निन्दा करेवाला आदमीसब, देख आर चकित हु, आर नाश भ्याजो, कहिनेकी तोरसिके समयमे हमे एकटा काम कर्बौ, एरंको काम जकर विषयमे कोय बयान भी करि देतौ ते तुहेंसब कहियो विश्वास नैकर्भैं।’ ”

चुन्ल आर भेज्ल चेलासब 2:42

ऊसब चुन्ल आर भेज्ल चेलासिके शिक्षामे आर संगतिमे लाग्ल रहै, आर प्रभु-भोजमे सहभागी हैते रहै आर विश्वासीसब एक्केसंगे भोजन कर्ते रहै, आर लगातार प्रार्थनामे लाग्ल रहते रहै।

चुन्ल आर भेज्ल चेलासब 20:27

कहिनेकी हमे तोरासिके परमेश्वर तुहेंसब जे बात जानह कहिके चहते रहै उटा सभे बात बतैलिहौं छे। हमे तोरासिसे कुछु भी नैनुकैलिहौं छे।

चुन्ल आर भेज्ल चेलासब 4:20

कहिनेकी हमरसिके देख्ल आर सुन्ल बातसिके नैबोलीके हमेसब रहे नैसक्बै।”

रोमी 15:27

यी दान ऊसब खुशीसे जमा कैल्कै रहे, आर सच्चे यीसब यरूशलेम सहरके आदमीसिके कर्जदार छै। कहिनेकी गैर-यहूदी आदमीसब यरूशलेम सहरके विश्वासीसिसे खुश-खबरीके आत्मिक आशिष पैल्कै, सेल्याके ओकरासिके लागैछै कि एकर बदलामे ऊसब कमसे कम ओकरासिके आर्थिक सहायता करे सकैछै।

१ कोरन्थी 1:30

मगर परमेश्वर तोरासिके येशू ख्रीष्टमे एक बन्या देल्कौ छे, आर ख्रीष्टके द्वारा ऊ अपनासिके आपन बुद्धि दैछै। परमेश्वर अपनासिके धर्मी घोषित कैल्कै छे। ख्रीष्टके द्वारा अपनासब पवित्र बनैल छियै, आर ऊ अपनासिके पापसिसे छुटकारा देल्कै छे।

१ कोरन्थी 1:9

परमेश्वर यी काम कर्तौ कहिनेकी परमेश्वर जे बोलैछै उटा बात करैमे ऊ विश्वासयोग्य छै आर ऊ तोरासिके आपन बेटा, आपनसिके प्रभु येशू ख्रीष्टके संगे सम्बन्धमे बोलैल्कौ छे।

१ कोरन्थी 15:1

हे विश्वासी भ्या-बहिनसब, हमे तोरासिके उहे खुश-खबरी याद दिलाबैले चाहैछियौ, जे तुहेंसब पहेला सुनी लेल्हैं छे, जे सन्देशमे तुहेंसब विश्वास भी कैल्हैं रहे आर ओकरामे तुहेंसब आरहौ भी मजगुत भी भेले गेल्हैं।

२ कोरन्थी 13:14

प्रभु येशू ख्रीष्टके अनुग्रह, परमेश्वरके प्रेम आर पवित्र आत्माके संगति तोरसिके सभैके संगे बन्ल रहौ।

एफिसी 3:6

आर रहस्य यी छै कि येशू ख्रीष्टके संगे आपनसिके सम्बन्धके कारण खुश-खबरीके द्वारा यहूदी आदमीसिके जुगुर गैर-यहूदी आदमीसब भी उहे आशिषसिके पैतै, आर ऊसब एक्केटा शरीरके अंगसब छै आर परमेश्वरके कैल प्रतिज्ञासिमे भागीदार छै।

फिलिप्पी 1:7

तोरसिके सभैके लिए एरं सोचना हमर लिए सही छै, कहिनेकी तोरसिके लिए हमर मनमे विशेष जगह छै। चाहे हमे कैदमे छियै या खुश-खबरीके सच्चाईके साबित आर रक्षा करैछियै, हरेक समयमे तुहेंसब परमेश्वरके अनुग्रहमे हमरसंगे सामिल भेल छैं।

फिलिप्पी 2:1

तुहेंसब ख्रीष्टके संगे एक हुऐके कारणसे तोरासिके उत्साह मिल्लौ छे। ख्रीष्ट तोरासिके प्रेम करैके कारणसे तुहेंसब सान्त्वना पैल्हैं छे। तुहेंसब पवित्र आत्मामे संगति करैके कारणसे तुहेंसब ख्रीष्टके कोमलता आर दया पैल्हैं छे।

फिलिप्पी 3:10

हमे ख्रीष्टके जाने चाहैछियै। ओकर मुर्दासे जिन्दा हुएवाला शक्तिके अनुभव करियै आर ओकर मौतमे ओकरे जुगुर भ्याके ओकर दुःख भोगमे सामिल हुए सकियै।

कलस्सी 1:13

कहिनेकी ऊ अपनासिके शैतानके शक्तिसे छुटैल्कै छे आर आपन प्रिय बेटाके राज्यमे आनल्कै छे।

१ थेसलोनिकी 1:10

आर ऊसब तुहेंसब केरंके स्वर्गसे परमेश्वरके बेटा फेरसे वापस आबैके रस्ता देखैछैं कहिके कहैछै, यानिकी येशू, जकरा परमेश्वर मुर्दासे फेर जिन्दा बनैल्कै। उहे ही अपनासिके आबेवाला परमेश्वरके क्रोधसे बचाबैछै।

१ तिमोथी 6:2

दाससिके आपन विश्वासी मालिकसिके आदर दिए पडैछै कहिनेकी ऊसब ख्रीष्टमे भ्या-भैय्यारीसब छै आर ऊ दाससब आपन मालिकसिके लिए आरहौ बेसी बढियाँसे काम करक, कहिनेकी ऊ मालिकसब जकर लिए दाससब काम करैछै ऊसब भी विश्वासीसब छै आर ऊ मालिकसब ओकरासिके बहुते प्रेम करैछै। ओकरासिके इहे नियमसिके शिक्षा दहैं आर उटा पालन करैके लिए उत्साह दहैं।

हिब्रू 2:12

एकर विषयमे ख्रीष्ट परमेश्वरसे एरंके कहैछै, “जे भला काम तुहें हमर लिए कैलह छे, उटा बात हमे आपन विश्वासी भ्या-बहिनसिके बतैबै। जब ऊसब तोर आराधना करैके लिए जमा हैतै, तब हमे तोर महिमा कर्भौं।”

हिब्रू 3:1

सेल्याके हे विश्वासी भ्या-बहिनसब, जेसब परमेश्वरसे सम्बन्ध राखैछैं, तुहेंसब स्वर्गमे ओकरसंगे सामिल हुऐके लिए बोलैल गेल्हैं छे। प्रभु येशूपर ध्यान दहैं, जे आपनसिके लिए परमेश्वरके सन्देशवाहक आर प्रधान पुजारी छै।

हिब्रू 3:14

कहिनेकी यदि अपनासब अन्ततक दृढताके साथ आपन शुरुआतके विश्वासके थामिके राखैछियै ते, अपनासब ख्रीष्टके संगे सहभागी भ्या जैछियै।

१ पत्रुस 5:1

कुछु एरं बातसब छै जे हमे ओत्ते भेल मण्डलीके अगुवासिके कहैले चाहैछियै कहिनेकी हमे भी तोरसिके जुगुर एकटा मण्डलीके रेख-देख करेवाला छियै। हमे खुद उटा दुःखसिके देख्लियै छे जे बहुते समय पहेला ख्रीष्ट सहैल्कै। जब ऊ फेर वापस ऐतै ते, हमे भी ओकर महिमामे सामिल हैबै। आब हमे तोरासिके आग्रह करैछियौ,

२ पत्रुस 1:16

जब हमे चुन्ल आर भेज्ल चेलासब तोरासिके आपनसिके प्रभु येशू ख्रीष्टके शक्ति आर फेर वापस आबैके विषयमे प्रचार कैलियौ ते, हमेसब तोरासिके चलाकीसे कुछु बन्ल बनैल कहानी नैबतैते रहियौ। बल्की हमेसब ख्रीष्टके महिमा आपन आँखीसे देख्लियै रहे।

१ यूहन्ना 1:1

हमे यी चिट्ठी तोरासिके ओकर विषयमे लिखैछियौ जे आदमीसिके लिए परमेश्वरके सन्देश छै आर आदमीसिके वास्तविक जीवन दैछै। ऊ संसारके सृष्टि हुऐसे पहेलासे ही रहै, मगर आब हमेसब आपनहैंसे ओकरा सुन्लियै छे आर हमेसब ओकरा आपन आँखसे देख्लियै छे, हमेसब ओकरा बडा ध्यानसे देख्लियै छे आर हमरसिके हातसे ओकरा छुलियै छे।

१ यूहन्ना 1:5

मगर जे संदेश अपनासिके येशू ख्रीष्ट कहैल्कै आर जे तोरासिके प्रचार करैछियौ, ऊ इहे छै कि परमेश्वर उजेतके जुगुर बढियाँ आर शुद्ध छै आर ओकरामे अनहारके जुगुर एक्कोरति दुष्टता नैछै।

१ यूहन्ना 1:7

मगर जब अपनासब परमेश्वरके उजेतके द्वारा देखैल सही काम करैछियै, ओकर शुद्धताके मुताबिक जेरंके परमेश्वर सभे दिन सही काम करैछै, तब आपनसिके संगति एक दोसरके संगे हैछै आर ओकर बेटा, येशू ख्रीष्टके खून आपनसिके सभे पापसब शुद्ध करैछै।